Jakionek kontserbak egiten ditu hurbileko produktuen zaporea eta nutrizio-balioa nabarmenduz
1996an, Deba Garaiko ekoizle talde bat baserrietako nekazaritza jarduera berreskuratu eta bultzatzeko elkartu zen, ekoizpenak mantenduz eta bertan behera uzteko joera alderantzikatuz. Elkartze horren emaitza Jakion kontserba naturalen enpresa izan zen.
Enpresak marmeladak egiten hasi zen, eta Euskadiko nekazaritza-sektoreko kooperatiba nagusiekin bat egin zuen 2021ean, Jakion ingurumenarekin konprometitutako enpresa moderno eta berritzailea bihurtzeko. Baina ez du bere konpromisoa ahaztu: “kontsumitzaile berriari, kontzienteari, osasunaz eta jasangarritasunaz arduratutakoari, erantzuna emango dioten kalitate goreneko produktuak eskaintzen jarraitzea”, Susana Aiastui Jakioneko gerenteak azaldu duenez.
Denbora horretan zehar, Jakionek bere katalogoa dibertsifikatu zuen, merkatuko eskaeretara egokitutako erreferentzia berriekin. Errezeta “bakar eta berritzaileak” dituen portfolio berri bat da, arreta osasunean, balio nutrizionalean, jasangarritasunean eta km-0an jartzen duena. Propietate funtzionalak dituzten kontserbak dira, familiei dieta osasuntsua eta orekatua eramaten laguntzen dietenak, proteina edo zuntz iturri direlako, etiketa garbia dutelako, gehigarririk eta kontserbatzailerik gabe, eta azidotasun-zuzentzailerik edo lodigarririk erabiltzen ez dutelako. “Produktuak gure amonek egiten zutena gogorarazten dute, hurbileko produktuen zaporea eta nutrizio-balioa nabarmenduz”, azaldu du Jakioneko kudeatzaileak.
Azken merkaturatzeen artean, honako hauek nabarmendu behar dira: Foodie Marmelada, uztartze gastronomikorako pentsatua; Mermelada Plus, txiaz eta kinoaz egina, proteina begetalaren ekarpenari esker digestio edo muskulu osasuna hobetzen duena; Euskal Baserri Tomate Frijitua, %100 naturala, AOVErekin, eta lodigarri, kontserbatzaile, koloraztzaile, egonkortzaile eta azidotasun-zuzentzailerik gabe; edo merkatuko pasta-saltsa bakarrak Euskal Baserri ziurtagiriarekin, Boloñesa, Boloñesa Veggie eta Napolitana.
Gainera, bere produkzio-zentroa teknologia aurreratuko industria-planta berri batera eraman ondoren, kontserbak egiteko edo produktu berriak garatzeko zerbitzuak eman diezazkieke sektoreko beste enpresa batzuei. Adibidez, Jakion Eroski kooperatibarekin elkartu da –RIS Straight 2 Market nekazaritzako elikagaien berrikuntza proiektuaren esparruan, EIT Food Berrikuntza eta Teknologia Institutuak kofinantzatuta– kinoa duen kalabazin krema berria egiteko. Hori proteina-iturria da eta ez du kontserbagarririk, koloratzailerik eta lodigarririk. Ekoizpen-zentro berriak eta berrikuntza-taldeak tokiko eta estatuko merkatuko banaketa-kate nagusietara iristea ahalbidetzen dio.
Bere helburua, orain, Euskal Baserri ziurtagiria duen barazki krema eta salda sorta berria kaleratzea da, “euskal elikagaien industrian mugarri izango litzatekeena, horrelako ziurtagiria duten lehen krema eta saldak izango liratekeelako”, azpimarratu du Susana Aiastuk. Aldi berean, balio-kate osoan prozesu eta metodologia jasangarritasunak ezartzea da bere asmoa; izan ere, “jasangarritasuna funtsezko ardatza da gure estrategian, %100 birzikla daitezkeen beirazko ontzietatik hasi, eta energia-kontsumoa edo materialen erabilera murriztea helburu duten destrioen edo ekoizpen-prozesuen aprobetxamendura arte”.
