Easo Ventures, Mondragón Fondo de Promoción FCR eta GSR-k burututako 400.000€-ko erronda bereganatu du Oroik
Oroi euskal startupa adineko jendearen ongizate eta estimulaziorako errealitate birtualeko konponbideak garatzen jarduten da. Arrakasta izan du bere lehenbiziko finantzazio-erronda, 400.000€ eskuratuz.
Easo Ventures, Clave Capital, Mondragón Fondo de Promoción FCR fondoen kudeatzailea, eta egoitzen kudeaketarako kooperatiba (GSR) izan dira erronda honen buru. Kapitalaren hazkunde honi esker, Oroik Frantzia, Alemania edota Finlandia bezalako herrialdeetara zabaldu ahal izango du bere negozioa.
Gaur egun, milioika pertsona heldu bizi dira egoitzetan, zahartzaroak dakartzan arazoek mugaturik (menpekotasuna, mugikortasun falta, antsietatea edota adimen kaltetua). Talde profesionalek lanabesak behar dituzte, ez soilik arazo hauei aurre egiteko, baizik helduen eguneroko bizimodua errazteko.
Helburu honekin sortu zen Oroi, errealitate birtualeko esperientziak eskaintzen dituen plataforma. Adineko jendearen emozioak piztu eta, euren arazoak direla eta, bizi ezin zitzaketen esperientziez gozatzeko; hala nola, leku natural ederrak nahiz nazioarteko hiriak edo abeletxeak bisitatzea. Era berean, Oroiren aktibitateek ariketa, memoria, atentzioa eta hizketa bezalako funtzioak entrenatzen dituzte, urteen poderioz higatu egiten diren funtzioak, hain zuzen ere.
Oroiren COO eta fundatzaileetakoa dugu Iñaki Aramburu. Haren esanetan, “inbertsioak bultzada handia eman digu gure nagusien bizimodua hobe dezaketen konponbide teknologikoak garatzen jarraitzeko”. Bestalde, Oroiren CEO eta fundatzaileetarikoa den Jorge Maylinen ustez, “Lorpen honi esker, geure enpresa nazioartera zabaltzea lortuko ahal dugu, merkatuaren alor honetan lider bihur gaitezkeelarik”.
Errealitate zabalduan espezializatutako Eywa Space Venture Builder-ari esker garatu da proiektua hasiera-hasieratik. Eywaren bultzatzaileetarikoa dugu Pablo Ayala, eta Oroiren arrakastaren gakoa azaldu digu: “Fundatzaileek, negozioa aurrera eraman eta hazteko izan duten kemenari esker, pertsona helduentzako errealitate birtuala eskaintzen duten enpresa nagusien artean kokatzea lortu dute”.
Pedro Muñoz-Barojak, Easo Venturesen Managing Partner-ak, honakoa adierazi digu: “Oroik proposatzen dituen konponbideak berritzaileak dira, eta datozen urteotan zabalduko den merkatu-alor batera zuzenduak dira. Ondorioz, startup honen hazkundearen potentziala esponentziala da nazio mailan eta nazioartean”.
Alberto Bermejo Urietak, Clave Capitaleko Inbertsioen Zuzendariak, hala azaltzen du: “konbinaketa bikaina da pertsona nagusiek eurentzat berria den teknologiaz gozatzen duten heinean, euren gaitasun kognitiboak estimulatzeko errealitate birtuala erabiltzea”.
“Egoitzetan errealitate birtuala erabiltzea lanabes berritzailea da, gure langile guztientzako euskarri baita. Pertsona batzuek hain kaltetua dute adimena, maila honetako estimuluekin soilik irits gaitezkeela haiengana. Errealitate birtualeko aktibitate ezberdinei esker, erabiltzaileek esperientzia biziago eta errealagoak izan ditzakete. Jauzi kualitatiboa da gure nagusienganako atentzioari dagokionez”. Hala mintzo da Mariaje Zabaleta, Egoitzen Zerbitzuen Zuzendari Orokorra (Mondragon Korporazioaren kooperatiba), Oroiren finantzazioaren lehenengo errondan parte hartu duena.
Lotutako albisteak
INIZIA sariak banatu dituzte, INIZIA DAY jardunaldian
Horien helburua da oinarri teknologikoa duten eta/edo berritzaileak diren enpresa egitasmoak biltzen dituzten proiektuak aitortzea
Global Training bekak kudeatuko dituzten erakunde laguntzaileen bila ari gara
Erakunde bakoitzak 50 eta 80 beka arteko eskaintza aurkeztu ahal izango du graduko unibertsitate-titulua edo goi mailako lanbide-heziketako titulazioa duten gazteentzat
Ekintzaileentzako laguntzak: Bihur ezazu zure negozio ideia enpresa berritzaile eta errentagarri Ekintzailerekin
Ideia berritzaile bat duzu eta enpresa bihurtu nahi duzu? Orduan interesatzen zaizu Ekintzaile 2025, programa ezagutzea. Ekintzailetza bultzatzeko laguntza horrek laguntza ekonomikoa eta adituen aholkularitza eskainiko dizkizu zure proiektua bideragarria eta arrakastatsua izan dadin.
Nola izan enpresa ekintzaile bat Barnekintzaile programarekin, barne-ekiteko laguntza.
800.000 euroko aurrekontua du Barnekintzaile 2025 barne-ekintzailetzarako laguntza-programaren edizio berriak. Enpresa-proiektu berriak garatzeko edo jarduera berrietara dibertsifikatzeko laguntza eskuratu nahi duten enpresek abenduaren 11ra arte aurkez ditzakete eskaerak.
Eusko Jaurlaritzak Euskadiren eta Japoniaren arteko ekonomia- eta enpresa-harremanak estutzen jarraitzen du
Mikel Jauregi sailburua Japoniako Finantza ministrordearekin bildu da, eta erakundeen, ekonomiaren eta enpresen arloko zenbait topaketatan parte hartu du, Euskadiren eta Japoniaren arteko harremanak sendotze aldera.
BEINT bekek ehun hautagai baino gehiago bildu dituzte azterketa-egunean
Guztira 134 pertsonak (73 emakumek eta 61 gizonek) parte hartu zuten hautaketa-prozesuaren fase honetan
Txosten estrategikoak, euskal enpresa-sareari automobilgintzako berrikuntza globala hurbiltzeko
Basque Trade & Investmentek sektorearen nazioarteko azoka nagusietako bostetan aurkeztu diren produktu eta teknologiei buruzko informazio zehatza jarri du euskal enpresen eskura
Euskadiko enpresek nazioartekotzeari buruzko aholkularitza jaso ahal izango dute 23 herrialdetan
Basque Trade & Investment erakunde publikoko profesionalek bilera pertsonalizatuak egingo dituzte maiatzaren 26an, 27an eta 28an.
Eusko Jaurlaritzak eta Hithium enpresak akordio estrategikoa sinatu dute, Europako biltegiratze egonkorraren industria gidatzeko
Hitzarmenari esker, Euskadin biltegiratze egonkorreko sistemak fabrikatzea ahalbidetuko duen soluzio integral baten garapenean lan egingo da, erreferentziazko bazkide industrial batekin elkarlanean eta Euskal Autonomia Erkidegoko zentro teknologikoen babesarekin
Eusko Jaurlaritzak startup teknologikoak sortzea bultzatuko du, 2,5 milioirekin ekintzailetzarako laguntzetan
Maiatzaren 16an irekiko ditu SPRIk Ekintzaile eta Barnekintzaile programak