Euskal enpresaren blog-a Zure enpresarentzat garrantzitsua den eguneroko informazioa
Albisteak 24 maiatza, 2022 Ingurumen-jasangarritasuna

Euskaditik etorritako zura ‘Mies Van Der Rohe 2022’ saria irabazi duen eraikinean

Egoin enpresa bizkaitarrak Bartzelonako La Borda etxebizitza kooperatiboaren zurezko egitura garatu zuen, Lacol arkitektoen kooperatibak diseinatua. Duela gutxi eraikuntza horrek Mies Van Der Rohe 2022 arkitektura saria jaso du ‘emergente’ kategorian.

Egoinek, Europa hegoaldeko erreferentzia nagusietako batek zur ijeztuaren eta zur kontraijeztuzko (CLT) panelen ekoizpenean, Bartzelonako La Borda etxebizitza kooperatiboaren zurezko egituraren garapenean parte hartu zuen 2017an, hiri bereko Lacol arkitektoen kooperatibaren lana. Bost urte geroago, 2022ko apirilean, eraikuntzak Mies Van der Rohe saria jaso du ‘emergente’ kategorian, Europa mailako arkitektura-sari garrantzitsuenetako bat.

Arkitektoen kooperatibak zura aukeratu zuen Sants auzoko etxebizitza sozialen eraikina eraikitzeko elementu bateratzaileetako bat bezala, eta Natxituako (Bizkaia) enpresaz fidatu zen egitura garatzeko. Unai Gorroñok, Egoineko zuzendari komertzialak adierazi duenez, “Lacol arkitektoen kooperatiba zoriondu nahi dugu merezitako sari honengatik, eta eskerrak eman nahi dizkiegu proiektuan laguntzeko eman diguten konfiantzagatik”.

3.000 m2-ko eta 28 pisuko higiezina da, Can Batllóko fabrika-esparru zaharrean eraikia, eta mugarria izan zen sektore arkitektonikoan, izaera sozialagatik, egiturazko zuraren erabileragatik eta neurriengatik; izan ere, 25,5 metroko altuerak orain arteko zurezko eraikinik altuena bihurtu zuen ingurune nazionalean. Hori eraikitzeko, Egoinek CLT zurezko 660 metro kubiko panel erabili zituen, eta beste 40 metro kubiko intsinis pinuzko zur laminatu, Euskadiko ustiategi jasangarrietatik zetozenak.

Zura, etxebizitza jasangarria eraikitzeko

41 herrialdetako 532 obretako bost finalisten artean, Cornellà de Llobregaten (Bartzelona) 85 etxebizitza sozial egiteko proiektua ere bazegoen, Peris + Toral Arquitectes estudioak diseinatua, eta Egoinek ere lagundu zuen bertan, zurezko eraikuntza-soluzioak emanez. Hain zuzen ere, proiektu horretan Euskaditik datorren intsinis pinuaren 2.100 m3 zur kontraijeztu CLT erabili zituen, fatxadak, eskailerak eta forjatuak eusteko. Zur ijeztua ere erabili zuen erdiko egituraren habeak eta zutabeak diseinatzeko.

“Bi proiektuek eraikuntza-alardea ekarri dute, bizitegi-izaerako eraikinetan egurra zer nolako pisu espezifikoa hartzen ari den adierazten duena. Honelako proiektuak hirigintza eta eraikuntza ikusteko modua aldatzen ari dira, iraunkortasun sozial, ekologiko eta ekonomikoan oinarritutako sistema baterantz mugituz”, gaineratu du Gorroñok. Hain zuzen ere, saritutako proiektuak, jasangarritasunaren ikuspegitik, ohiko eraikuntza-materialen ingurumen-inpaktua murriztea lortu zuen, CLT zurezko egiturari, obra lehorrean burutzeari eta atzitzeko estrategia pasiboen eta tarteko espazioen erabilerarekin lortutako erosotasun termikoari esker.

SPRI Taldea RIS 3 Euskadi estrategia abian jartzen duen eragileetako bat da, energiaren, fabrikazio aurreratuaren, bio-osasunaren eta nanozientziaren arloetan espezializazio adimenduna bultzatzeko.

Albisteak 27 ekaina, 2022 Ingurumen-jasangarritasuna
EHUren udako ikastaroetan Sprilur-ek naturalizazioa landuko du industria-espazioak suspertzeko mekanismo gisa
Irakurri gehiago
Albisteak 24 ekaina, 2022 Ingurumen-jasangarritasuna
SPRIk “Basque Net Zero Industrial Super Cluster” aurkeztu du Erroman antolatutako “International Utilities and Energy Conference” ekitaldian
Irakurri gehiago
Albisteak 23 ekaina, 2022 Ingurumen-jasangarritasuna
FHIMASA: “4.0 industriak eta digitalizazioak eraikuntza-arloan presentzia izateko lan egiten dugu, sektore erakargarriagoa eta berritzaileagoa izan dadin”
Irakurri gehiago
Albisteak 17 ekaina, 2022 Ingurumen-jasangarritasuna
Arrizabalek ibilgailu elektrikoaren aldeko apustua egin du garbiketa sektorean
Irakurri gehiago
Albisteak 9 ekaina, 2022 Ingurumen-jasangarritasuna
EHUko udako ikastaroek mugikortasun jasangarri eta seguruari buruzko eztabaida bat ostatatuko dute hilabete honetan
Irakurri gehiago

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?
// Kanal espezializatuak

Jarrai iezaguzu. Kanal espezializatuak
eta eguneroko berriak