Euskal enpresaren blog-a Zure enpresarentzat garrantzitsua den eguneroko informazioa

18 otsaila, 2018
Otsailaren 19 eta 20an 500dik gora enpresak hartuko dute parte Eusko Jaurlaritzak Nazioartekotzearekin daukan  Intergune+ hitzorduan

Barakaldoko BECen 20tik gora hitzaldi emango dira 40 hizlarirekin eta, 40 enpresa eta instituzioren standak jarriko dira
Nazioartekotze Agentziaren Kanpo Sarea Intergunen.

Barakaldoko BECen 20tik gora hitzaldi emango dira 40 hizlarirekin, 40 enpresa eta instituzioren standak jarriko dira eta 600dik gora bilera egingo dira enpresarien eta SPRIren Kanpo Sareak-Euskadiko Nazioartekotze Agentziak 70 bulegotan dituen ordezkarien artean.

 

Otsailaren 19 eta 20an 500dik gora enpresak hartuko dute parte Eusko Jaurlaritzak Nazioartekotzearekin daukan  Intergune+ hitzorduan. Barakaldoko BECen egiteko den ekitaldi horretan, 20tik gora hitzaldi emango dira 40 hizlariren ekarpenekin, 40 enpresa eta instituzioren standak jarriko dira ikusgai eta 600dik gora bilera egingo dira enpresarien eta SPRIren Kanpo Sareak-Euskadiko Nazioartekotze Agentziak 70etik gora bulegotan dituen ordezkarien artean.

 

Intergune+ topagune bihurtu da; topagune bat, non euskal enpresek informazio baliagarria jaso dezaketen nazioartekotze-zerbitzuen arloko eskaintzari, Europako politikei, herrialde gorakorrei eta atzerrian izan ditzaketen enpresa-aukerei buruz. Ekonomi Garapen eta Azpiegitura Sailak antolatzen du Foroa, SPRI Taldearen barruan dagoen Euskadiko Nazioartekotze Agentzia sortu berriaren bitartez.

 

Ekonomi Garapen eta Azpiegitura sailburu Arantxa Tapiak irekiko du ekitaldia otsailaren 19an, eta gero “Nazioartekotze esperientziak tamainaren arabera” solasaldia hasiko da, non lau enpresa elkartuko baitira  (Ega Master, Inkoa, Lantek eta Irizar) atzerrira irteteak dituen erronkak  komentatzeko.

 

Ondoren, aurten bertan abiarazitako Euskadiko Nazioartekotze Agentzia (Basque Trade and Investment) berriaren zerbitzu eskaintza aurkeztuko da. Agentzia horren eta Basque Country Lizitazioak plataformaren programak azalduko dira. Orobat azalduko da SPRIren Invest in the Basque Country unitateak –inbertsioak Euskadira erakartzeko ardura duenak–  eskaintzen duen zerbitzua, eta nolako laguntza eskaintzen duen SPRIren Kluster estrategiak nazioartekotze prozesurako.

 

Arratsaldean, solasaldi bat egingo da jardunbide egokiei buruz, eta, zehazkiago esanda, beren merkatu-nitxoetan lider globalak diren euskal enpresetako jardunbide egokiei buruz. Tamaina eta baliabideak oso garrantzitsuak dira mundu mailan lehiatzeko, baina badira Euskadin dozenaka euskal enpresa askoz arerio handiagoen aurka lehiatzen direnak eta lider izatera iritsi direnak beren merkatu nitxoetan.  Saio honetan hizpide hartuko dira nazioarteko merkatu nitxoetako lider diren enpresen ezaugarriak eta jokabideak, eta parte hartuko dute Bart Kamp-ek, Orkestra-Lehiakortasunaren Euskal Institutuko Nazioartekotze Gaien koordinatzaileak, eta Pedro Garciandiak, Indar Electric enpresako Negozio Garapeneko zuzendariak.

 

Biharamunean, otsailaren 20an, jardunaldi tematikoak egingo dira areto desberdinetan, eta jardunaldi horietan aztergai izango da Alemania, Italia, Ekialde Urruna, Erresuma Batua, Argentina edota Maroko bezalako herrialdeetako nazioartekotze prozesua.

 

Jardunaldi tematiko horiekin batera enpresariek banan-banako bilerak egingo dituzte SPRIren Kanpo Sareak-Euskadiko Nazioartekotze Agentziak munduan barrena dituen delegatu eta ordezkariekin, eta lan-bilera horietan erantzunak eta aholkuak emango zaizkie beren intereseko herrialde edo eremu geografikoko merkatu, negozio eta ezaugarriei buruz dituzten kezka eta galderentzat.

 

Azkenik, eta aurreko edizioetan bezala, erakusketa-gune bat antolatuko da, enpresek, antolakundeek eta erakundeek ezagutzera eman ditzaten beren zerbitzuak eta nazioartekotze tresnak. Edizio honetan 40 bat erakundek parte hartuko dute: Air France, AEVC (Kubako Euskal Enpresarien Elkartea), Antal, Bankoa, Basque Clusters, Arpa Consultores, Banco Sabadell, Banco Santander, Bankinter, Bankoa, Crédit Agricole, Bilboko Portu Agintaritza, Dualia, Arabako Merkataritza Ganbera, Bilboko Merkataritza Ganbera, Gipuzkoako Ganbera, Frantziako eta Espainiako Merkataritza eta Industriako Ganbera, Cesce, Arabako, Bizkaiko eta Gipuzkoako Foru Aldundiak, Elkargi, Eusko Jaurlaritza,  Agex Taldea, ICEX, Interacción Taldea, Intertek, Itac, Oteic Taldea, SPRI Taldea, Kompass Spain, Lufthansa, Negobide, Sparber Group, Uniport, Deustuko Unibertsitatea eta Ur Global.

 

Nazioartekotzea 29 uztaila, 2021
Erke, zerbitzu-autoen ekipamendua autonomoentzako, ETEntzako eta enpresa handientzako bideratua

1997an sortu zenetik, Erke enpresa gipuzkoarra zerbitzu ibilgailuentzako soluzio integraletan...Leer más

Nazioartekotzea 21 uztaila, 2021
Taiwanek energia berriztagarrien aldeko apustua egin du, eta merkatua ireki die sektoreko euskal enpresei

SPRI Taldeak Nazioartekotzeko Euskal Agentziaren (BTI) bidez antolatutako topaketa batek...Leer más

B.lux, euskal diseinuzko argiztapena, 65 herrialdetan presente dagoena

1978an sortu zenetik, Gizaburuagan (Bizkaia) egoitza duen B.lux enpresak diseinu garaikideko argiak...Leer más

Nazioartekotzea 20 uztaila, 2021
Eusko Jaurlaritzak 2021-2024 Industriaren Garapen eta Nazioartekotze plana onartu du

Plana estrategikotzat jotzen da, eta ekonomia suspertzen lagunduko du, pandemiak eragindako erronka...Leer más

Uriarte Safybox
Uriarte Safyboxek kaxak eta armairu ez-metalikoak fabrikatzen ditu eremu oldarkorretan ekipoak babesteko

Uriarte SafyBox Bizkaiko enpresa, Uriarte Enclosures taldekoa (200 langile baino gehiago ditu),...Leer más

Linkedin-a

Eguneroko informazioa, jarduera-sektoreka eta intereseko
hartzeko.

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?