Eusko Jaurlaritzak eta SPRI Taldeak sostengua emango diete Euskadiko 26 enpresari La Habanako Nazioarteko Azokan

Euskadi-Basque Country deritzon stand propioa izango dute 60tik gora herrialdetako 5.000 parte-hartzaile inguru bilduko dituen ekitaldian

Eusko Jaurlaritzak eta SPRI Taldea deritzon enpresen garapenerako agentziak sostengua emango diete aste honetan 26 euskal enpresari, azaroaren 4tik 8ra bitartean egingo den La Habanako Nazioarteko Azokaren (FIHAV) 37. edizioan. Euskadik Euskadi-Basque Country deritzon stand propioa izango du 60tik gora herrialdetako 5.000 parte-hartzaile inguru bilduko dituen ekitaldi honetan.

Ordezkaritzako buru izango dira Estibaliz Hernaez, Teknologia eta Berrikuntzako sailburuordea, eta Álex Arriola, SPRI Taldeko zuzendari nagusia.

Ekitaldi hau Kubak urterik urte antolatzen duen sektore anitzeko azoka da. Gipuzkoako Merkataritza Ganbera arduratu da euskal enpresen parte-hartzea koordinatzeaz eta Eusko Jaurlaritzako Ekonomiaren Garapen eta Azpiegituretako Sailak ekitaldian parte-hartzen lagundu die.

FIHAV 2019 azokan, 20.000 metro koadroko erakusketa-eremua izango da. Euskadiko Ganberekin batera, honako euskal enpresa hauek parte hartuko dute: Aceros LST Bilbao, Airnari, Kubako Euskal Enpresarien Elkartea, Bezabala, Boj Olañeta, Ceysta, Coeca Kautxua Lantzeko Konpainia, Shesga Industria Partzuergoa, Cotransa, Ferreteria Unceta, Mutuato América Automobilgintza Taldea, Ugao Taldea, Idom, Goini Industriak, Soroa Industria Metalurgikoak, Ininser, Miesa Ingeniaritza, Orona, Ortiz Aspizua Anaiak, Rodabil, Sevinco, Guibe Tailerrak, Tor Panel, Viroex eta Zubiola.

Lotutako albisteak

16 apirila, 2024 Nazioartekotzea

Ariona Pools, desagertzetik igerilekuetarako iragazkien merkatuan lider izatera

Irakurri gehiago

5 apirila, 2024 Nazioartekotzea

Agiña Piperrak 20 urte baino gehiago piparrak landatzen “gure aitona-amonek egiten zuten bezala”

Irakurri gehiago

25 Marzo, 2024 Nazioartekotzea

100 urteko esperientziak gainazalen tratamenduaren sektoreko erreferente bihurtu du JAZ

Irakurri gehiago

21 Marzo, 2024 Basque Trade & Investment

Basque Trade & Investment-ek enpresen arteko networkinga sustatuko du sektore eolikoan Wind Europe 2024 topaketan

Irakurri gehiago

21 Marzo, 2024 Basque Trade & Investment

Basque Trade & Investment-ek 100 beka atera ditu nazioartekotzearen arloko profilak prestatzeko

Irakurri gehiago

Joan blog-era