Tecoplasek plastiko teknikoen eraldaketan erreferentzia gisa sendotzea du helburu
Tecoplas, plastiko teknikoen eraldaketan espezializatutako enpresa, 1991n sortu zen Bilboko tailer txiki batean. Lantzen duen materiala baldintza zorrotzei aurre egiteko diseinatuta dago, hala nola tenperatura altuei, produktu kimikoei edo karga astunei, hori funtsezkoa baita bere bezeroen sektoreetan: industrian eta uren tratamenduan. Bizkaiko enpresak neurrira egindako soluzioak sortzeko lehengai erdilandua du abiapuntu, hala nola biltegiratze-deposituak, prozesu-zutabeak, iragazteko eta garbitzeko sistemak, hodiak edo pieza industrialak.
Bazkide fundatzaileek sektorea ezagutzen zuten eta enpresa hau sortzeko elkartu ziren. Tecoplas azkar sartu zen merkatuan, “bere produktuen kalitateagatik nabarmendu baitzen”, azaldu du Beñat Castaños Tecoplas enpresako zuzendari komertzialak. Jaio zen urtearen amaieran, instalazio handiago eta hobeto hornituetara aldatu zen, eta “material termoplastikoen eraldaketan espezializatzen hasi ginen”. Berrikuntza etengabe hazten ari zen, baita bezero-zorroa ere. Horregatik, 1999an, “gure zerbitzua optimizatzen jarraitzeko asmoz, Trapagarango egungo instalazioetara lekualdatu ginen”. Fabrika honek 2.000 m² tailer baino gehiago ditu, azken belaunaldiko makineriaz hornituak, eta 350 m² bulego, bere proiektuak diseinatu eta garatzeko.
Tecoplasek bi sektoretarako lan egiten du nagusiki. Industria-sektorerako —kimiko-farmazeutikoa, metalurgikoa, elikadurakoa edo akuikultorea, besteak beste—, biltegiratze-andelak, gasak garbitzeko sistemak, tratamendu-upelak eta erresistentzia kimiko eta mekaniko handia eskatzen duten prozesu espezifikoetara egokitutako ekipoak diseinatu eta fabrikatzen ditu. Uren tratamenduaren sektorerako, desodorizazio-sistemen fabrikazioan eta muntaketan espezializatuta dago, “funtsezkoak baitira hondakin-uren arazketa-prozesuetan sortutako usainak ezabatzeko, bai eta erreaktiboak dosifikatzeko sistema osoan ere”, Beñat Castañosek dioenez.
Epe laburrean, Bizkaiko enpresak dagoeneko lan egiten duen merkatuetan bere presentzia sendotu eta akuikulturan edo elikagaietan duen posizioa handitu nahi du, “uste dugulako hazkunde-potentzial handia duen eremuak direla”, Tecoplas enpresako zuzendari komertzialak adierazi duenez. Epe ertain eta luzera, bere helburua merkatu berrietara zabaltzea eta nazioartean aukerak aztertzea da. Gainera, “gure ekoizpen-gaitasuna eta gure proiektuen irismena handitzean jartzen dugu arreta”.
Tecoplasek inbertsio handia egin du makineria berrian, eta urrats sendoak ematen ari dira 4.0 industriatik 5.0 industriara eboluzionatzeko. “Adimen artifiziala gure prozesuetan integratu nahi dugu eta ekoizpen adimentsuago, eraginkorrago eta konektatuago baten alde egin”, ondorioztatu du Beñat Castañosek.
SPRI Taldea RIS 3 Euskadi estrategia abian jartzen duen eragileetako bat da, energiaren, fabrikazio aurreratuaren, bio-osasunaren eta nanozientziaren arloetan espezializazio adimenduna bultzatzeko.
SPRI Taldeak laguntza ematen dio euskal enpresari, laguntza-programen bidez, trantsizio teknologiko-digitala, energetiko-ingurumen-trantsizioa eta gizarte- eta osasun-trantsizioa errazteko. Aurkitu zure negozioaren beharretara hobekien egokitzen den programa.
Lotutako albisteak
EatAmigo, ostalaritzako eskaerak automatizatzeko AA erabiltzen duen tresna
Gipuzkoako enpresak jatetxeekin, ostalaritza kateekin eta elikagai banaketa enpresekin egiten du lan estatu mailan, eta duela gutxi Mexikon lortu du lehen bezeroa.
Zabalgarbik denbora errealeko analisi-tresnekin modernizatu du bere azpiegitura
Besteak beste, biki digitala eta adimen artifizialean oinarritutako teknologiak ezartzeaz gain, lurrun-gainberogailu bat instalatzea du helburu enpresak, energia-eraginkortasuna eta jasangarritasun operatiboa hobetzeko ekimen estrategiko bat.
HIMUGI proiektuak mugikortasunean eta garraioan aplikazioak dituen hidrogeno-propultsio sistema bat lortu nahi du
Euskal erakundeen arteko partaidetza eta lankidetza handia du, eta SPRIren Hazitek programaren laguntza ekonomikoa jaso du.
Diseinua, estrategia eta helburua: horrela egiten du lan Dot.-ek, erakundeei aldaketarantz laguntzen dien kooperatibak
Hainbat bulego ditu gaur egun, eta krisi testuinguru batean jaio zen, sortzaileak hainbat eszenatokitara egokitzera behartu dituena.
Sei euskal ikerketa-erakundek bat egin dute ITTHACAn zahartze osasuntsua sustatzeko
Elkartek programak finantzatutako proiektu honek biomarkatzaileak, iragarpen-ereduak eta osasunaren zuzeneko monitorizazioa erabiltzen ditu.
Aloka, profesionalen artean ikus-entzunezko materiala alokatzeko plataforma
Gipuzkoako startup-ak hainbat ekipo eskaintzen ditu, hala nola kamerak, grabagailuak, mikrofonoak, droneak. Mobile World Congress-eko 4YFN biltzarrean parte hartu zuen, SPRI Taldeak kudeatutako stand batekin, webgunea inbertsore eta bezero potentzialei aurkezteko.
Haizelur, nazioartekotzearen aldeko apustua egiten duen doitasun-mekanizazioaren arloko Debako ETEa
Enpresaren esportazioek SPRI Taldearen zibersegurtasuneko programaren dirulaguntza jaso dute eta negozioaren % 35era iritsi dira dagoeneko
Metagra, mende erdiko berrikuntza automobilgintzarako hotzeko estanpazioan
Bergarako enpresa pieza konplexuen fabrikazioan sendotu da, jasangarritasunaren eta berrikuntzaren alde eginez.
Senvia Systems-ek beste enpresa batzuk gidatzen ditu haien sustapenean eta eraldaketa digitalean
Iaz sortutako enpresa gipuzkoarrak sistemetan, komunikazioetan eta zibersegurtasunean oinarritutako IT zerbitzuak eta aholkularitza eskaintzen ditu.
Jon Ander Egaña: “BASQUE FOOD CLUSTERrek elikadura euskal industriaren sektore estrategiko gisa kokatzea lortu du”
Elikatze-katearen euskal elkartea 150 enpresa eta erakunde baino gehiagoren lehiakortasuna hobetzeko lanean ari da, berrikuntzaren garapenarekin, lankidetza-proiektuekin eta teknologien integrazioarekin.