Euskal enpresaren blog-a Zure enpresarentzat garrantzitsua den eguneroko informazioa

21 otsaila, 2018
Energia berriztagarriak eta automozioa Marokon, aukerak euskal enpresentzat

Ihardunaldiaren momentu bat.

Renault, PSG eta Ford enpresek Marokon sortu duten automozioaren sektoreko ekosistemak aukerak eskaintzen dizkio euskal industriari

Marokoko gobernuaren helburua da herrialdean kontsumitzen den energiaren %42 iturri berriztagarrietatik etor dadila 2020rako, eta horrek ateak zabal diezazkieke sektoreko euskal enpresei

36 euskal enpresa daude Marokon kokatuta (automozioa, energia berriztagarriak, eskuko tresnak, logistika…)

CIE Automotive, Sener, Siemens-Gamesa, Batz eta Bilboko Portuak azaldu dute nolako esperientzia izan duten Marokon

Intergune 2018 ekitaldiak, Eusko Jaurlaritzak sustatutako nazioartekotze foroak, toki garrantzitsua eskaini dio Afrika iparraldeko industria-gune gorakor honi

 

Eusko Jaurlaritzak sustatzen eta antolatzen duen Intergune ekitaldian, hots, nazioartekotzearen urteroko hitzorduan, jardunaldi monografiko bat egin da Marokori buruz. Ekitaldi horretan azaldu zaie euskal enpresei Marokoko merkatuak aukera handiak eskaintzen dizkiela, besteak beste automozioaren eta energia berriztagarrien sektoreetan, ongi jakinik Euskadik esperientzia handia duela arlo horietan eta konponbideak eskaintzen dituela balio-kate osoan.

 

Gaur egun 36 euskal enpresa daude kokatuta Marokon, batik bat, automozio, energia, eskuko tresna, nekazaritza eta elikadura eta logistika sektoreetakoak. Horietako batzuk dira CIE Automotive, Batz, Sener eta Siemens Gamesa, zeintzuek beren esperientzia azaldu baitiete Intergunen eginiko topaketara bertaratu direnei.

 

Javier Zarraonandia Industria sailburuordeak inauguratu du topaketa eta nabarmendu du Maroko oso kontuan hartu beharreko merkatua dela. Bere hitzaldian esan du, azken ekitaldiko balantza komertzialaren arabera, Afrikako lehen jomuga dela euskal esportazioentzat eta, geografikoki duen kokapen estrategikoari esker, beste merkatu batzuetarako ateak zabal ditzakeela. Kokalekuaren balio horren osagarri bezala, Marokoko gobernuak hainbat neurri hartu ditu atzerriko inbertsioa erakartzeko, hots, hara eramateko Marokoko estrategia ekonomikoak epe ertainean finkatu dituen lehiakortasun-helburuentzat konponbideak eskain ditzaketen enpresak.

 

Marokok Bilbon duen kontsulordeak azaldu du 2014an abiarazitako Azelerazio Industrialeko Planaren bidez atzerriko zuzeneko inbertitzaileak erakarri zirela, batez ere, zonalde frankoan sortutako automozio-gunera, bertan kokatu zirelarik Renault eta aurrerago PSG, eta baliteke aurrerantzean Ford enpresa ere hantxe ezartzea.

Afrika eta ekialde ertaina 25 otsaila, 2020
Nazioartekotzeko Euskal Agentzia Marokorako misio komertzial batean parte hartzen ari da

Harremanetan egongo da automozio eta elektronika sektoreekin SPRI Taldean integratutako...Leer más

Afrika eta ekialde ertaina 14 urtarrila, 2020
Ingeteamek egoitza estreinatu du Abu Dhabin

Euskal enpresak eguzki-energia fotovoltaikoaren sektorean duen posizionamendua indartuko du Arabiar...Leer más

Afrikako Garapen Bankuak Euskadi birsorkuntza-eredutzat aukeratzea lortu du Nazioartekotzeko Euskal Agentziak

Bankuaren ordezkariek Euskadi bisitatu dute euskal hiriek ingurumen arloko birsorkuntzan,...Leer más

Afrika eta ekialde ertaina 17 uztaila, 2019
Arantxa Tapia AVLko presidentearekin batu da eta Tubacex-en instalazioa bisitatu du, Austrian

AVL-k, elektromugikortasuneko eta automozioaren joera berrietarako euskal industriarako erreferente...Leer más

Afrika eta ekialde ertaina 22 azaroa, 2018
Euskadiko Nazioartekotze Agentziak Hegoafrikaren enbaxadorearen bisita jaso du

Afrikako herrialdearen ordezkariak euskal enpresa batzuk bisitatuko ditu aste...Leer más

Linkedin-a

Eguneroko informazioa, jarduera-sektoreka eta intereseko
hartzeko.

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?