Plastigaur bere material jasangarrietan oinarrituta erreferente bihurtu da Plastikozko enbalaje malguaren sektorea
Gaur egun, plastikoak gero eta erreputazio txarragoa du, eta bere kontsumoa murrizten saiatzen ari den arren, oraindik ezinbestekoa da hainbat sektoretarako, hala nola elikadura edo osasun sektoreetan. Jasangarriak eta birziklatzen errazak diren plastikoak fabrikatzea da Plastigaurren helburu nagusia; izan ere, Trantsizio Ekologikoko Ministerioak berriki saritu du bere karbono-aztarna murrizteko egindako lanagatik.
Enpresak Andoainen (Gipuzkoa) du egoitza, eta 160 langile ditu. Polietilenoaren estrusioan, inprimaketan eta ijezketan espezializatuta dago, eta mota guztietako bilgarriak eta packaginga egiten ditu elikadura- eta edari-sektoreetarako edo eraikuntza sektorerako. Hiru enbalaje mota eskaintzen ditu. Primarioa, produktuarekin zuzenean kontaktuan dagoena, sekundarioa, jada ontziratuta dauden produktuak biltzen dituena, hala nola lata-pack bat estaltzen duen plastikoa, eta tertziarioa, produktuak duten paletak plastikoz estaltzen dituena, zementu-zakuak, besteak beste.
Plastiagaurrek jasangarritasunaren eta ekonomia zirkularraren aldeko apustu argia egiten du, bere I+G+b sailean soluzio berrerabilgarrien garapenaren bidez. Soluzioen artean, azpimarratzekoa da Polietileno orienatuaren (OPE – MDO) garapena, enbalaje malgu konplexu monomatealak egiteko aukera ematen duena, eta, horrela, % 100 birziklagarriak izan daitezke; izan ere, enbalajean erabiltzen diren beste plastiko batzuk plastiko desberdinen nahasketak dira, eta birziklatze prozesu zailagoak dituzte.
Gainera, enpresak kontsumo-osteko lehengai birziklatuak ere erabiltzen ditu, jatorri fosileko lehengaiak erabiltzea saihestuz. Apustu hori indartu egingo da azken urte honetan egindako inbertsio handi baten bidez (8 milioi euro), PCR edukia duen produktu hori fabrikatzeko soilik erabiliko diren bi makina berrirekin, eta, horrela, produktu horren ekoizpen-ahalmena nabarmen handituko da.
“Ekodiseinuan oinarrituta egiten dugu lan beti. Prozesuaren hasieratik, plastiko horrek bere helburua bete ondoren izango duen erabilgarritasuna kontuan hartzen dugu, material horrekin ekonomia zirkularra lantzeko”, adierazi du Xabier Noguera Plastigaur enpresako zuzendari komertzialak. Urtean 70 milioi euro baino gehiagoko fakturazioarekin, % 25 esportazioetatik dator, Europan, Hego Amerikan, Mexikon eta Afrika iparraldean bezeroak izanik.
Etorkizunari begira, enpresaren helburua fakturazioari eta bezeroei dagokienez hazten jarraitzea da, eta bere soluzio iraunkorrak garatzen jarraitzea. “Prozesuaren hasieratik kontuan hartzen dugu zer erabilgarritasun izango duen fabrikatzen dugun plastikoak bere helburua bete ondoren. Beti dugu gogoan ekonomia zirkularra lantzea”, nabarmendu du Xabier Noguerak.
SPRI Taldea RIS 3 Euskadi estrategia abian jartzen duen eragileetako bat da, energiaren, fabrikazio aurreratuaren, bio-osasunaren eta nanozientziaren arloetan espezializazio adimenduna bultzatzeko.
Lotutako albisteak
Haizelur, nazioartekotzearen aldeko apustua egiten duen doitasun-mekanizazioaren arloko Debako ETEa
Enpresaren esportazioek SPRI Taldearen zibersegurtasuneko programaren dirulaguntza jaso dute eta negozioaren % 35era iritsi dira dagoeneko
Pradales Lehendakaria: “Gure Plan Industriala europar jarraibideekin lerrokatzen ari gara”
"Euskadi eragile garrantzitsua izan daitekeelako eta izan behar duelako prozesu horretan”
Euskadik bere automobilgintza sektoreko industria indartuko du errepideko garraioaren deskarbonizazio adimendunerako laguntza-programa berri batekin
Eusko Jaurlaritzak "Emisio Txikiagoko Ibilgailuak" laguntza-programa aurkeztu du Industriaren Defentsarako Taldearen baitan, euskal automobilgintzaren sektoreak egungo muga-zergen gerraren testuinguru globalean dituen erronkei erantzuteko
Euskadik bere aurrerapena sendotu du ingurumenaren babesean, airearen kalitatean eta isurketen murrizketan hobekuntza nabarmenak eginez, Ingurumen-koiunturari buruzko 2024ko txostenaren arabera
Euskadiko airearen kalitatea nabarmen hobetu da, zeren 2023ko egunen ia % 91k kalitate "ona" edo "oso ona" izan baitute
Euskadik Brasilgo itsas-sektore eolikoko erakunde nagusiak hartu ditu hango merkatuaren garapena bultzatzeko misioan
Flanders Investment & Trade eta Euskadiko Energia Klusterraren lankidetzaz antolatutakoa
Mikel Jauregi sailburuak eta PepsiCo-ko presidenteordeak enpresak Etxabarri-Ibiñako instalazioa “zero emisioko” munduko lehena izateko egin duen apustua aztertu dute
Elikagaien eta edarien multinazionalak Arabako Parke Teknologikoan instalatu du bere Hub Digital Globalaren zati bat, datuetan eta adimen artifizialean espezializatua.
Ekisolarrek bere negozioa deskarbonizaziorantz hedatu nahi du
Gasteizen kokatuta dagoen enpresak SPRI Taldearen BDIH Konexio programaren laguntza jaso du eta estalki industrialetan energia fotovoltaikoa eskaintzen du.
Euskadi agenda 2030 sariak 60 erakunde aintzatetsi ditu, garapen jasangarriaren helburuekin duten konpromisoagatik
SPRIk eta Euskadiko Parke Teknologikoak konpromiso-diploma lortu dute
E&M Combustion-ek Chileko meatzaritza deskarbonizatzen laguntzen du hidrogenoa erabiliz, Sprilur-en Bildosola Poligonotik
Euskal ingeniaritzak hidrogenoaren errekuntzako I+G proiektu pilotu hau garatu du Chileko Gobernuarentzat.
Araniak hazkundea bizkortu du berrikuntzaren, iraunkortasunaren eta eraldaketa digitalaren bidez
Konpainiak Ipar Amerikan duen presentzia sendotu eta merkatu estrategikoetan lidergoa berretsi du