Albisteak 10 Marzo, 2022

SPRI Taldeak enpresa-topaketak bultzatu ditu kontaktuak egiteko energia eolikoaren sektorean

Bilerak apirilaren 6 eta 7an egingo dira BECen

SPRI Taldeak (Enpresen Garapenerako Euskal Agentziak) nazioarteko B2B topaketak antolatu ditu apirilean beste erakunde batzuekin batera, enpresen arteko harremanak bultzatzeko energia eolikoaren sektorean. Topaketen antolaketan, SPRI Taldeaz gain –Basque Enterprise Europe Network (EEN) partzuergoko kide bezala-, orobat parte hartzen dute Euskadiko Energia Klusterrak eta energia urdinaren inguruko ELBE aliantza europarrak, eta kolaboratzaileen artean daude Energia Berriztagarrien Talde Sektoriala eta EEN sarea.

Topaketak datozen apirilaren 6an eta 7an egingo dira, Bilbao Exhibition Centre-n (BEC) antolatuko den WindEurope 2022 urteroko ekitaldiaren esparruan. Egitarau zabalaren barruan erakusketak eta hitzaldiak eskainiko dira, eta hizpide hartuko dira offshore zein onshore energia eolikoaren azken berritasunak, izan ere haizea Europako argindar-iturri nagusi bilakatuko baita hamarkada honetan. WindEurope industria honen huts egin ezinezko ekitaldia da, Europako sektore eoliko osoa bildu eta energia eolikoaren alderdi guztiak landuko baititu.

SPRI Taldeak antolatutako B2B topaketek (“Wind Energy International Matchmaking at WindEurope Bilbao 2022”) aukera eman diete energia eolikoaren balio-kateko antolakunde guztiei kontaktu baliotsuak egiteko eta nazioarteko lankidetzaren alderdi berriak ezagutzeko: adibidez, harreman komertzial berriak sortzea eta I+G+B proiektuetarako kolaboratzaile eta bazkide berriak bilatzea.

Nazioarteko B2B topaketetan parte hartu ahal izango dute merkataritza, teknologia eta ikerketarako kontaktu berriak identifikatu nahi dituzten enpresa, startup, kluster, ikerketako erakunde eta elkarteek. Hala, aukera egongo da berrikuntzak aurkitzeko eta energia eolikoaren sektorearen zein bere balio-kate osoaren premia espezifikoetara egokitzeko.

B2B topaketetako parte-hartzea doakoa da, baina ezinbestekoa da WindEurope Annual Event 2022 Bilbao ekitaldian erregistratzea eta ekitaldi horri dagokion tarifa ordaintzea.

Izena eman nahi duten erakundeek dagoeneko posible dute erregistratzea, lankidetzarako profila betetzea eta aldebiko bilerak eskatzea helbide honetan: https://windeurope-2022.b2match.io/

Lotutako albisteak

11/10/2025 Ingurumen-jasangarritasuna

A&B Laboratorios de Biotecnología-k hirien garbiketa jasangarriena sustatzen du

Easy BioSystem aurkeztu du: erabateko sistema, beharren % 90eraino estaltzen duena, Urban Line lerroko 3 produktu biologikoen bidez, dosifikazio- eta aplikazio-ekipamenduen eskutik.

07/10/2025 Deskarbonizazioa

Moves III eta Emisio Gutxiagoko Ibilgailuak programen arrakastak eskaera betetzeko laguntzak zabaltzea eskatzen du

Eusko Jaurlaritzaren Emisio Gutxiagoko Ibilgailuak programak aurreikuspen guztiak gainditu ditu. Europa mailako programa aitzindaria da, garraioaren deskarbonizaziorako neutraltasun teknologikoan oinarritua.

06/10/2025 Ingurumen-jasangarritasuna

Aclimak ‘Decarbon Hub’ abiarazi du, karbonoak baliabide gisa duen potentziala balioan jartzeko

Euskadiko ingurumen-industrien klusterrak ekonomia zirkularrean eta CO2-ak baliabide estrategiko gisa eskaintzen dituen aukeretan oinarritutako deskarbonizazioaren buru izateko jarrera hartu

25/09/2025 Ingurumen-jasangarritasuna

Cometel, hondakin industrialen tratamendurako giltza eskurako soluzioak eskaintzen dituen familiako ETEa

Elgoibarko enpresak SPRI Taldearen Industria Digitala programaren dirulaguntza jaso du, eta bere esportazioak % 70 baino gehiago dira dagoeneko.

05/09/2025 Nazioartekotzea

Koreako Jeollanam-do probintziak Euskadi bisitatu du itsas energia eolikoan eta trantsizio energetikoan aukerak aztertzeko

Euskadin programatutako agendarekin amaitzeko, delegazioak Saiteceko instalazioak bisitatu ditu, Euskal Autonomia Erkidegoan sarera konektatutako lehen aerosorgailu flotatzailearen proiektua bertatik bertara ezagutzeko asmoz.

17/07/2025 Ingurumen-jasangarritasuna

Metal78 enpresa, Zumarragako Arcelorreko eremua berreskuratzeko aurrerapausoaren adibide

Enpresa hori ezartzea Zumarragako Arcelor fabrika zaharrean industrialdearen berroneratze- eta berregokitze-prozesu integralaren baitan kokatzen da; Eusko Jaurlaritzak 25 milioi euro inbertituko ditu

09/07/2025 Ingurumen-jasangarritasuna

Ramiro González Arabako Ahaldun Nagusiak eta Mikel Jauregi Eusko Jaurlaritzako Industriako sailburuak Laudioko Vidrala lantegia bisitatu dute

Víctor Tolosa Vidralaren Europako dibisioko zuzendariak gidatuta, erakundeen ordezkariek instalazioak bisitatu dituzte, merkatura egokitzeko, jasangarritasunerako, energia-eraginkortasunerako eta produktibitaterako egindako aurrerapenak bertatik bertara ezagutzeko

07/07/2025 Ingurumen-jasangarritasuna

64 teknologia garbi onura fiskalekin

Azken zerga-erreformak % 35era igo du Teknologia Garbien Euskal Zerrendan jasotako ingurumen-inpaktu txikiena duten ekipoak erosteagatiko zerga-kenkaria

04/07/2025 Ingurumen-jasangarritasuna

Eusko Jaurlaritzaren ibilgailuak berritzeko planek matrikulazio berrien eskaera ia % 30ean bultzatzen dute, 2024arekin alderatuta

MOVES III programak dagoeneko 1.000 eskaera baditu auto elektrikoentzat eta 500 karga-puntuentzat; eta Emisio Gutxiagoko Ibilgailuen Programak 800 eskaera baino gehiago ditu ibilgailu berrientzat.

30/06/2025 Deskarbonizazioa

Eusko Jaurlaritzak eta Iberdrolak 59 milioi euro inbertituko dituzte 20 urtean Siemens Gamesa hornitzaile duen Euskadiko lehen parke eolikoan

40 MW-ko parke eoliko honen instalazioak Euskadiko gaur egungo potentzia eoliko instalatua % 26 handitzea dakar, 153MW-tik 193MW-ra pasatuz. Martxan jarri ondoren, urtero 99.679 MWh ekoitziko ditu, 30.000 etxebizitza energia berriztagarriz hornitzeko, eta atmosferara 16.300 tCO2 isurtzea saihestuko du.

Joan blogera

Bilaketa iragazi