Filtros X
Tipos de Posts
Agenda

Joan blog-era Euskal enpresaren blog-a

Zure enpresarentzat garrantzitsua den eguneroko informazioa

Elkarrizketak 22 Marzo, 2019 I+G Nazioartekotzea

Munta handiko fresatze-makinak

Rafael Idígoras enpresako zuzendari nagusia
Rafael Idigoras, Soraluceko zuzendari nagusia.

 

Soraluce kooperatibak bere nazioarteko bokazioa sendotu du, bederatzi milioi euroko inbertsio bat eginaz tamaina handiko makinen lantegi bat egiteko Bergaran

 

Eibar eta Elgoibar artean dagoen Soraluze herriak ematen dio izena Danobat Taldeko kooperatiba honi, zeinak odolean baitarama makina-erremintaren langintza 1952tik. 330 pertsonako “familia” bat osatzen duten bost lantegi dituelarik Euskadin, eta ordezkaritza estrategikoak Alemanian eta Italian, Soraluce kooperatiba euskal enpresek nazioartekotzearen alde egin duten apustuaren eredu argia da. Apustu horri esker Europa, Asia eta Amerikaraino iritsi da eta kanpora esportatzen ditu bere produktuen %90, horien artean fresatzeko makina, bere sektorean Ferrari autoen parekoa dena eta merkatuan sei milioi euroraino balio dezakeena, Rafael Idígoras enpresako zuzendari nagusiak dioenez.

 

Zein da sekretua 1952tik hona merkatuan jarraitzeko inoiz baino biziago?

Konstantzia, koherentzia eta konsistentzia. Hementxe gaude duela 60 bat urtetik, ziklo eta fase desberdinak igarota, baina beti garrantzi handia emanda gure produktuen nazioartekotzeari.

 

Egiguzu zuen tailerraren oraingo erradiografia bat… Zein da fabrikatu duzuen azken makina?

Soralucek ehun bat makina fabrikatzen ditu urtean eta horregatik zarraparra handia egoten da lantegian, Turkiatik, Italiatik nahiz Belgikatik etorritako bezeroekin.

 

Ikuspegi geopolitikotik, “beroago” dauden herrialdeetako bezeroak ere badituzue zuen zorroan, esaterako, Brasil, Iran, Estatu Batuak edo Errusia. Herrialde horietako tentsioek badute eragina zuengan, kezkatzen zaituztete?

Bai, jakina, normala da. Nahiz eta hazkunde globalak aurrera egin, arrisku batzuk handitzen ari dira. Gure produktuen %90 esportatzen dugun arren, portzentaje horren zati handiena Europan gelditzen da, batez ere Alemanian eta Italian, non ordezkaritza propioak ditugun. Bi herrialde horiek irensten dute eurek bakarrik Soralucek Europara egiten dituen esportazioen pastelaren %50-%60. Zorionez, mundu mailako gainerako salmentak oso dibertsifikatuta daude, eta horrek arriskua gutxitzen du.

 

Zergatik apustu fisiko hori Alemania eta Italiaren alde?

1987an erabaki genuen aldaketa estrategiko bat egitea produktuan eta merkatuan. Proiektu bakar eta bereizle bat aukeratu genuen Alemaniako merkaturako, fresatze-makina hain zuzen, eta, lau urteren buruan, ordezkaritza bat jarri genuen merkatu hori konkistatzeko, munduko merkatu teknologiko, aurreratu eta exijenteena alegia. Posizionamendu horretatik abiaturik olatu bat sortu nahi izan dugu, bere gainean hedatzeko Europako beste merkatu eta eremu geografiko batzuetara. Eredu hori 2001ean errepikatu genuen ordezkaritza bat zabalduz Italian (Europako bigarren herrialde garrantzitsuena makina-erremintaren fabrikazioan), eta bi filialen artean 90 bat pertsona enplegatzen ditugu orain.

 

Soraluce izanik bere sektorean nolabaiteko tamaina daukan ETE kooperatibo bat, nola lortu duzue txoko bat egitea bi erraldoi horien etxean?

Gure abantaila nagusia da, Euskadiko sektore osoarena bezala, beti izan dugula kalitate-prezio erlazio ona. Halere, 2010ean hasi ginen ikusten abantaila hori ez zela nahikoa, eta apustu irmoa egin genuen mundu mailako lider teknologiko bilakatzeko fresatzeko makinen azpi-sektorean.

 

Zenbateko pisua izan dezakete fabrikatzen dituzuen makinek?

Gure fresatzeko makina handienak 500 tona inguru pisatzen du. Italian instalatu genuen 2017an eta 1.000 metro koadroko lanak egiteko gaitasuna du. Euskadin diseinatu eta fabrikatu genuen, bezeroak bertan ikusi eta probatu zuen, ondoren desmuntatu egin genuen Italiara bidaltzeko 13 kamioi berezitan, eta gero berriro muntatu genuen han. Lan gogorra horratio…

 

Kontua da ez gelditzea, eta orain gogoratu zaizue lantegi berri bat egitea Bergaran. Zergatik?

Hala da, bederatzi milioi euroko inbertsioa egin dugu instalazio berri batzuk eraikitzeko, zeintzuetan fabrikatuko diren tamaina eta potentzia handiko makinak tamaina handiko piezak mekanizatzeko. Euskadin izango dugun bosgarren lantegia da eta asmoa da puntako teknologiako erantzun bat sortzea tamaina handiko piezen mekanizaturako, halakoen eskaera gero eta handiagoa baita industria sektorean.

Lotutako albisteak

Ion Etxeberria_Ikerlan_IndeusElkarrizketak 25 Marzo, 2024 Berrikuntza
“Euskararen aldeko apostua ez da bakarrik emozionala, praktikoa ere bada, enpresari balioa ematen diona” Ion Etxeberria, IKERLAN
Irakurri gehiago
30 Azaroa, 2023 I+G
Armando Astarloa (UPV/EHU): “Talentua eta prestakuntza funtsezkoak dira erdieroaleen sektorean”
Irakurri gehiago
21 Azaroa, 2023 I+G
Rooster Capitalek I+Gak enpresak balizko inbertitzaileekin elkartzeko duen gaitasuna aztertzen du
Irakurri gehiago
6 Azaroa, 2023 I+G
Semantic Systems: “PILAR proiektuaren bidez, industria adimenduna lagundu nahi dugu konektibitate eta zerbitzu soluzio osoa garatuz”
Irakurri gehiago
26 iraila, 2023 I+G
Eva Arrilucea: “Ezin dugu teknologia- edo ekonomia-subiranotasunik izan industria subiranotasunik ez izanez gero”
Irakurri gehiago
Joan blog-era

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?
// Kanal espezializatuak

Jarrai iezaguzu. Kanal espezializatuak
eta eguneroko berriak