Donostian antolatuko da ICOE-OEE 2022 konferentzia, energia ozeanikoetako munduko ekitaldirik garrantzitsuena

Sektoreko ehunka profesional eta ikertzaile bilduko ditu Donostiako Kursaalean
-

“International Conference on Ocean Energy & Ocean Energy Europe 2022” (ICOE-OEE 2022) deritzon energia ozeanikoei buruzko munduko ekitaldirik garrantzitsuenak sektoreko ehunka profesional eta ikertzaile bilduko ditu Donostiako Kursaalean, urriaren 18tik 20ra bitartean. ICOE-OEE 2022 Euskadiko Energiaren Kluster Elkarteak) antolatu du Ocean Energy Europe (OEE) erakundearen lankidetzaz eta Energiaren Euskal Erakundea (EVE) babesle nagusi duela.

Europako Batzordeak 2030erako 1.000 MW ekoizteko helburua ezarri du Itsas Energia Berriztagarrien Estrategian (itsas-eolikoaren 60.000 MWekin batera). Espainiaren kasuan, Itsas Energia Eolikoaren eta Itsasoko Energien Ibilbide Orriak 40-60 MWeko helburua ezarri du itsas-energiei dagokienez denbora-tarte berean. Kopuru horiek behin-betiko bultzada eman diezaiokete datozen hamarkadetan sektorearen hazkunde nabarmena erraztuko duten eskalako ekonomien sorkuntzari. Gainera, interes handiko aukera da Euskadirentzat, nazioarteko erreferentziazko eskualde bihurtu den sektore honetan.

Euskadi, energia ozeanikoen nazioarteko erreferentea

Euskadi olatu-energiaren garapenaren arloko lider globaletako bat da, bertako industria-sarearen eta intentsitate teknologikoaren arteko konbinazioagatik. Euskadik mundu osoan elektrizitate gehien ekoitzi duen olatu-energia sortzeko instalazioa du Mutrikun, eta Armintzan, BiMEPen instalazioak daude, parekorik ez duen saiakuntza-gunea, itsaso zabalean kokatua eta sarera konektatua. Euskadik nazioarteko esperientzia duten hainbat enpresak osatutako balio-kate osoa du. Horietako bat da olatu-energiaren bihurgailuaren teknologia propioa duen IDOM enpresa, Estatu Batuetako Energia Departamentuarentzat proiektu aitzindariak garatzen diharduena. Euskadik I+G zentroak ere baditu, Tecnalia eta AZTI kasu, eta bertako unibertsitateak, Mondragon Unibertsitatea eta UPV-EHU tarteko, sektorearen garapen teknologikoaren punta-puntan daude.

Gainera, sektoreak Eusko Jaurlaritzaren eta Energiaren Euskal Erakundearen bultzada irmoa du. Energiaren Euskal Erakundea mundu mailako zenbait berrikuntza-ekimen bereziren buru da egun; adibidez, EuropeWave programa, Europako Batzordeak sektorearen garapen komertziala sustatzeko egin duen apustu nagusia, EVEk Eskoziarekin batera koordinatutakoa.

Donostia ICOE-OEE 2022 ekitaldiaren egoitzatzat aukeratu izanak argi eta garbi frogatzen du  Euskadik sektore horretan duen garrantzia, bai industria eta teknologia-mailan, bai euskal administrazioak ematen dion babes eta bultzadagatik

ICOE-OEE 2022: mundu mailako ekitaldirik garrantzitsuena

Bi urtez behin, ICOE-OEE 2022 energia ozeanikoei buruzko mundu mailako ekitaldi nagusia bihurtzen da. Energiaren Nazioarteko Agentziako energia ozeanikoen sailaren (IEA-OES ingelesezko siglen arabera) babespean, edizio hau Euskadiko Energiaren Kluster Elkarteak (EKE) antolatu du Ocean Energy Europe (OEE) erakundearen lankidetzaz. Topaketak energia ozeanikoan sektoreko ehunka eragile eta profesional bilduko ditu Donostiako Kursaalean, urriaren 18, 19 eta 20an.

Konferentziak asmo handiko programa teknikoa izango du, eta programa hau osatzen duten 21 saioetan, enpresa nagusiak, I+G arloko eragileak eta etorkizun handiko energia-alternatiba honen garapena gidatzen ari diren erakunde publikoak ordezkatzen dituzten mundu osoko 150 hizlarik parte hartuko dute.

