Bileran orobat parte hartu zuten BEINT 2020 programarekin Washingtonera iritsi diren bekadunek
Eusko Jaurlaritzaren BEINT programako bekadun izandako hainbat euskal gazte profesional Washingtonen elkartu ziren joan den urtarrilaren 30ean. Gazte horiek lanean ari dira egoitza Estatu Batuetako hiriburuan duten nazioarteko finantza-erakundeetan, hala nola, Munduko Bankuan, Nazioarteko Finantza Korporazioan eta Garapenerako Amerika arteko Bankuan. Finantza-erakunde horiek hainbat herrialdez osatutako organismoak dira eta finantzaketa nahiz aholkularitza teknikoa ematen dute garapena sustatzeko eta pobrezia desagerrarazteko.
Topaketan orobat parte hartu zuten BEINT 2020 programaren barruan Washingtonera iritsi diren bekadun berriek. Hala, hobeto ezagutu zuten zer egiten duten horrelako organismoek, eta aholkuak partekatu zituzten bekaren hirugarren fasea prestatzeko eta, agian, antzeko lanpostu bat lortzeko.
30 urtetik beherako ehun gazte inguru aurkezten dira urtero BEINT beketako bat lortzeko deialdira. SPRI Taldean integratutako Basque Trade & Investment – Nazioartekotzeko Euskal Agentziak eskaintzen du tresna hori, zeinaren helburua baita nazioartekotze arloko talentu berriak prestatzea euskal enpresa eta erakundeen premiei erantzun diezaieten. Beka hauek aukera paregabea dira goi-mailako unibertsitate titulazioa duten gazteek prestakuntza jaso dezaten nazioartekotzeari eta kanpo-merkataritzari buruz. Programa honen barruan, bekadunek erreferentziazko titulu propio bat eskuratzen dute, prestakuntza praktikoa jasotzen dute eta 8 hilabeteko egonaldia egiten dute mundu osoan zehar kokatutako euskal enpresetan.
34 urteko ibilbidea egin ondoren, talentu berriak nazioartekotzeko tresna honek ia % 100eko enplegagarritasun indizeak dauzka.
Bi euskal enpresak zeregin garrantzitsua bete dute Parisko Abokatuen Elkargoaren egoitza...Leer más
Partekatu
BasqueTrade & Investment agentziako lantaldeak informazio baliagarria ematen du COVID-19ak...Leer más
Partekatu
Automobilgintza gogorki kaltetua izan da koronabirus pandemia dela eta. Hasierako hornitze eta...Leer más
Partekatu
Nazioartekotzea edozein tamainatako eta edozein sektoreetako enpresen esku...Leer más
Partekatu
Konpromisoa dago gehienez 48 orduan erantzuteko Nazioartekotzeko Euskal Agentziak zerbitzu...Leer más
PartekatuEguneroko informazioa, jarduera-sektoreka eta intereseko
hartzeko.
ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.
Interesgarria, ezta?