Ibone Bengoetxea lehendakariordearen ustez, deskarbonizazioa garatzeko “ezinbestekoa” da berrikuntza
Ibone Bengoetxea lehendakariordeak nabarmendu duenez, berrikuntza “ezinbestekoa” da etorkizuneko erronkei aurre egiteko: “deskarbonizazioa eta energia berriztagarrien hedapena, esate baterako”. Astearte honetan, Bengoetxeak Euskadiko eta Akitaniako erakunde mailako ordezkarien eta enpresen arteko lankidetza indartzea helburu izan duen ekitaldi batean hartu du parte Bilboko Guggenheim Museoan. Ekitaldia soluzio teknologiko berrien bidez deskarbonizazioa indartzeko asmoz Euskadik, Nafarroak eta Akitaniak osatzen duten Euroeskualdeak asteazken honetarako antolatu duen jardunaldiaren bezperan egin dute.
Bere hitzaldian, Bengoetxeak eskatu du Akitaniako ordezkariekin batera egindako topaketa hori “alboan nor duzuen, indarrak ezagutzeko eta erakundeek elkarrengandik nola ikasi jakiteko” baliagarria izan dadila. Hitz gutxitan esanda, baliagarria izan behar luke Euroeskualdeko enpresa- eta industria-sistema sendotuko duten loturak sortzeko”. Horrekin lotuta, gainera, “gure ibilbide-orrian Europaren berpizkunde industrialaren liderrak izatea” dagoela nabarmendu du.
Asteazken honetako jardunaldia , SPRI Taldearen baitan dagoen Nazioartekotzeko Euskal Agentziak antolatu du eta honako hauek hartu dute bertan parte: Alain Rousset, Nouvelle-Aquitaineko presidentea; Arola Urdangarin, Eurorégion Nouvelle-Aquitaine Euskadi Nafarroako zuzendaria; eta Eusko Jaurlaritzako Industria arloko sailburuordea, Andoitz Korta.
Industriako sailburuordeak aipatu duenez, “une historikoa bizi dugu eta gure helburu nagusia ekonomia deskarbonizatura bidean trantsizioa bultzatzea da”. Horrez gain, lehen mailako erronka izateaz gain, “gure ekonomiak eraldatzeko eta Euskadi, Nafarroa eta Akitania Berria lidergo teknologikoaren eta jasangarriaren abangoardian kokatzeko aukera paregabea ere badela” aipatu du.
Andoitz Kortak azpimarratu duenez, Euskadik, Nafarroak eta Akitania Berriak osatzen duten Euroeskualdeak mugaz gaindiko lankidetza-eredua ordezkatzen du” eta jasangarritasun arloko mundu mailako erronkei aurre egiteko gakoa da. Euskadi aniztasunean eta espiritu berritzailean aberatsa da, eta enpresa txiki eta ertainek teknologiaren eta espezializazioaren bidez sektore estrategikoak nola zuzen ditzaketen erakusten duen adibide bikaina da”.
Eusko Jaurlaritzak mugaz gaindiko aliantza horiek sendotzeko bere gain hartutako konpromisoa berretsi ostean, Industriako sailburuordeak honako hau adierazi du: “gaur hemen gaudenon misioa argi dago: trantsizio energetikoaren erronkei aurre egitea ahalbidetuko digun estrategia komunerako euskarriak finkatu nahi ditugu, berritzeko gure gaitasunean eta gure lankidetza-sareen indarrean oinarrituta”.
Jardunaldian, gainera, Euroeskualdearen lankidetza babesteko programak aurkeztu dituzte. Horien guztien helburua da, berrikuntzaren bitartez gure eskualdeetan enpresa-lider berriak sortzeko baldintzak finkatzea.
Ikerketaren eta garapenaren arloko mugaz gaindiko kooperazio-ekimenei esker, Euskadi, Nafarroa eta Akitania Berriko enpresek elkarrekin egin dezakete lan, ezagutzak partekatu eta soluzio teknologiko berriak garatu. Lankidetza horren bidez sortuko dira enpresak, deskarbonizazioa ekonomiaren hazkunderako eta lidergo globalerako aukera bihurtzeko.
