Estatu Batuetako hainbat estatutako ordezkariek haien aukera-sektoreak aurkeztuko dizkiete euskal enpresei
Basque Trade & Investment / Euskadiko Nazioartekotze Agentziak antolatu du “STaping into opportunity sectors in the United States” ekitaldia, Estatu Batuetako Enbaxadarekin elkarlanean. Aukera bikaina izango da euskal industriarentzat interesgarrienak diren Estatu Batuetako estatu batzuetako garapen-planak eta negozio-aukerak ezagutzeko.
Gutxienez zortzi estatutako ordezkariak izango dira ekitaldian, Estatu Batuetako ekialdeko kostaldekoak, Aintzira Handien eskualdekoak, hego-ekialdekoak eta mendebaldeko kostaldekoak. Hainbat sektoretako aukerak aurkeztuko dituzte, hala nola energiaren, fabrikazio aurreratuaren eta biozientzien sektoreetakoak. Gainera, estatu horietan merkataritza-jarduera garatzeko interesa duten euskal enpresei estatuek zer laguntza eskaintzen dizkieten azalduko dute.
Estatu Batuetako hazkunde ekonomikoaren, mundu mailako ziurgabetasun geopolitikoaren eta Biden Administrazioak iragarritako politika protekzionisten (adibidez, IRA) testuinguruan, Taping into opportunity sectors in the United States ekitaldiaren edizio hau aukera ezin hobea da gobernuaren egitasmoak lehen eskutik ezagutzeko, baita egitasmo horiek sortu ditzaketen aukera berriak ezagutzeko eta herrialdean networking ona egin ahal izateko ere.
Gainera, enpresek banakako bilerak eskatu ditzakete parte hartuko duten estatuetako ordezkariekin.
Basque Trade & Investment agentziak Estatu Batuetako enbaxadarekin duen elkarlan estuaren emaitza da topaketa hau, eta bigarren aldiz egingo da Euskadin. Zentzu horretan, euskal enpresei aukerak gerturatzeko eta Estatu Batuekiko harremana garatzeko lan handia egiten jarraitzen du Basque Trade & Investment agentziak, Washingtonen dituen bulegoen bidez eta Eusko Jaurlaritzak New Yorken duen delegazioaren bidez.
Agenda
Lekua: Carlton hotela, Bilbo
Data: 2024ko martxoak 5
Ordutegia: 09:00-13:00
08:30-09:00 Izena ematea eta ongietorriko kafea
La Cristalera aretoa
09:00-09:20 Ongietorri-hitzak
Basque Trade & Investment agentziaren ongietorria (hizlaria baieztatzeko dago)
Enbaxadaren hitzak (hizlaria baieztatzeko dago)
Estatuko antolatzailearen hitzak (Amerikako Estatuen Europako Kontseilua) (hizlaria baieztatzeko dago)
09:20-09:30 Industriaren aurkezpen-aretoetara joatea
- panela. Energia: Elcano aretoa
- panela. Fabrikazio aurreratua. Begoña aretoa.
- panela. Produktu sanitarioak-bioteknologia. Artagan jatetxeko aretoa
09:30-10:30 Estatu bakoitzaren aurkezpen sektoriala
Sektorearen aurkezpena, Estatu bakoitzean
Moderatzailea arduratuko da galdera-erantzunez (moderatzailea baieztatzeko dago)
Elcano aretoa, Begoña aretoa eta Artagan jatetxeko aretoa
10:30-12:00 Banakako bilerak (enpresak eta Estatuetako ordezkariak)
Elcano aretoa, Begoña aretoa eta Artagan jatetxeko aretoa
12:00-13:00 Networkingerako koktela, Basque Trade & Investmentek eskainita
La Cristalera aretoa
Lotutako albisteak
Hidrogenoaren euskal ekosistemak loturak estutu ditu Japoniarekin sektorearen nazioarteko foro nagusian
Ekintza hau, hidrogenoa ardatz energetiko estrategikotzat garatzeko 2023az geroztik Euskadi eta Japoniaren arteko lankidetza bultzatzea xede duen ekimen zabalago baten barruan gauzatu da.
Euskal enpresek Bogotako hiri-eraldaketari lotutako aukerak esploratu dituzte
Jardunaldian azpiegituretan espezializatutako hamar euskal enpresak parte hartu zuten, Kolonbiako hiriburuari soluzio teknologikoak eskaintzeko asmoz.
Horizon Europe 2025: 7.300 milioi euro enpresa berrikuntza bultzatzeko Europan
SPRI-ren eskutik, EEN sarearen euskal nodoaren koordinatzaileak garen aldetik, euskal enpresei Horizon Europe programan parte hartzen laguntzen diegu. Enterprise Europe Network (EEN) Europako sare bat da, ETEen hazkundea eta nazioartekotzea bultzatzen duena
Global Training bekak kudeatuko dituzten erakunde laguntzaileen bila ari gara
Erakunde bakoitzak 50 eta 80 beka arteko eskaintza aurkeztu ahal izango du graduko unibertsitate-titulua edo goi mailako lanbide-heziketako titulazioa duten gazteentzat
Eusko Jaurlaritzak Euskadiren eta Japoniaren arteko ekonomia- eta enpresa-harremanak estutzen jarraitzen du
Mikel Jauregi sailburua Japoniako Finantza ministrordearekin bildu da, eta erakundeen, ekonomiaren eta enpresen arloko zenbait topaketatan parte hartu du, Euskadiren eta Japoniaren arteko harremanak sendotze aldera.
BEINT bekek ehun hautagai baino gehiago bildu dituzte azterketa-egunean
Guztira 134 pertsonak (73 emakumek eta 61 gizonek) parte hartu zuten hautaketa-prozesuaren fase honetan
Txosten estrategikoak, euskal enpresa-sareari automobilgintzako berrikuntza globala hurbiltzeko
Basque Trade & Investmentek sektorearen nazioarteko azoka nagusietako bostetan aurkeztu diren produktu eta teknologiei buruzko informazio zehatza jarri du euskal enpresen eskura
Euskadiko enpresek nazioartekotzeari buruzko aholkularitza jaso ahal izango dute 23 herrialdetan
Basque Trade & Investment erakunde publikoko profesionalek bilera pertsonalizatuak egingo dituzte maiatzaren 26an, 27an eta 28an.
Eusko Jaurlaritzak eta Hithium enpresak akordio estrategikoa sinatu dute, Europako biltegiratze egonkorraren industria gidatzeko
Hitzarmenari esker, Euskadin biltegiratze egonkorreko sistemak fabrikatzea ahalbidetuko duen soluzio integral baten garapenean lan egingo da, erreferentziazko bazkide industrial batekin elkarlanean eta Euskal Autonomia Erkidegoko zentro teknologikoen babesarekin
Euskadi eta Italiako klusterren haien arteko lankidetza indartu dute
Italiako Emilia Romagna eskualdeko klusterrek euskal lurraldea bisitatu dute aste honetan, sektore estrategikoetan balizko lankidetzak esploratu eta ezartzeko asmoz