Urriaren 18an, asteartea, irekiera-ekitaldian, Eneko Goia Donostiako alkateak ongietorria emango die bertaratutakoei, eta ondoren, sektoreko punta-puntako proiektuak aurkezteko osoko bilkura egingo da. Asteazkeneko saioen hasieran, Iñigo Urkullu lehendakariak hitzaldia emango du, eta arratsaldean, sektorearen funtsezko ordezkariak elkartuko dituen mahai-ingurua egingo da, Iñigo Ansola EVEko zuzendari nagusia tarteko.

Konferentzia teknikoaren osagarri, 50 erakusketari baino gehiago bilduko dira erakusketa-gunean, ‘Wave Energy Basque Country’ markapean bildutako euskal enpresen parte-hartze zabala nabarmenduz. Bertan izango dira, besteak beste, EVE; BiMEP; IDOM, AEROBLADE, DITREL eta GALEA enpresak eta TECNALIA eta AZTI zentro teknologikoak. Gainera, Kanada, Eskozia eta Galesko nazioarteko ordezkariak ere bertaratuko dira, haien herrialdeetako erakunde ugari bilduz.

Erakusketa-guneak harreman eta networking profesionalerako aukerak eskainiko ditu, eta horrekin batera, SPRI,  Enterprise Europe Network delakoaren Euskadiko ordezkaria den aldetik, berariazko B2B (business-to-business) ekitaldia antolatuko du.

Ekitaldiari eutsi dioten 17 babesleek topaketaren antolaketa erraztu eta horretan zein maila teknikoan lortutako kalitate-maila handia ahalbidetu dute, beraien laguntza eta parte-hartzeari esker. Nabarmentzekoak dira Energiaren Euskal Erakundea (EVE) platinozko babesletzat, BiMEP zilarrezko babesletzat, IDOM eta DITREL brontzezko babesletzat, SPRI babesle teknologikotzat eta EUROESKUALDEA eta ICEX laguntzailetzat. Nazioarteko parte-hartzeari dagokionez, aipatzekoak dira Kanada eta Gales urrezko babesletzat, Team Scotland, zilarrezko babesletzat, eta DP Energy, asteartean, hilak 18, Kursaaleko foyerrean egingo den Welcome Reception ekitaldiareren babesletzat.

Konferentzia teknikoa baino gehiago

Ekitaldiarekin batera, hainbat jarduera osagarri antolatuko dira, nazioarteko ordezkariek egonaldia ahalik eta gehien aprobetxatu eta Euskadi bertatik bertara ezagutzeko aukera izan dezaten: gala-afaria asteazkenean, urriak 18, Maria Cristina hotelean; bisita teknikoak ostiralean, urriak 21, BiMEPera eta olatu-energia sortzeko Mutrikuko instalazioetara; Pasaiako Albaola eta MATER museoa zein Zumaiako flyscha ezagutzeko bisitak eta pintxo-ibilbidea hirian zehar. Era berean, bertaratutakoek Donostiako hiru hondartzetan zehar antolatuko den bost kilometroko lasterketa batean parte hartu eta Zurriola hondartzan surf eskolak hartzeko aukera izango dute.

ICOE-OEE 2022 topaketari esker, Euskadi itsas-energia berriztagarrien garapenaren munduko erdigunean kokatuko da astebetez. Aukera paregabea izango da, euskal sektorea trantsizio energetikoari funtsezko ekarpena egin diezaiokeen etorkizun handiko arlo honetan posizionatzeko.

ICOE-OEEri buruz

Energiaren Kluster Elkarteak eta Ocean Energy Europe erakundeak bat egin dute, Energiaren Nazioarteko Agentziaren Ocean Energy Systems (IEA-OES) delakoa aldean dutela, baterako ekitaldi hau antolatzeko, eta honen barruan, Energia Ozeanikoari buruzko Nazioarteko Konferentzia (ICOE) eta Ocean Energy Europe (OEE) urteko erakusketa egingo dira. Parekorik ez duen topaketa honek energia ozeanikoaren arloko mundu osoko profesionalak eta erabaki-hartzeen arduradunak bilduko ditu Donostian, 2022ko urriaren 18tik 20ra bitartean.

