Filtros X
Tipos de Posts
Agenda

Joan blog-era Euskal enpresaren blog-a

Zure enpresarentzat garrantzitsua den eguneroko informazioa

Albisteak 25 Marzo, 2023 Basque Trade & Investment I+G Ingurumen-jasangarritasuna Nazioartekotzea Energia Energia garbiagoak Joerak eta ikuspegi estrategikoa

Aker Solutionsek Tubacex hautatu du Norvegiako plataforma kontinentalean dituen proiektu nagusietako unbilikaletarako hodiak hornitzeko

70 milioi euro baino gehiagoko eragiketa hau unbilikaletarako-hodien merkatuko garrantzitsuenetako bat da, eta Tubacexen energiarako eta mugikortasunerako industria-soluzio aurreratuen hornitzaile gisa duen posizio teknologikoa sendotzen du.
Tubacex Aker Solutions

Bi konpainiek sinatu berri duten akordioaren ondorioz, Tubacexek 1000 km unbilikaletarako-hodi emango dizkio Norvegiako Aker Solutions AS energia-operadoreari, Ipar Itsasoan kokatutako hiru proiektutan instalatzeko.

Akordio garrantzitsu honen helburua da itsas hondoan dauden erauzketa-ekipoak kontrolatzeko eta fluidoak edo korrosio-inhibitzaileak injektatzeko erabiltzen diren hodi horiek fabrikatzea. Balio erantsi handiko ekipo horiek eskakizun tekniko handiko konponbideak dira, funts horretan dauden instalazioak eta ekipoak kontrolatzeko duten funtzioa dela eta. Hornidura, funtsean, bobinetan soldatzen da, saiakuntza ez-suntsitzaileen eta X izpien bidezko proben irizpide zorrotzenei jarraituz.

Unbilikaletarako-hodien merkatuan horrelako aplikazioa duen hornidura-proiekturik handienetako bat da eta sektore honetan, Tubacexek posizio nabarmenean dago. Eragiketa honetan bi enpresa teknologikoetako ingeniaritza-taldeek parte hartu dute. Konpainiak Espainian eta Austrian dituen ekoizpen-instalazioetan ekoiztuko ditu unbilikaletarako-hodi horiek, eta aurten eta datorren urtean hauek entregatzea aurreikusten da.

Tubacexen CEOa den, Jesus Esmorisen esanetan, “oso atsegin dugu Aker Solutions-ek hautatu izana Norvegiako plataforma kontinentalean funtsezko proiektu horiek egiteko. Europako segurtasun energetikoak muturreko garrantzia hartu du, eta Tubacex-en aukeraketak balio altuko produktu tubular horien horniduran dugun indarra erakusten du. Energiaren sektorea, bereziki offshorea, bultzada handia erakusten ari da, eta Tubacex-etik energía-anitzeko merkatuaren beharretara egokitzen diren irtenbideak eskaini ahal ditugu. Akerrekin egindako akordio horrek, gainera, jasangarritasun-ekintza espezifikoak inplementatzea dakar, proiektua gauzatzean CO2 isuriak murriztea ahalbidetuko dutenak”.

 

Tubacex enpresari buruz

Tubacex munduko liderra da energiaren eta mugikortasunaren sektoreetarako industria-produktu sofistikatuak eta balio erantsi handiko zerbitzuak diseinatzen, fabrikatzen eta instalatzen. Tubacexek bezeroei balioa ematen die bere presentzia globalari esker, Espainian, Austrian, Italian, Estatu Batuetan, Indian, Thailandian, Saudi Arabian, Dubain, Norvegian, Kanadan, Singapurren, Guyanan eta Kazakhstanen ekoizpen eta zerbitzu lantegiak dituelarik.

Bere jasangarritasun eta ingurumen-politika ESGren arloko erakunde ziurtatzaile nagusiek bermatzen dute, hala nola Science Base Targets-en (SBT) emisioak murrizteko konpromisoek, CDP (A- ratinga) bezalako kalifikazioetan egiaztatzeak, eta Ecovadis edo S & P. Tubacex bezalako jasangarritasun-estandarretan 1970etik kotizatzen du Espainiako burtsan, eta Ibex Small Caps indizearen parte da.

 

AAker Solutions enpresari buruz

Aker Solutionsek soluzio integratuak, produktuak eta zerbitzuak eskaintzen dizkio munduko energia-industriari. Akerrek petrolio eta gasaren ekoizpena posible egiten du karbono isuri gutxirekin, eta irtenbide berriztagarriak garatzen ditu etorkizuneko energia beharrak asetzeko. Soluzio digital berritzaileak eta aurreikus daitekeen proiektuen gauzatzea konbinatuz, energia jasangarria ekoizteko trantsizioan laguntzen du. Aker Solutionsek 20 herrialde baino gehiagotan lan egiten duten 15.000 langile inguru ditu.

Tubacex

Lotutako albisteak

WindEurope Inauguración 21 Marzo, 2024 Basque Trade & Investment
Basque Trade & Investment-ek enpresen arteko networkinga sustatuko du sektore eolikoan Wind Europe 2024 topaketan
Irakurri gehiago
21 Marzo, 2024 Basque Trade & Investment
Basque Trade & Investment-ek 100 beka atera ditu nazioartekotzearen arloko profilak prestatzeko
Irakurri gehiago
Australia Basque Trade 19 Marzo, 2024 Basque Trade & Investment
Euskadik energia berriztagarrien Australiako merkatura zabaldu du bere etorkizuna
Irakurri gehiago
14 Marzo, 2024 Basque Trade & Investment
Kanpo merkataritzari buruzko prestakuntza behar duzu? Eman izena lehenbailehen nazioartekotzeko BEINT beketan
Irakurri gehiago
BasqueTrade Hidrógeno 13 Marzo, 2024 Basque Trade & Investment
Euskadi eta Herbehereak, Bilbon, hidrogeno berdearen erronkei aurre egiten
Irakurri gehiago
Joan blog-era

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?
// Kanal espezializatuak

Jarrai iezaguzu. Kanal espezializatuak
eta eguneroko berriak