Euskal enpresaren blog-a Zure enpresarentzat garrantzitsua den eguneroko informazioa

11 ekaina, 2018
Euskal enpresen nazioartekotze estrategia Euskadiko Nazioartekotze Agentziaren bitartez

Ainhoa Ondarzabalek, agentziako zuzendariak, elkarrizketa batean azaldu dizkigu euskal enpresei laguntzen dien organismo berri horren giltzarriak eta etorkizuneko erronkak

Ainhoa Ondarzabalek, agentziako zuzendariak, elkarrizketa batean azaldu dizkigu euskal enpresei laguntzen dien organismo berri horren giltzarriak eta etorkizuneko erronkak

 

Euskadiko Nazioartekotze Agentzia eragile sortu berri bat da, helburutzat duena erakunde bakar batean integratzea Eusko Jaurlaritzak eta SPRI Taldeak euskal enpresei eskaintzen dizkieten nazioartekotze arloko zerbitzu eta laguntza guztiak. Kanpo Sareak 16 bulego dauzka munduan zehar, eta 70 herrialdetara iristen da bulego horien bitartez. Agentziako zuzendari Ainhoa Ondarzabalek hizpide hartu ditu euskal enpresen oraingo eta etorkizuneko erronkak.

 

Arantxa Tapiak, Garapen eta Azpiegitura sailburuak, hauxe esan zuen Agentziaren aurkezpenean: “Euskadik urrats kualitatibo bat eman behar du bere nazioarteko estrategiaren kudeaketan”…

Nazioartekotzea da Jaurlaritzaren eta Euskadiren Nazioartekotze Planeko palanka garrantzitsuenetako bat. Lehiakortasun-iturrietako bat da, eta funtsezkoa enpresei eraldatzen eta hobetzen laguntzeko. Beraz, gaur egun atzerrira ateratzea beharrezkoa ez ezik, derrigorrezkoa ere bada. Gauzak horrela, egia da gure enpresen laguntza eta premiak aldatu egin direla, eta guk egokitu egin behar dugu behar dutena eskaintzeko.

 

Euskal enpresen nazioartekotzeaz eta Agentzian egiten ari zareten laguntza-lanaz hitz egitean, zein da gaur egungo egoeraren argazkia?

Euskadi ekonomia nazioartekotua da, munduari irekia. Une honetan, mundura esportatzen dugu gure BPGaren %30, hau da, 7.000 enpresa inguruk esportatzen dute, eta horietatik 3.200ek eskuarki egiten dute gainera. Konpainia horien segmentua da azken urteotan gehien hazi dena (%18); bestalde, esportatzaile handiak (beren negozio-ildoaren bitartez 50 miliotik gora fakturatzen dutenak) ere %16 hazi dira.

 

Zeintzuk dira gaur egungo jomuga ohikoenak?

Ekonomia irekia gara, gure produktuen zati handiena (ia %60) Hamabosten Europar Batasuneko herrialdeetan saltzen dugu gehienbat; beste %10 NAFTA gunera (Mexiko eta Estatu Batuak nagusiki) esportatzen da, eta gainerakoa BRIC herrialdeetara (Brasil, Errusia, India eta Txina).

 

Ezarpen fisikoek ere norabide bera daramate?

Baietz esan liteke. Une honetan Estatu Batuek, Erresuma Batuak eta Alemaniak hartzen dituzte gure enpresen ezarpen gehienak. Euskadiko 600dik gora konpainiak dute presentzia atzerrian, eta horietako 500ek lantegi propioa dute. Gainera, beste 1.600 enpresak merkataritza ordezkaritzaren bat dute atzerrian, beraz, oso ekonomia irekia da gurea. Baina oraindik gehiago hazi behar dugu Europako erreferente edo bazkideen mailara iristeko.

 

Adibidez?

Urrunegi joan gabe, geure burua Alemaniarekin alderatuta, ikus liteke hark BPGaren %39 esportatzen duela eta munduko hirugarren esportatzaile handiena dela. Beraz, badago hazteko marjinarik, eta erronka oso garrantzitsu bat ere bai: merkatuak dibertsifikatzea.

 

Nola lagundu diezaieke Euskadiko Nazioartekotze Agentziak enpresei?

