InterMundos – make it global: “eduki on baten” eta “eduki ezin hobe baten” arteko aldea
Sortzez bulgariarra, ‘arrosen herrialdean’ hazi zen nerabezarora arte, eta herrialdetik kanpo ikasi zuen. Hristo Ognyanov Velikov Itzulpengintza eta Interpretazioan lizentziatu zen eta itzulpengintza eta software eta teknologia berrien lokalizazioko Masterraz osatu zuen bere formakuntza. Ezagutza hauek enpresen mundura hurbildu zuten, bertan proiektuen kudeaketan esperientzia lortu zuelarik.
Bilbao Ekintzak Euskadin ekiteko aukera eman zion, eta horri esker, Basque Voyages, BAO Bilbao Ediciones eta Fulterer bezalako enpresekin kolaboratzen du, besteak beste. InterMundos – make it global-ek kalitatezko hizkuntza-zerbitzuak eskaintzen ditu negozioen nazioartekotzea erraztera begira. Haren helburuetako bat “enpresak euren helburu diren herrialdeetako bezeroen jatorrizko hizkuntza ondo erabiltzearen garrantziaz konbentzitzea” da.
Hristo, konta iezaguzu, nola sortu zen InterMundos?
Egunero sortzen dira startup berriak, eta munduko edozein lekutan daude horien bezeroak izan daitezkeenak. Horrez gain, kanpoko merkatuekin konektatzeko eta hobeto lan egiteko premia dute enpresa asko eta askok.
Ildo horretan, gure hizkuntza zerbitzu espezializatuek xede hauek dituzte: negozioen internazionalizazioa erraztea, komunikazioa hobetzea xede audientzia bakoitzarekin, eta atzerriko merkatuetan negozio horien posizionamendua eta irudia hobetzea.
Zein hizkuntza zerbitzu eskaintzen dituzue? Zein bezero profilei daude zuzenduta?
Bost hizkuntza zerbitzu nagusi eskaintzen ditugu:
Itzulpen teknikoak: «zehaztasun terminologikoak» berebiziko garrantzia duten sektoreei (autogintza, makina-erreminta, energia eta abar) zuzendutakoa.
Itzulpen komertziala: marketin lantaldeei zuzendutakoa, publizitate kanpainak beste hizkuntzetara egokitzen eta horiek hobetzen laguntzeko.
Transkreazioa: jatorrizko mezua berreraikitzen dugu, asmoa eta «karga emozionala» zuzenean xede hizkuntzan islatuta, mezuak xede audientzian eragin handiagoa izan dezan.
Software eta webgune lokalizazioa: produktuen garapenean parte hartzen dugu, hizkuntza aholkularitza ematen diogu garatzaile lantaldeari, edukia itzuli eta egokitu egiten dugu, produktuen baldintza teknikoetara egokitu dadin.
Hizkuntza anitzeko SEO: metadatuak eta gako hitzak itzultzen ditugu, eta webgune baten posizionamendua hobetzeko moduak proposatzen ditugu, xede herrialdea eta audientzia kontuan hartuta.
- Bezero profil hauei zuzenduta daude gure zerbitzuak:
- Teknologia sektoreetako enpresei
- Software eta webgune enpresa garatzaileei
- Marketin eta komunikazioko enpresei
- Zer balio erantsi ematen diezue?
Bezero bati mezua burura iristen bazaio, agian konbentzituko du, baina mezua bihotzera iristen bazaio, liluratu egingo du! Hori da, hain zuzen ere, lortu nahi duguna: «hizkuntza oztopoak gainditzea», gure bezeroen produktuetan gertutasuna eta konfiantza sortzeko. Xede audientziak gure bezeroen produktuak edo zerbitzuak erosteaz gain, audientzia horiek produktu eta zerbitzu horiekin maitemintzea nahi dugu, horien «preskriptore» bihur daitezen.
