Euskal enpresentzako negozio-aukerak Uruguaiko ingurumen-sektorean

Viceconsejero de Industria Javier Zarraonandia, y Ministro de Medio Ambiente de la República Oriental del Uruguay, Adrián Peña

Ingurumen sektoreko euskal enpresek bertatik bertara ezagutu dituzte Uruguaik eskaintzen dituen negozio-aukerak, Uruguaiko Ingurumen Ministerioak eta Basque Trade & Investment-Nazioartekotzeko Euskal Agentziak elkarrengana hurbiltzeko ekintza bat egin dutelako Gipuzkoako Merkataritza Ganberak antolatutako jardunaldi batean.

Ekintza horren bidez, Basque Trade & Investment agentziaren asmoa da euskal enpresa interesatuei posizionamendu hobea, informazio zehatza eta kontaktu egokiak ematea, aukera izan dezaten Uruguaiko ingurumen-sektorean sortuko diren proiektuen garapenean parte hartzeko.

Aukera ugari daude aholkularitzaren esparruan, ingurumen arloko ekintza-planak garatuko direlako hainbat alorretan, esaterako, hauetan: itsasertzak berroneratzea, arro hidrikoen kudeaketa, lurzoru eta ekosistemen leheneratzea edo ekoturismoaren garapena. Eta aukera ugari daude baita ere ura edangarri bihurtzeko araztegien, gatzgabetze-lantegien nahiz hondakin solidoak tratatzeko instalazioen ingeniaritza-, ekipamendu- eta operazio-lanetan.

Jardunaldi horretan parte hartu zuten, besteak beste, Javier Zarraonandiak, Industria eta Energia sailburuorde eta euskal agentziako presidenteak, eta Adrián Peñak, Uruguaiko Ekialdeko Errepublikako Ingurumen ministroak.

Uruguaiko Ingurumen Ministerioa duela gutxi sortu zen, 2020ko martxoan, eta Uruguaiko gobernuaren apustu bat da, ingurumen arloko politikak eta inbertsioak lehenesteko Uruguain. Zentzu horretan, aukera ugari daude euskal enpresentzat, zeren Uruguai goitik behera modernizatzen eta egokitzen ari da ur-hornikuntzaren eta saneamenduaren sarea, hiriko eta industriako hondakinen kudeaketa eta argindar sektorea.

Lotutako albisteak

24 apirila, 2024 Basque Trade & Investment

B-WOMENIN Global, euskal enpresen nazioartekotzean emakumearen presentzia sustatzeko programa berria

Irakurri gehiago

24 apirila, 2024 Basque Trade & Investment

Italiako makina-erremintaren merkatua,, euskal enpresentzako aukera BasqueTrade-n azken txostenaren arabera

Irakurri gehiago

24 apirila, 2024 Nazioartekotzea

Qassayk osasun irakurleak garatzen ditu minbizia edo diabetea bezalako gaixotasunak diagnostikatzeko helburuarekin

Irakurri gehiago

24 apirila, 2024 Basque Trade & Investment

Basque Trade & Investment-ek merkatu aeronautiko britainiarrak euskal enpresentzat dituen aukerak aztertzen ditu

Irakurri gehiago

23 apirila, 2024 Basque Trade & Investment

Basque Trade & Investment-ek euskal eta japoniar enpresen arteko lankidetza hidrogenoaren sektorean sustatzen du

Irakurri gehiago

Joan blog-era