Basque Trade & Investment-ek Australiako merkataritza-aukerak identifikatu ditu
Basque Trade & Investment-ek joan den astean misio bat egin zuen Australiara , euskal enpresentzat merkataritza-aukera garrantzitsuak identifikatzeko helburuarekin, bai Australiako euskal enpresen artean, bai Australiako ekosistemaren beraren artean, BasqueTradek herrialdean laster irekiko duen bulego berria kokatzeko.
Ildo horretan, Ainhoa Ondarzabal kontseilari delegatuak adierazi zuenez, “BasqueTrade ahalegin handia egiten ari da Asia-Pazifikoko eskualdean merkatu berriak irekitzeko, euskal enpresek hazteko tarte handiagoa baitute, agentziak egindako azterketen arabera”.
Misio horren ondorioz, berehalako aukerak identifikatu dira herrialdeko funtsezko zenbait sektoretan. Besteak beste, hauek nabarmentzen dira:
- Energia berriztagarriak: Australiak anbizio handiko helburuak definitu ditu energia berriztagarrien alorrean, batez ere energia eolikoaren alorrean. Izan ere, Hegoaldeko Gales Berriko gobernuak, adibidez, 2030erako energia berriztagarriko 20GW instalatzea aurreikusten du.
- Sare Elektrikoak: Australian dagoen sare elektrikoa hobetzeko eta zabaltzeko planifikatutako inbertsio handiak ere nabarmendu ditu bidaiak.
- Garraioa: Australiako gobernuak aurrekontu-partida garrantzitsu bat esleitu du azken aurrekontuetan garraioa hobetzeko.
- Industria-sektorea: Australiako hainbat estatuk berrindustrializazio-planak ezarri dituzte teknologian oso intentsiboak diren sektoreetan, eta Euskadiko enpresek aukera bikaina dute berrikuntza industrialean eta teknologikoan dituzten indarguneak aprobetxatzeko, Australiako merkatuan lankidetzan aritzeko eta hedatzeko.
Sektore horiek aukera esanguratsu gisa aurkezten dira euskal enpresentzat, teknologia jasangarrietan, azpiegitura elektrikoetan, mugikortasun jasangarrian edo fabrikazio-teknologia aurreratuetan duten berrikuntzagatik eta lidergoagatik.
Bidaia horretan, Basque Trade & Investment-eko ordezkaritzak bilerak egin zituen Hegoaldeko Gales Berriko Gobernukoordezkariekin, Victoriako Gobernuarekin eta Austrade, Australiako merkataritza-sustapenerako agentziarekin. Gainera, Transgrid eta Energy Co bezalako energia-enpresekin eta aipatutako sektoreetako enpresa-elkarte australiarrekin bilerak egin ziren, eta herrialdean ezarrita dauden euskal enpresekin topaketa bat egin zen.
Bilerak funtsezkoak izan dira harreman estrategikoak ezartzeko eta etorkizunean izan daitezkeen lankidetzak aztertzeko, eta Euskadiren eta Australiaren arteko harremanak indartzeko urrats erabakigarria izan da, bi eskualdeei mesede egingo dieten lankidetza- eta merkataritza-bide berriak irekiz.
Bulego komertzial berria Australian
2024ko urrian, Basque Trade & Investment-ek bulego komertzial berria irekiko du Australian, Arantxa Tapia sailburuak iragarri zuen bezala. Bulego horren helburua aukera horiek euskal enpresei hurbiltzea eta Australiako merkatuan sartzen laguntzea izango da, bi eskualdeen arteko merkataritza-loturak are gehiago indartuz.
Basque Trade & Investment
Basque Trade & InvestmentEusko Jaurlaritzaren nazioartekotze-agentzia da. Spri Taldean dago, eta nazioartean euskal enpresentzako merkataritza- eta inbertsio-aukerak sustatzen ditu.
Lotutako albisteak
Hidrogenoaren euskal ekosistemak loturak estutu ditu Japoniarekin sektorearen nazioarteko foro nagusian
Ekintza hau, hidrogenoa ardatz energetiko estrategikotzat garatzeko 2023az geroztik Euskadi eta Japoniaren arteko lankidetza bultzatzea xede duen ekimen zabalago baten barruan gauzatu da.
Euskal enpresek Bogotako hiri-eraldaketari lotutako aukerak esploratu dituzte
Jardunaldian azpiegituretan espezializatutako hamar euskal enpresak parte hartu zuten, Kolonbiako hiriburuari soluzio teknologikoak eskaintzeko asmoz.
Horizon Europe 2025: 7.300 milioi euro enpresa berrikuntza bultzatzeko Europan
SPRI-ren eskutik, EEN sarearen euskal nodoaren koordinatzaileak garen aldetik, euskal enpresei Horizon Europe programan parte hartzen laguntzen diegu. Enterprise Europe Network (EEN) Europako sare bat da, ETEen hazkundea eta nazioartekotzea bultzatzen duena
Global Training bekak kudeatuko dituzten erakunde laguntzaileen bila ari gara
Erakunde bakoitzak 50 eta 80 beka arteko eskaintza aurkeztu ahal izango du graduko unibertsitate-titulua edo goi mailako lanbide-heziketako titulazioa duten gazteentzat
Eusko Jaurlaritzak Euskadiren eta Japoniaren arteko ekonomia- eta enpresa-harremanak estutzen jarraitzen du
Mikel Jauregi sailburua Japoniako Finantza ministrordearekin bildu da, eta erakundeen, ekonomiaren eta enpresen arloko zenbait topaketatan parte hartu du, Euskadiren eta Japoniaren arteko harremanak sendotze aldera.
BEINT bekek ehun hautagai baino gehiago bildu dituzte azterketa-egunean
Guztira 134 pertsonak (73 emakumek eta 61 gizonek) parte hartu zuten hautaketa-prozesuaren fase honetan
Txosten estrategikoak, euskal enpresa-sareari automobilgintzako berrikuntza globala hurbiltzeko
Basque Trade & Investmentek sektorearen nazioarteko azoka nagusietako bostetan aurkeztu diren produktu eta teknologiei buruzko informazio zehatza jarri du euskal enpresen eskura
Euskadiko enpresek nazioartekotzeari buruzko aholkularitza jaso ahal izango dute 23 herrialdetan
Basque Trade & Investment erakunde publikoko profesionalek bilera pertsonalizatuak egingo dituzte maiatzaren 26an, 27an eta 28an.
Eusko Jaurlaritzak eta Hithium enpresak akordio estrategikoa sinatu dute, Europako biltegiratze egonkorraren industria gidatzeko
Hitzarmenari esker, Euskadin biltegiratze egonkorreko sistemak fabrikatzea ahalbidetuko duen soluzio integral baten garapenean lan egingo da, erreferentziazko bazkide industrial batekin elkarlanean eta Euskal Autonomia Erkidegoko zentro teknologikoen babesarekin
Euskadi eta Italiako klusterren haien arteko lankidetza indartu dute
Italiako Emilia Romagna eskualdeko klusterrek euskal lurraldea bisitatu dute aste honetan, sektore estrategikoetan balizko lankidetzak esploratu eta ezartzeko asmoz