«Eduki on baten» eta «eduki bikain baten» arteko ezberdintasun lortzeko berariaz pentsatuta daude gure hizkuntza zerbitzuak.
Zein erronka dituzue etorkizunera begira?
Gure bezero zorroa zabaldu eta finkatzea, baita profesional eta enpresa laguntzaileekin ditugun harremanak ere. Erronka garrantzitsuena hau da: enpresei ikusaraztea, nahi diren helburuak lortzeko, berebiziko garrantzia duela xede herrialdeko hizkuntza behar bezala erabiltzeak.
Hristo Ognyanov Velikov
InterMundos – make it global
(+34) 684 222 311
Gran Vía, 19 – 21, 2ª – 3ª planta
48008 Bilbao, Bizkaia
Lotutako albisteak
Rebel Tickets, sarreren birsalmentan iruzurrari eta gehiegizko prezioei aurre egiteko sortutako enpresa bizkaitarra
Gaur egun, beren publikoari baimendutako birsalmenta eskaini nahi dioten jaialdi, kontzertu eta bestelako ekitaldien sustatzaileekin lan egiten du.
EatAmigo, ostalaritzako eskaerak automatizatzeko AA erabiltzen duen tresna
Gipuzkoako enpresak jatetxeekin, ostalaritza kateekin eta elikagai banaketa enpresekin egiten du lan estatu mailan, eta duela gutxi Mexikon lortu du lehen bezeroa.
Diseinua, estrategia eta helburua: horrela egiten du lan Dot.-ek, erakundeei aldaketarantz laguntzen dien kooperatibak
Hainbat bulego ditu gaur egun, eta krisi testuinguru batean jaio zen, sortzaileak hainbat eszenatokitara egokitzera behartu dituena.
Lorra, lau hamarkada inguru Bizkaiko nekazaritzako elikagaien kooperatibismoaren funtsezko zutabe gisa
Gaur egun, erakundearen lehentasuna zahartutako sektore honetako erretiroak ordezkatzea da, belaunaldi-erreleboaren bidez.
Surphasek merkatuan parekorik ez duen teknologia garatzen du eta gatzgabetzeko planten eraginkortasuna handitzea lortzen du
Donostiako ETEak, Europako Batzordearen 2,5 milioiko dirulaguntza lortuta, iragazkien egoera aurreikusten du denbora errealean; hala, geldialdi teknikoen % 60 murrizten du
GuLink: Kulturak konektatzen eta negozioak sustatzen aro globalean
GuLinken modu estrategiko eta jasangarrian globalki hedatzea bilatzen duten enpresekin lan egiten dute.
Riza Taldeak bere presentzia handitu du Alemanian, produkzio-kostuak ia % 40 murrizten dituen lanarekin
KTR Systems GmbH multinazional alemaniarraren filial baterako baliabideak optimizatu ditu enpresa gipuzkoarrak. Orain arte, Europako eta Ipar Amerikako zortzi herrialdetan aritu da, eta urtero 60 milioi euroko fakturazioa du.
Kimaiwi: “Gure proposamen teknologikoa balioztatzean eta nazioarteko turismo-industriaren aurrean proiektatzean zentratu gara”
Startup arabarrak online irtenbideak garatzen ditu turismo-sektorearentzat, eta hazkunde eta babes handia izan du bere bederatzi hilabeteko bizitzan.
WonderShop, WordPress-erako (“WP”) diseinatutako plugina, online denden jabeei katalogoen kudeaketa errazten die
Garatzen eta merkaturatzen duena WoonderSoft da. Enpresa gipuzkoarrak nazioarteko asmoak ditu eta bere produktuak interesa piztu du beste herrialde batzuetan.
Irizar Forge, mende bat garabietarako kakoetan espezializatuta
Enpresak egoitza Lazkaon du eta bere produktu sofistikatuak 60 herrialdetara esportatzen ditu. Gainera, bere merkatua hainbat sektoretara zabaldu du, off shorera, adibidez.