Agentzia hau Nazioartekotze Plan berriaren apustuetako bat da, zutabe estrategiko bat, eta helburutzat dauka Eusko Jaurlaritzak nazioartekotzearen arloan dauzkan gaitasunak integratu eta indartzea. Zentzu horretan, urrats kualitatibo bat eman nahi dugu gure enpresei nazioartekotzen laguntzeko, horretarako eskainiz hurbiltasuna, malgutasuna eta, batez ere, biderako laguntasuna. Ildo horretatik, Agentziak kudeatuko dituen zortzi ardatz estrategiko identifikatu dira, eta, era berean, Agentziak bere baitan hartuko ditu lehen Eusko Jaurlaritzak kudeatzen zituen laguntza programak.

 

Hemendik gutxira inauguratuko da Kanpo Sarearen 17. bulegoa Milanen. Zergatik Italian?

Bulego berri bat non ireki aukeratu aurretik analisi eta azterketa sakon bat egiten da.  Hainbat aldagai kontuan hartu eta 47 herrialde alderatu ostean, Italia bederatzigarren postuan kokatu da, eta ohartu gara herrialde horrek sinergia sektorial asko dauzkala Euskadirekin puntako sektoreetan, hala nola aeronautikan, energian, manufaktura aurreratuan edota robotikan. Sektore horiek aukera ematen dute gure enpresak hango merkatuan sartzeko, eta bat datoz RIS3rekin, hots, espezializazio adimenduneko gure estrategiarekin. Horregatik uste dugu hazteko potentzial handia dagoela. Baina egia da baita ere merkatu hurbila izanik eta itxura batean besteak baino errazagoa, zinez merkatu zaila dela, eragile guztiak antzekoak direlako.  Beraz, labur esateko, Italiak potentzial handia du, baina lehiakide ugari ere bai.

 

Une honetan, Italiak ezegonkortasun politikoa bizi du, duela hilabete batzuk Irani egokitu zitzaion bezala. Orobat hor dago Estatu Batuetako arantzelen kontua… Nola lortu daitezke sentsore fidagarriak euskal enpresak segurtasunez bidaiatu dezan munduan barrena, apustu seguruak egin ditzan eta ez ditzan aurkitu herrialde bateko ateak bat-batean itxita?

Agentziak sentsoreak dauzka mundu osoan horrelako eszenatokiak aurreikusteko. Bulego propioak dauzkagu 17 herrialdetan, gure aholkulari sarea 60 herrialdetara iristen da, eta badugu adimen lehiakorreko unitate bat ere, uneoro eguneratzen dena eta radar lanak egiten dituena gure enpresei informazio baliotsua emateko.

Nazioartekotzea 27 uztaila, 2020
Uruguaik “Amurrio Ferrocarril” enpresari esleitu dio trenbideetako ekipo modernoen hornikuntza

  Konpainia arabarrak ehundik gora saihesbide fabrikatuko ditu Uruguaiko erdialdea eta...Leer más

Nazioartekotzea 24 uztaila, 2020
371 euskal erakundek Europako berrikuntza funtsaren ia 700 milioi euroko dirulaguntzak eskuratu dituzte

  Euskadi da nanoteknologia eta bioteknologia arloetan Horizontea 2020 programaren...Leer más

Nazioartekotzea 21 uztaila, 2020
ETEentzako laguntzak, nazioarteko inbertsio publikoko proiektu pilotuetan parte har dezaten

Pilotu programak kostuen % 51erainoko itzuli beharrik gabeko dirulaguntzak ematen...Leer más

Nazioartekotzea 17 uztaila, 2020
Hogeita hamar bat euskal enpresak parte hartu dute SPRI Taldearen Kanpo Sarearekin eginiko 69 bileratan

  Topaketa horietan, aurten telematikoki egin direnak, ezagutzera ematen dira Eusko...Leer más

Alfalosid
Lantekek bere ezarpena indartu du Europan, Austriako, Greziako eta Zipreko banatzaile berriekin

Lantek multinazional euskalduna CAD-CAM/MES/ERP soluzioen garapenean eta merkaturatzean liderra...Leer más

Linkedin-a

Eguneroko informazioa, jarduera-sektoreka eta intereseko
hartzeko.

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?