Filtros X
Tipos de Posts
Agenda

Joan blog-era Euskal enpresaren blog-a

Zure enpresarentzat garrantzitsua den eguneroko informazioa

Albisteak 27 urtarrila, 2022 Ingurumen-jasangarritasuna Hazitek programa

Indicate Solutions-ek biriketako minbizia eta COVID-19a detektatzeko diagnostiko-teknologia berritzaileak garatu ditu

Gipuzkoako enpresak Erresuma Batuan eta Txinan hasi du bere nazioartekotze prozesua, SPRI taldeko Basque Trade & Investment-en laguntzarekin.

Indicate Solutions ikerketa zentro bat da, Donostian kokatua. 2006an sortu zen Biodonostia Institutuaren ‘spin off’ bezala, eta Donostiako Sustapenaren eta BIC Gipuzkoaren laguntzarekin. Hasiera batean, Charles Lawrie Indicate Solutionseko CEOak eta Biodonosotia Institutuko Onkologia zuzendariak garatu zuen diagnostiko-teknologia bat merkaturatzeko sortu zen, CIC Biomagune eta UPV/EHUrekin lankidetzan.

Teknologia hau biriketako minbiziaren diagnostikora zuzenduta zegoen. Minbizi mota honetan (zelula ez txikien motakoa, NSCLC) ohikoa da oinarrizko tratamendu bat ematea, platinoan oinarritua, eta Indicate Solutions-en datuen arabera, kasuen % 20an funtzionatzen du soilik. Horrelako tratamenduak oso oldarkorrak dira, gaixoa asko ahultzen dute, eta, ondorioz, beste edozein arrazoi txikirengatik (hotzeria, gripea…) hil daiteke. Horregatik, teknologia honen helburua da mutazio batzuen bidez (biomarkatzaileak) zer minbizi mota den identifikatzea, ahalik eta tratamendu egokiena eman ahal izateko.

Teknologia horren garapenean murgilduta, 2020an COVID-19a agertu zen, eta horrek enpresan eragin handia izan zuen: “Gure kasuan, eta enpresa bioteknologikoen % 90en kasuan, gure diagnostiko-teknologia birus hori detektatzeko nola moldatu genezakeen birplanteatu behar izan genuen, eta, ondorioz, REPViT izeneko proiektua sortu genuen”, Javier Zubiria Indicate Solutions enpresako operazioen zuzendariak adierazi duenez. Bi teknologien arteko desberdintasun nagusia zera zen: biriketako minbiziaren bilaketan “lastategian orratza bilatzea” zela, hau da, nukleotido bat bilatzen dela 5 litro odoletan. COVID-19a detektatzeko teknologian, molekula askoz handiagoa bilatzen da, aurkitzeko errazagoa. Gainera, bilaketa leku jakin batean egiten da, eztarrian, listuaren kasuan.

Une honetan, REPViT teknologia prototipatze-fasean dago, 175 listu-laginekin, eta % 95eko zehaztasuna lortu da PCRaren aldean. “Funtzionamendua oso erraza da. Termometro batekin konpara dezakegu. Termometroa kristalezko ontzi bat duen merkurio-likido bat besterik ez da, tenperaturaren arabera igo edo jaitsi egiten dena. Gure teknologia urrezko nanopartikulen gatz-soluzio bat da, eta txistua botatzen duzuenean eta astintzen duzunean, kolorez aldatzen bada eta garden bihurtzen bada, positiboa zarela esan nahi du, PCRaren zehaztasunarekin”, zehaztu du Javier Zubiriak.

Etorkizunari begira, Indicate Solutionsek interes handia jaso du nazioarteko merkatuaren aldetik. Erresuma Batuan enpresa bat eratu du, bere teknologia merkatu britainiarrean merkaturatzeko, eta, aldi berean, Shanghain sukurtsal bat sortzeko akordioa sinatu du, tokiko erakunde batekin batera, bi teknologiak garatzeko eta, horrela, Txinako merkatuan hedatzeko. Nazioartekotzeko bi proiektu horiek SPRIren hainbat programaren laguntzarekin gauzatu dira, hala nola Hazitek edo Medtech ekimenen bidez.

SPRI Taldea RIS 3 Euskadi estrategia abian jartzen duen eragileetako bat da, energiaren, fabrikazio aurreratuaren, bio-osasunaren eta nanozientziaren arloetan espezializazio adimenduna bultzatzeko. Informazio gehiago hemen.

Lotutako albisteak

27 Marzo, 2024 Ingurumen-jasangarritasuna
Kitu Foods, snack osasungarriak fabrikatzen dituen mikroETE bizkaitarra
Irakurri gehiago
25 Marzo, 2024 Azpiegiturak
Sprilurrek eta Ihobek Euskadiko Lurzoru Estrategia partekatuko dute Bartzelonako Advanced Factories nazioarteko foroan
Irakurri gehiago
Bikote Solar AMercado de la Ribera 25 Marzo, 2024 Berrikuntza
Bikote Solar, 18 urte eguzki-energia enpresa-sektorera eskaintzen
Irakurri gehiago
21 Marzo, 2024 Ingurumen-jasangarritasuna
55 euskal enpresa izango ditu partaide sektore eolikoaren Europa mailako ekitaldirik garrantzitsuena
Irakurri gehiago
19 Marzo, 2024 Ingurumen-jasangarritasuna
World Economic Forumaren “zero emisio garbietarako” ekimeneko kluster industrialen topaketa berri bat egingo da Euskadin
Irakurri gehiago
Joan blog-era

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?
// Kanal espezializatuak

Jarrai iezaguzu. Kanal espezializatuak
eta eguneroko berriak