Horrez gain, “ezkutuko txapeldunei” buruzko eztabaida ere egin dute; hau da, merkatuko hobi oso espezializatuetan mundu mailako liderrak diren enpresei buruz. Euskadin, ezaugarri horiek dituzten berrogeita hamar bat enpresa daude, hau da, Espainia osoko “ezkutuko txapeldunen” % 40.
Gainera, Euskadiko, Nafarroako eta Akitaniako enpresa mota horien arrakasta-kasuak, Hidrogenoaren Euskal Korridorea edo Euroeskualdeko berrikuntzako ekimenak aurkeztuko dituzte.
Lotutako albisteak
Euskadiko industria normaltasunez ari da, joan den asteleheneko itzalaldi orokorraren ostean
“Gure industria-sektorearen lana aitortu nahi dugu", aditzera eman du Mikel Jauregi, Eusko Jaurlaritzako Industria, Trantsizio Energetiko eta Jasangarritasuneko sailburua
Euskal enpresek Estatu Batuetako itsas-sektore eolikoan duten presentzia sendotu dute
Euskadiko ordezkaritza bat International Partnering Forum 2025 ekitaldian egon da merkatuaren azken joerak aztertzeko, saio teknikoetan parte hartzeko eta sektoreko eragile estrategikoekin zuzeneko harremanak ezartzeko
Koreako automatizazioa eta robotika industriala, aztergai
Basque Trade & Investmentek euskal enpresen eskura jarri ditu Smart Factory + Automation World 2025 ekitaldian egindako bi txosten, Hego Koreako merkatuaren joerak eta aukerak jasotzen dituztenak
Euskadik eta Japoniak lankidetza sendotu dute berrikuntza teknologikoan eta energia berriztagarrietan
Euskadik Japoniako Mie prefekturako ordezkaritza baten bisita jaso du aste honetan, sektore estrategikoetan balizko lankidetza-arloak esploratzeko asmoz
Euskadik energia eolikoan duen gaitasuna erakutsi du WindEurope 2025 azokan
Euskal parte-hartzeak ordezkaritza zabala bildu du Wind Energy Basque Country stand bateratuan, 17 enpresa eta erakunde hauei abian dituzten soluzioak eta teknologiak ezagutzeko aukera emanez
Ukrainako susperraldi ekonomikoa, Bruselan eztabaidagai
Bertaratutako erakundeen artean egon da SPRI Taldeari atxikitako Basque Trade & Investment (BasqueTrade) enpresak nazioartekotzeko euskal agentzia
Haizelur, nazioartekotzearen aldeko apustua egiten duen doitasun-mekanizazioaren arloko Debako ETEa
Enpresaren esportazioek SPRI Taldearen zibersegurtasuneko programaren dirulaguntza jaso dute eta negozioaren % 35era iritsi dira dagoeneko
Euskadik eta Egiptok bien arteko lankidetza ekonomikoa indartu dute Egiptok Espainian duen enbaxadorearen bisitarekin
Ehab Badawi agintari nstituzionalekin eta euskal enpresa-sektorearen ordezkariekin bildu da aste honetan inbertsio eta lankidetzarako aukera berriak esploratzeko asmoz
Imanol Pradales lehendakariaren arabera, muga-zerga berrien aurrean, “ezinbestekoa da Europak ahots bakarrarekin erantzutea
Enpresek izan ditzaketen zalantzak argitzeko eta araudi berriak nola aplikatuko diren eta haien produktu eta merkatuetan zer eragin izan dezakeen jakiteko orientazio pertsonalizatua eskaintzeko eta izan ditzaketen zalantzak argitzeko diseinatutakoarreta goiztiarreko zerbitzua-Helpdesk zabaldu du SPRI Taldeko Basque Tradek. Zerbitzuak telefono-zenbaki bat eta arreta emateko formularioa ditu, eta dagoeneko hasi da...
AEBk ezarritako arantzel berriak direla eta, euskal enpresei arreta goiztiarra emateko zerbitzua
Enpresa arloko helpdesk berri hau zure zalantzak argitzeko eta zure produktu eta merkatuetan nola eragin dezaketen eta araudi berriak nola aplikatuko diren jakiteko orientazio pertsonalizatua eskaintzeko diseinatuta dago.