Irizar e-mobilityk kontratu bat sinatu berri du zero igorpen modeloko 15 autobus egiteko Aix en Provence hiriarentzat

31 uztaila, 2018
Irizar Ie tram

Irizar e-mobility enpresak elektromugikortasun irtenbide osoak eskaintzen ditu hirientzat eta kontratu bat sinatu berri du RDT 13rekin. Irizar ie tram zero igorpen modeloko 12 metroko 15 autobus eta haien kargarako azpiegiturak egin eta mantentzea jasotzen du kontratuak.

Zerbitzu maila handiko autobus horiei (BHNS) L’Aixpress izena jarri diete eta Aix en Provence hiriko mendebaldea eta hegoaldea lotuko dituzte. Linean 7,2 kilometro izango ditu, Krypton aparkalekua eta Saint-Mitre parkearen artean, eta 19 geltoki izango ditu batetik bestera 350 m inguruko tartearekin. 5 minutuz behin abiatuko dira eta hainbat puntu garrantzitsutatik pasatuko dira: unibertsitatea, SNCF geltokia, Rotonde plaza, autobus geltokia eta ZAC Jas-de-Bouffan. Auto pribatuaren ordezko aukera erakargarri, berritzaile eta eraginkorra eskainiko dute.

Proiektu honetarako aurreikusten da, linea bakoitzaren hasieran eta bukaeran aukerako karga estazioak jartzea pantografo bidez eta karga inteligenteko beste batzuk kotxe-tokian.

Irizar ie tram berria, kasu honetan 12 metrokoa, Irizar Taldearen teknologiaren emaitza da, bai elektronikaren eta komunikazioen arloan eta baita sistema nagusietan ere: power traina, baterien moduluak eta kargarako sistemak.

Lehen ibilgailua 2019ko apirilean entregatuko da eta gainerakoak urte bereko irailerako izango dira martxan, BHNS L’Aixpress línea prest egon bezain laster.

Erlazionatutako artikuluak

Orobat interesa dakizuke

View all arrow