Mondragon Unibertsitateak Europako iSTORMY proiektuaren lehenengo topaketa presentziala antolatu du, non hamabi erakundek osatutako partzuergo batek energia biltegiratzeko irtenbide berritzaileak bilatzen dituen
Trantsizio energetikoak aurre egin beharreko erronketako bat da jatorri berriztagarria duten iturriak modu masiboan integratzea sare elektrikoetan. Balantze energetikoa ziurtatzea erronka bat da, iturri horien bidez sortutako energia oso aldakorra baita; hortaz, energia biltegiratzeko irtenbideen inguruko ikerketa funtsezkoa da hornidura elektriko egoki bat bermatzeko. Europar Batasunak badaki zein garrantzitsuak diren ikerketa horiek trantsizio energetikorako, eta babesten duen proiektuetako bat, zeinetan sei herrialdetako hamabi erakundek parte hartzen duten, iSTORMY deitzen da. Horrek 3,4 milioi euroko aurrekontua eta hori gauzatzeko lau urteko epea ditu.
Europako ikerketa- eta berrikuntza-proiektua da iSTORMY eta 2020ko abenduan hasi zen garatzen, sistema elektrikoen erronka berriei aurre egiteko, energia berriztagarrien iturriek gero eta pisu handiago baitute horietan. Energia hibridoa eta molekularra biltegiratzeko sistema baten garapenaren bidez egiten du hori, sare elektrikoarekin elkarreragiteko gai dena, zerbitzu ugari eskaintzeko.
Lehenengo bilera presentziala
Proiektuan parte hartzen duen erakundeetako bat da Mondragon Unibertsitatea, eta atzodanik proiektuaren laugarren Batzar Nagusia egiten ari da. Mondragon Unibertsitateko Energia Elektrikoaren Taldeko ikertzaileak, aldi berean proiektuaren lan-paketeetako bateko buruak direnak, dira Arrasaten egingo den Batzarraren antolatzaileak. Proiektua hasi zenetik kolaboratzaileek egingo duten aurreneko topaketa presentziala da, eta azken sei hilabeteetan egindako aurrerapenak partekatzea eta etorkizuneko helburuak zehaztea da helburua.
Aurreneko hilabeteetan, energia biltegiratzeko hainbat teknologiaren modelaketan eta karakterizazioan zentratu da proiektua, bateria elektrokimikoetan oinarrituta, eta soluzio hibrido bat diseinatu da, sarera konektatuko dena erraz eskalatu eta konfiguratu daitekeen bihurgailu modularreko topologia baten bidez. Gainera, Energia Elektrikoaren taldeak energia kudeatzeko estrategia berri bat proposatu du, sare elektrikorako askotariko zerbitzuak eskaintzeko.
Bazkideak eta Mondragon Unibertsitatea
Batzarrean proiektuko bazkideek hartuko dute parte. Mondragon Unibertsitateaz gain, han izango dira Cegasa Energia, Zigor enpresa, bai eta Frantziako, Belgikako, Herbereetako, Eslovakiako eta Austriako bazkideak ere –erakundeak eta unibertsitateak–. Mondragon Unibertsitateko Goi Eskola Politeknikoak ikerketa-proiektuan duen zereginak Energia Elektrikoaren Taldearen esperientziak eskaintzen duen bermea du; izan ere, ibilbide luzea egin du korronte alternoko nahiz korronte jarraituko sistema elektrikoak modelatzen, aztertzen eta kontrolatzen, energia biltegiratzeko sistemak aplikazio egonkorretan dimentsionatzen eta integratzen, eta potentziako bihurgailu elektronikoak kontrolatzen eta diseinatzen.
Duela gutxi arte, biltegiratze-sistemen inguruko I+Garen zati handi bat baterien kimika berrien bilaketan edo aplikazio jakin baterako optimizatutako baterien soluzioetan zentratu da. iSTORMYren ardatza irtenbide modular eta elkarreragile bat garatzea da, potentziako elektronikan, energiaren kudeatzeko sisteman eta baterietan dauden berrikuntzak konbinatuz, eta bigarren bizitza bat izaten ari diren bateriak (beste erabilera batzuetarako aurretik erabilitako bateriak) erabiltzeko aukera barne hartuz.