Etorkizunari begira, produktu funtzional berriak garatu nahi ditu, osasunari eta jasangarritasunari dagokienez, “familiei dieta osasuntsu eta orekatua eramateko aukera emango dienak, jateko plazera alde batera utzi gabe“, Jakioneko gerentearen arabera. Osasunerako onuragarriak diren osagaiekin eta azukre, koipe eta gatz gutxiago duten formulazio berriekin egindako kontserbak.
SPRI Taldeak laguntza ematen dio euskal enpresari, laguntza-programen bidez, trantsizio teknologiko-digitala, energetiko-ingurumen-trantsizioa eta gizarte- eta osasun-trantsizioa errazteko. Aurkitu zure negozioaren beharretara hobekien egokitzen den programa.
Lotutako albisteak
Mikel Jauregi: “deskarbonizazio adimentsuaren aldeko apustua egiten dugu, eta bide desberdinetatik hel gaitezke horretara”
Sailburuak adierazi duenez, Euskadi, azken hilabeteotan, ahalegintzen ari da bertako industriak eta bertan ezarri nahi diren enpresa-proiektu berriek eskatzen duten potentzia lortzen
Bizitegi-jabeen komunitateetako instalazio elektriko zaharrak berritzeko inbertsioetarako laguntza-programa
EEEren programa Deskarboniza programaren parte da
Energia berriztagarrien bidez autokontsumorako energia elektrikoa sortzeko eta kontsumo termikoak elektrifikatzeko laguntza-programa
EEEren programa Deskarboniza programaren parte da
Deskarboniza 2025 plana aurkeztu da
Deskarboniza plana erakundeen arteko elkarlanean oinarritutako plana da, Eusko Jaurlaritzaren zenbait laguntza-programa eta foru-aldundien kenkari fiskalak biltzen dituena, Euskadiko industriaren deskarbonizazio adimenduna bultzatze aldera
Euskadiko industriaren ingurumen-hobekuntza bultzatzea, Deskarbonizazio Industrialerako Programaren bidez
20 milioi euro Euskadiko enpresen inbertsioei laguntzeko eta haien lehiakortasuna hobetzeko prozesuan laguntzeko, neutraltasun klimatikorako trantsizioan oinarritutako Europako eta mundu mailako testuinguruan.
Maiatzaren 8an ireki da euskal industriaren deskarbonizaziorako 22 milioi euroak eskuratzeko epea
SPRIk kudeatzen duen Eusko Jaurlaritzaren Industria, Trantsizio Energetikoa eta Jasangarritasuna Sailaren programaren bigarren edizioa da
Eusko Jaurlaritzak deskarbonizazio industriala bultzatuko du, pizgarri eta laguntzen bidez, eta hidrogeno berdearen hidroduktu bat egingo du Aiaraldea eskualderako
Imanol Pradales Lehendakariak Laudioko Vidrala enpresaren instalazio berriak bisitatu ditu gaur, eta bertan labe berria inauguratu du
Euskadiko industria normaltasunez ari da, joan den asteleheneko itzalaldi orokorraren ostean
“Gure industria-sektorearen lana aitortu nahi dugu", aditzera eman du Mikel Jauregi, Eusko Jaurlaritzako Industria, Trantsizio Energetiko eta Jasangarritasuneko sailburua
Haizelur, nazioartekotzearen aldeko apustua egiten duen doitasun-mekanizazioaren arloko Debako ETEa
Enpresaren esportazioek SPRI Taldearen zibersegurtasuneko programaren dirulaguntza jaso dute eta negozioaren % 35era iritsi dira dagoeneko
Pradales Lehendakaria: “Gure Plan Industriala europar jarraibideekin lerrokatzen ari gara”
"Euskadi eragile garrantzitsua izan daitekeelako eta izan behar duelako prozesu horretan”