Pesint: industria-instalazioetako emisioak murrizteko konpromisoa
Industria-planten energia-kontsumo globala ahalik eta gehien murrizteko eta hondar-energia hori berraprobetxatzeko helburuarekin sortu zen Pesint 2000ko hamarkadaren hasieran. Egoitza nagusia Pueblan (Mexiko) duen arren, mundu osoan egiten ditu proiektuak, eta Repsol, Smurfit Kappa, Heineken, Bayer, Mondelez edo Unilever bezalako enpresa liderrentzat lan egin du, beste askoren artean. Duela bi urte eskas, eta Europako merkatuan bidea irekitzeko asmoz, dibisio bat ireki zuen Donostian. “Euskadi lurralde indartsua da industria-sektorean, eta uste dugu aukera handiak ditugula Europan. Suedian, Erresuma Batuan eta Turkian ari gara proiektuak ixten“, dio Robert Williams Pesinteko CEOak.
Pesintek bi irtenbide nagusi eskaintzen ditu: batetik, lurrun-tranpa hidrodinamikoak, lurrun-tranpa tradizionalekin lotutako galerak ezabatzen dituztenak; eta, bestetik, ConDex kondentsazio bidezko beroa berreskuratzeko sistema, galdaren eta gas-turbinen ihes-gasen energia harrapatzen duena. Horrela, industria-prozesuen energia-kontsumoa murriztea lortzen dute, eta, aldi berean, berotegi-efektuko gasen emisioak murriztea. “Normalean isurketak % 10 eta % 20 artean murriztu ditzakegu“, zehaztu du Williamsek.
Mende honen hasieratik hona, industria-sektoreak aldaketa garrantzitsuak bizi izan ditu eta erronka handiei aurre egiten die, hala nola iraunkortasunari edo ingurumenari. “Industria orain dela 10 urte baino lerrokatuago dago, baina oraindik zenbait gai jorratu behar dira”, adierazi du CEOak. “Enpresek epe laburrerako inbertsioaren itzulera bilatzen dute oraindik, eta, emisioak murrizteko nahia dagoen arren, epe luzerako itzulera duten proiektuak oraindik ez dira zehazten errazak. Hala ere, hori hobetzen ari da. Izan ere, emisioak murrizteko proiektuei lehentasuna ematen ari zaizkien enpresa batzuekin lan egin dugu”.
Inbertsioaren itzuleraz gain, Pesintek beste bi oztopo identifikatu ditu paradigma-aldaketa horretan. “Alde batetik, merkatuen ziurgabetasuna dago, bizi garen garaietan hain bereizgarria dena, eta, gainera, plantetan proiektu horiek ezartzeko langilerik ez egotea. Beharrezkoa da enpresek ingeniari gehiagotan inbertitzea proiektuak gauzatzeko denbora izan dezaten “, azpimarratu du Williamsek.
Testuinguru horretan, Pesint bezalako enpresek bide luzea dute egiteko. “Sektore kritikoa da. Planeta eta geure burua salbatzea da kontua. Horregatik da garrantzitsua urrats bakoitza. Pesintetik aliantzak garatzen ari gara enpresekin, Adimen Artifiziala (AA) bezalako teknologiak barne hartzen dituzten soluzio-sorta oso bat eskaintzeko, oztopoei aurre egiteko eta egoera iraultzeko, enpresen lehiakortasuna mantenduz. Etorkizuna desafiozkoa da, baina zirraragarria”, amaitu du.
SPRI Taldeak aukera ematen die euskal enpresei haien jardueraren berri emateko bere informazio-kanaletan. Zure proiektua gure gaiekin lotuta badago (I+G+b, digitalizazioa, internazionalizazioa, ekintzailetza, berrikuntza…), Zutaz mintzo gara ekimenean parte har dezakezu.
Lotutako albisteak
Sei euskal ikerketa-erakundek bat egin dute ITTHACAn zahartze osasuntsua sustatzeko
Elkartek programak finantzatutako proiektu honek biomarkatzaileak, iragarpen-ereduak eta osasunaren zuzeneko monitorizazioa erabiltzen ditu.
Haizelur, nazioartekotzearen aldeko apustua egiten duen doitasun-mekanizazioaren arloko Debako ETEa
Enpresaren esportazioek SPRI Taldearen zibersegurtasuneko programaren dirulaguntza jaso dute eta negozioaren % 35era iritsi dira dagoeneko
NudgeXperience Bilbon: CX eta Portaera Zientzien ekitaldia
Zuzendariei eta gerenteei, Cx-eko arduradunei eta berrikuntza eta marketineko profesionalei zuzendua
Irudi B2B: 7 urte marketin digital industriala aztertzen bere blogaren bidez
Bere blogaren helburua: ezagutza erabilgarria partekatzea, industriak kanal digitalaren potentziala ahalik eta gehien aprobetxa dezan.
Bianditz, esku-erremintak, doitasuneko piezak eta kautxuzko injekzio-moldeak fabrikatzen dituen 60 urteko enpresa
Irunen kokatuta dagoen konpainiak, azken urtean fakturazioa % 30 handitu duenak, SPRI Taldearen zibersegurtasun-programako laguntza jaso du
Etxetar, errekuntzako motorrentzako eta ibilgailu elektrikoentzako ekoizpen-sistema aurreratuak egiten dituen munduko ingeniaritza liderra
Elgoibarko enpresak SPRI Taldearen zibersegurtasuneko dirulaguntza-programa jaso du eta proiektu bat egin du freno-diskoen kutsadura mugatzeko.
Diker, osasungintzaren sektorerako injekzio bidezko plastikoetan Euskadi mailako erreferente bihurtu nahi duen ETEa
Oiartzungo enpresa, gaur egun, batez ere automobilgintzaren eta elektronikaren sektorearentzat ari da lanean
Ekisolarrek bere negozioa deskarbonizaziorantz hedatu nahi du
Gasteizen kokatuta dagoen enpresak SPRI Taldearen BDIH Konexio programaren laguntza jaso du eta estalki industrialetan energia fotovoltaikoa eskaintzen du.
E&M Combustion-ek Chileko meatzaritza deskarbonizatzen laguntzen du hidrogenoa erabiliz, Sprilur-en Bildosola Poligonotik
Euskal ingeniaritzak hidrogenoaren errekuntzako I+G proiektu pilotu hau garatu du Chileko Gobernuarentzat.
Araniak hazkundea bizkortu du berrikuntzaren, iraunkortasunaren eta eraldaketa digitalaren bidez
Konpainiak Ipar Amerikan duen presentzia sendotu eta merkatu estrategikoetan lidergoa berretsi du