Filtros X
Tipos de Posts
Agenda

Joan blog-era Euskal enpresaren blog-a

Zure enpresarentzat garrantzitsua den eguneroko informazioa

Albisteak 25 Marzo, 2024 Nazioartekotzea

100 urteko esperientziak gainazalen tratamenduaren sektoreko erreferente bihurtu du JAZ

Eibarko enpresa, bizi izan den mendean zehar, eskuila metalikoen fabrikatzailea izatetik nazioarteko merkatuetan mugitzera igaro da, batez ere Estatu Batukoan.

JAZ Zubiaurre, S.A. enpresa Eibarren sortu zen duela 100 urte, eskuila metalikoen fabrikatzaile gisa, Domingo Zubiaurreren eskutik, leuntzaile-familia batetik baitzetorren eta Eibarko armagintzarako egiten baitzuen lan. Bere historiako lehen urteetan, UNCETA hornitzera bakarrik dedikatutako artisau-enpresa familiarra zen, baina Javier Zubiaurre, sortzailearen semea eta peritu industriala, enpresan sartu zenean, bere garapen tekniko eta komertziala bultzatu zuen. 1957an, Alberto Ullastres Merkataritza ministroak sustatutako Egonkortze Planak ekarri zuen uzkurdura ekonomikoak, “Ullastresko krisiak”, JAZ bezero berriak bilatzera behartu zuen. Hori erabakigarria izan zen enpresa hazteko; izan ere, “pertsona gehiago sartzea eta produkzio-ekipo modernoak eskuratzea erraztu zuen”, azaldu du JAZ Surface Experts enpresako gerenteak, Eduardo Zubiaurrek.

Etengabeko hazkundearen ondoren, bai barne mailan bai kanpo mailan, 1970ean, atzerrira hedatzen hasi zen Alemanian eta Estatu Batuetan, eta bere egoitza lau solairuko 4.000 m2-ko azalera zuen pabiloi industrial batera aldatu zuen. 1996an, Kalitatea Ziurtatzeko ISO 9000 ziurtagiria lortu zuen, munduko bigarren eskuilagintza enpresa izan zen hori eskuratzen. Hurrengo urtean, Azitain industrialdeko egungo instalazioetara aldatu zen, hiri armaginean, 7.000 m2-ko azalera eraikia duena.

Aldaketa horrek “hobekuntzak ekarri ditu gure produkzio-prozesuetan, gure ekipoak modernizatu ditugu eta gure produktuak berritu ditugu. Horrela, nazioarteko patenteak lortu ditugu eta berrikuntza teknologikoaren alorreko sariak jaso ditugu”, dio Eduardo Zubiaurrek. Mendearen amaieran, 1999an, bere filiala ezarri zuen Estatu Batuetan JAZ USA, Inc-ekin. Bertan, bere marka gaur egun ezagunenetako bat da eta bere merkatua nagusia bihurtu da.

Duela gutxi, familiako 3. eta 4. belaunaldikoek “bakarrik eskuilak fabrikatzen dituzten enpresa izatetik gainazalak tratatzeko soluzioetan aditu bihurtzeko trantsizio-prozesuari ekin diogu, batez ere, materialak garbitu, ehundu eta bizar-kentzeari dagokionez”, adierazi du JAZ Surface Experts enpresako kudeatzaileak.

Urte honetarako bere helburua fakturazioa %10 haztea eta inbertsio programa bizia gauzatzea da, Eibarren bere ekoizpen ahalmena handitzeko eta Estatu Batuetako instalazioak handitzeko. Bestalde, epe luzera, “azaleren tratamendu mekanikoaren arloan erreferente izaten jarraitzeko asmoa du”, dio Eduardo Zubiaurrek. Hori lortzeko, akaberako eta leuntzeko produktu berriak sartu nahi ditu gainazalak tratatzeko soluzioen katalogoan.

Euskal enpresen nazioarteko proiektuak bultzatzea da SPRI Taldearen helburuetako bat; izan ere, Basque Trade and Investment Nazioartekotzeko Euskal Agentziaren bidez, leihatila bakarraren bidez bere baliabide eta laguntza guztiak jartzen ditu enpresen eskura, adibidez Elkartu, Gauzatu edo BEINT eta Global Training Bekak.

Lotutako albisteak

Global Training Bekak 16 uztaila, 2024 Basque Trade & Investment
Epea irailaren 13ra arte luzatu da: Global Trainingek euskal gazteentzako nazioarteko esperientzia bultzatzen du
Irakurri gehiago
Energy Trasnmission 9 uztaila, 2024 Basque Trade & Investment
Australiak trantsizio energetiko ordenatua ziurtatzeko bide orria argitaratu du
Irakurri gehiago
BEINT Apertura 8 uztaila, 2024 Basque Trade & Investment
BEINT nazioartekotze-beken programak ikasturte berria hasi du
Irakurri gehiago
4 uztaila, 2024 Nazioartekotzea
60 herrialde baino gehiagoko laborategiek IDM Testen teknologia erabiltzen dute
Irakurri gehiago
3 uztaila, 2024 Basque Trade & Investment
BasqueTrade-k automobilgintzaren nazioarteko merkatuko azken berrikuntzak aurkeztu ditu
Irakurri gehiago
Joan blog-era

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?
// Kanal espezializatuak

Jarrai iezaguzu. Kanal espezializatuak
eta eguneroko berriak