Ezaugarri horiei esker, iSTORMY proiektuak mahaigaineratutako irtenbideak bizitza erabilgarri handiagoa, kostu txikiagoa eta malgutasun handiagoa izango ditu, lehendik dauden soluzioekin alderatuta. Gainera, garatutako soluzioa frogatzeko, benetako demostrazio-plataforma batean esperimentatuko da, sorkuntza fotovoltaikoko sistemak, ibilgailu elektrikoak kargatzeko estazioak eta bestelako aktibo energetiko batzuk erabiliz.
Lotutako albisteak
Euskadiko industria normaltasunez ari da, joan den asteleheneko itzalaldi orokorraren ostean
“Gure industria-sektorearen lana aitortu nahi dugu", aditzera eman du Mikel Jauregi, Eusko Jaurlaritzako Industria, Trantsizio Energetiko eta Jasangarritasuneko sailburua
Haizelur, nazioartekotzearen aldeko apustua egiten duen doitasun-mekanizazioaren arloko Debako ETEa
Enpresaren esportazioek SPRI Taldearen zibersegurtasuneko programaren dirulaguntza jaso dute eta negozioaren % 35era iritsi dira dagoeneko
Pradales Lehendakaria: “Gure Plan Industriala europar jarraibideekin lerrokatzen ari gara”
"Euskadi eragile garrantzitsua izan daitekeelako eta izan behar duelako prozesu horretan”
Euskadik bere automobilgintza sektoreko industria indartuko du errepideko garraioaren deskarbonizazio adimendunerako laguntza-programa berri batekin
Eusko Jaurlaritzak "Emisio Txikiagoko Ibilgailuak" laguntza-programa aurkeztu du Industriaren Defentsarako Taldearen baitan, euskal automobilgintzaren sektoreak egungo muga-zergen gerraren testuinguru globalean dituen erronkei erantzuteko
Euskadik bere aurrerapena sendotu du ingurumenaren babesean, airearen kalitatean eta isurketen murrizketan hobekuntza nabarmenak eginez, Ingurumen-koiunturari buruzko 2024ko txostenaren arabera
Euskadiko airearen kalitatea nabarmen hobetu da, zeren 2023ko egunen ia % 91k kalitate "ona" edo "oso ona" izan baitute
Euskadik Brasilgo itsas-sektore eolikoko erakunde nagusiak hartu ditu hango merkatuaren garapena bultzatzeko misioan
Flanders Investment & Trade eta Euskadiko Energia Klusterraren lankidetzaz antolatutakoa
Mikel Jauregi sailburuak eta PepsiCo-ko presidenteordeak enpresak Etxabarri-Ibiñako instalazioa “zero emisioko” munduko lehena izateko egin duen apustua aztertu dute
Elikagaien eta edarien multinazionalak Arabako Parke Teknologikoan instalatu du bere Hub Digital Globalaren zati bat, datuetan eta adimen artifizialean espezializatua.
Ekisolarrek bere negozioa deskarbonizaziorantz hedatu nahi du
Gasteizen kokatuta dagoen enpresak SPRI Taldearen BDIH Konexio programaren laguntza jaso du eta estalki industrialetan energia fotovoltaikoa eskaintzen du.
Euskadi agenda 2030 sariak 60 erakunde aintzatetsi ditu, garapen jasangarriaren helburuekin duten konpromisoagatik
SPRIk eta Euskadiko Parke Teknologikoak konpromiso-diploma lortu dute
E&M Combustion-ek Chileko meatzaritza deskarbonizatzen laguntzen du hidrogenoa erabiliz, Sprilur-en Bildosola Poligonotik
Euskal ingeniaritzak hidrogenoaren errekuntzako I+G proiektu pilotu hau garatu du Chileko Gobernuarentzat.