Joan blog-era Euskal enpresaren blog-a

Zure enpresarentzat garrantzitsua den eguneroko informazioa

Albisteak 4 maiatza, 2022 Ingurumen-jasangarritasuna

Orklik 220.000 euro aurrezten ditu urtean konpresoreen hondar-energia aprobetxatuz

2018an hasi zen proiektuari esker, Ordiziako enpresak hondakin-energiaren % 58 baliatzen du jada bere eskaera termikoaren zati bat asetzeko. Soberakina Ordiziako Majori kiroldegiari uzten zaio, bertako igerilekuak berotzeko.

2018an, Orklik, berokuntzarako, ur bero sanitariorako, ura berotzeko eta etxetresna elektrikoetarako osagaiak fabrikatzeko erreferentziazko enpresak, bere instalazioetan energia-aprobetxamendua hobetzeko aukera bat antzeman zuen, konpresoreen eraginkortasuna oso txikia zela egiaztatu ondoren. Hori horrela, MSI Taldearekin batera (ekoizpen-prozesuaren automatizazio- eta digitalizazio-zerbitzuetan espezializatutako enpresa), konpresore berrien hondar-energia aprobetxatzeko proiektu bat jarri zuen abian haien eskaera termikoaren zati bat asetzeko, normalean hondar hori galdu egiten baita.

Ordiziako konpainiak adierazi duenez, “konpresoreen eraginkortasuna oso txikia zela egiaztatu zen, eta aire bidez hozten zirenez, beroa atmosferara barreiatzen zen, urtean 300.000 € inguruko energia galduz. Orain, lau urte geroago, Orklik Aramako lineetan, biltegian, termopareetan, talde magnetikoetan, Ceramateko zoru erradiatzailean eta bainu eta zerbitzuetarako ur bero sanitarioaren ekoizpenean kokatutako konpresoreek sortzen duten energiaren % 58 kontsumitzen du, eta kooperatibatik espero dute urtearen amaierarako ehunekoa nabarmen haztea.

Proiektuaren hedapenarekin urtean 220.000 €-ko energia aurreztu dela kalkulatzen da, eta, enpresak adierazi duen bezala, “% 100 berriztagarria den energia da, kontsumo elektrikoa murriztuz eta CO2 isurtzea saihestuz; izan ere, kalkulatu dugu 165,5 tonako CO2 isuria murriztu dela atmosferara”.

Hala ere, ekimena ez da hor amaitu, eta Orkliren ingurura hedatzen jarraitu da; izan ere, adierazi dutenez, “ezarritako neurri guztiekin konpresoreetan energia soberakin bat sortzen jarraitzen da. Hori dela eta, Udalarekin bilerak egin ditugu soberakin hori Majoriko (Ordizia) kiroldegiko igerilekuak berotzeko lagatzeko, eta ikastolara eta institutura zabaltzeko aukera izatea espero dugu”.

Hurrengo urteei begira, Orklik eraginkortasun energetikoko proiektu berriak garatzen jarraitu nahi du MSI Taldearekin batera. Talde hori izan da proiektu hau hedatzeko arduraduna, analisi energetikoak eta aurrezkien aurreikuspena egiteko gai den digitalizazio-sistema globalaren diseinuari eta garapenari esker. Ildo horretan, ekintza berriak identifikatu dira, batez ere ihesen eta klimatizazioaren esparruan, eta hobetzeko jarraibide berriak ezartzen jarraitzea espero dute, jarduketa-eremu horietan eta etorkizunean identifikatuko diren berrietan eraginkorragoak izateko.

SPRI Taldea RIS 3 Euskadi estrategia abian jartzen duen eragileetako bat da, energiaren, fabrikazio aurreratuaren, bio-osasunaren eta nanozientziaren arloetan espezializazio adimenduna bultzatzeko.

Lotutako albisteak

24 Azaroa, 2022 Ingurumen-jasangarritasuna
Termeps proiektua, isolamendu termikorako ekodiseinu eta ekonomia zirkularreko soluzioa
Irakurri gehiago
23 Azaroa, 2022 Ingurumen-jasangarritasuna
Basque Circular Summit-ek ekonomia zirkularra aurkezten du euskal industria deskarbonizatzeko funtsezko tresna gisa
Irakurri gehiago
17 Azaroa, 2022 Ingurumen-jasangarritasuna
Histocellek instalazio berria zabaldu du, terapia aurreratuetako botikak fabrikatzeko
Irakurri gehiago
NEUK.es 14 Azaroa, 2022 Ekintzailetza
Neuk % 100 jasangarria eta kalitate handikoa den moda diseinatu du
Irakurri gehiago
11 Azaroa, 2022 Basque Trade & Investment
GESek kalitate-ziurtagiria dauka bere jardueren %100arentzat
Irakurri gehiago
Joan blog-era

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?
// Kanal espezializatuak

Jarrai iezaguzu. Kanal espezializatuak
eta eguneroko berriak