Joan blog-era Euskal enpresaren blog-a

Zure enpresarentzat garrantzitsua den eguneroko informazioa

Albisteak 10 urria, 2023 Ingurumen-jasangarritasuna

LumaGorri: 30 urte baserriko oilasko jasangarria hazten

Gipuzkoako enpresak, 30 familiak osatuak, hegaztiak hazten ditu aske, ustiategi txikietan, euskal sukaldaritza tradizionalekoak berreskuratzeko.

Gero eta jende gehiago dago gizartean kontsumitzen duenaz kontzientziatuta, bere buruari, ingurumenari edo tokiko ekonomiari on egiteko helburuarekin. Kezka horrekin 10 baserritar bildu ziren 1993an eta LumaGorri sortu zuten “euskal sukaldaritza tradizionalean hain preziatua den baserriko oilaskoa berreskuratzeko”, dio Koldo Huegun Zapirain LumaGorriko lehendakari eta ekoizleak. 

Dagoeneko 30 familiak hazten dituzte LumaGorri oilaskoak baserrietako belardietan. Urtez urte, haien lana ikasten eta hobetzen joan dira, jasangarritasuna, animalien ongizatea eta baserritarren zaintza alde batera utzi gabe. Hasieratik, haien helburuetako bat euskal nekazaritzaren biziraupenerako jarduerak garatzea zen. 

LumaGorrik ustiategi txikietan hazten ditu oilaskoak, eta libre bazkatzen dira baserriaren inguruan; horrek “gure oilaskoek duten haragi trinko eta zaporetsua bermatzen du”, adierazi du Huegunek. Instalazioei dagokienez, prest daude modu tradizionalean lan egin ahal izateko eta, ondorioz, kontsumitzaileei “produkturik onena” eskaintzeko. 

Bezeroak “produktu honen hurbiltasuna eta kalitatea baloratzen ditu”, azaldu du arduradunak. Horregatik dira erosle gehienak Euskal Herrikoak. Batez ere tokiko harakinak, uste baitu haiek direla “produktu bakoitzaren atributuen gainean gida gaitzaketenak”,  kontsumitzaileak erori ez daitezen “merkatuko beste oilasko batzuek jolasten duten anbiguotasun eta despistearen tranpan”; izan ere, horiek askotan hazkuntza askatasunean mezu bera zabaltzen baitute. Hala ere, LumaGorriren produktuak ere aurki daitezke Euskal Herriko, Madrilgo, Bartzelonako edo Alemaniako denda, saltoki handi eta jatetxeetan. 

Orain, bere lanarekin jarraitu ahal izatea du xede, “egoerak marjinak murriztea ekarri baitu”, dio ekoizleak, beti ere bere helburu nagusia ahaztu gabe: euskal nekazaritzaren biziraupena bermatzea. Era berean, kontsumitzaile eta ekoizle belaunaldi berrietara iristea gustatuko litzaioke, LumaGorriren historiari jarraipena emateko. 

Gainera, erosleen eskariari erantzunez, LumaGorriren produktu-sorta handitzeko asmoa du, barietate berriak eskaintzeko, hala nola: oilasko errea, saldak edo mozketa berriak, betiere bere ezaugarriak mantenduz. Hau da, “helburua da ongi egitea eta kontsumitzailearentzat errazagoa eta erakargarriagoa izatea”, azpimarratu du Koldo Huegun Zapirainek. 

SPRI Taldea RIS 3 Euskadi estrategia abian jartzen duen eragileetako bat da, energiaren, fabrikazio aurreratuaren, bio-osasunaren eta nanozientziaren arloetan espezializazio adimenduna bultzatzeko. 

Lotutako albisteak

29 otsaila, 2024 Ingurumen-jasangarritasuna
Veltiumek Fleet-at-home kaleratu du, enpresei zuzendutako ibilgailuen kargak kontrolatzeko tresna
Irakurri gehiago
28 otsaila, 2024 Ingurumen-jasangarritasuna
Ekobideakek geologia publiko guztientzat eskuragarri egiten du
Irakurri gehiago
Energy Tech Summit Bilbao 27 otsaila, 2024 Ekintzailetza
Ekintzailetzari eta Arrisku Kapitalari buruzko Europako kongresurik handiena Bilbon egingo da BBVAren eskutik
Irakurri gehiago
16 otsaila, 2024 Ingurumen-jasangarritasuna
Europako hegoaldeko mugikortasun jasangarriari buruzko azokaren laugarren edizioa jasoko du Ficobak
Irakurri gehiago
8 otsaila, 2024 Ingurumen-jasangarritasuna
Eusko Legebiltzarraren % 82k Trantsizio Energetikoari eta Klima Aldaketari buruzko Legea babestu du eta Tapia sailburuak lege horrek Euskadiren etorkizunerako duen garrantzi instrumentala nabarmendu du
Irakurri gehiago
Joan blog-era

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?
// Kanal espezializatuak

Jarrai iezaguzu. Kanal espezializatuak
eta eguneroko berriak