ICOE Ocean Energy

Lotutako albisteak

Euskadik  indartu  egin  du  Poloniarekin  duen  lankidetza  industriala,  euskal  esportazioen  hamar  helmuga  nagusien  artean

Euskadik indartu egin du Poloniarekin duen lankidetza industriala, euskal esportazioen hamar helmuga nagusien artean

Imanol Pradales: “Kontinentearen lehiakortasun industriala bermatzea posible izango bada, gure indarrak batuta, sinergia berriak bilatuta eta norabide berean eginda izango da”

Euskadik  itsasoko  energia  eolikoan  duen  nazioarteko  posizionamendua  indartu  du  Japonian
16/10/2025 Nazioartekotzea

Euskadik itsasoko energia eolikoan duen nazioarteko posizionamendua indartu du Japonian

Euskadik eta bere industria sareak GOWS 2025ean duten parte hartzea sektoreko enpresa liderrekin eta nazioarteko erakundeekin lankidetza esparru batean garatzen da

A&B  Laboratorios  de  Biotecnología-k  hirien  garbiketa  jasangarriena  sustatzen  du

A&B Laboratorios de Biotecnología-k hirien garbiketa jasangarriena sustatzen du

Easy BioSystem aurkeztu du: erabateko sistema, beharren % 90eraino estaltzen duena, Urban Line lerroko 3 produktu biologikoen bidez, dosifikazio- eta aplikazio-ekipamenduen eskutik.

Eusko  Jaurlaritzak  nazioartekotzea  bultzatu  du  9,5  milioi  euroko  laguntzen  bidez

Eusko Jaurlaritzak nazioartekotzea bultzatu du 9,5 milioi euroko laguntzen bidez

Enpresek Zabaldu, Sakondu eta Elkartu programetarako diru-laguntzak eska ditzakete.

Nazioartekotzerako  enpresa-lankidetzari  bultzada,  Elkarturekin
10/10/2025 Nazioartekotzea

Nazioartekotzerako enpresa-lankidetzari bultzada, Elkarturekin

Urriaren 14an Elkartu programaren deialdi berri bat irekiko da. Nazioartekotze-jardueretarako enpresen arteko lankidetza bultzatzea da programaren xedea. 1.000.000 euroko aurrekontua du programak, eta nazioartean duten posizionamendua hobetu nahi duten enpresa-lankidetzako elkarte eta taldeei zuzenduta dago.

Europako  Batzordeak  proposamen  bat  iragarri  du  beste  herrialde  batzuetatik  datorren  altzairuaren  muga-zergak  %50era  igotzeko  eta  haren  jatorriaren  trazabilitatea  indartzeko

Europako Batzordeak proposamen bat iragarri du beste herrialde batzuetatik datorren altzairuaren muga-zergak %50era igotzeko eta haren jatorriaren trazabilitatea indartzeko

Xedapen horiek Europako Parlamentuak eta Kontseiluak erregelamenduaren azken testua adostu ondoren aplikatuko dira, 2026ko ekainetik aurrera altzairuaren gaineko egungo babesa ordeztuko duena.

WOMEXen  Eskualde  Taldea  martxan  da  Euskadin,  nazioartekotzean  genero-berdintasuna  sustatzeko
09/10/2025 Berdintasuna

WOMEXen Eskualde Taldea martxan da Euskadin, nazioartekotzean genero-berdintasuna sustatzeko

Enpresa, erakunde, irakaskuntza eta elkarte arloko eragileak joan den astean bildu ziren Euskadiko Eskualde Taldearen lehen saioan, WOMEX - The role of women in the competitiveness of exporting SMEs proiektu europarraren esparruan.

Moves  III  eta  Emisio  Gutxiagoko  Ibilgailuak  programen  arrakastak  eskaera  betetzeko  laguntzak  zabaltzea  eskatzen  du
07/10/2025 Deskarbonizazioa

Moves III eta Emisio Gutxiagoko Ibilgailuak programen arrakastak eskaera betetzeko laguntzak zabaltzea eskatzen du

Eusko Jaurlaritzaren Emisio Gutxiagoko Ibilgailuak programak aurreikuspen guztiak gainditu ditu. Europa mailako programa aitzindaria da, garraioaren deskarbonizaziorako neutraltasun teknologikoan oinarritua.

Aclimak  ‘Decarbon  Hub’  abiarazi  du,  karbonoak  baliabide  gisa  duen  potentziala  balioan  jartzeko

Aclimak ‘Decarbon Hub’ abiarazi du, karbonoak baliabide gisa duen potentziala balioan jartzeko

Euskadiko ingurumen-industrien klusterrak ekonomia zirkularrean eta CO2-ak baliabide estrategiko gisa eskaintzen dituen aukeretan oinarritutako deskarbonizazioaren buru izateko jarrera hartu

KSP  Basque  P5G  Master  Plan  programak  Euskadiren  eta  Hego  Korearen  arteko  lankidetza  sendotu  du  berrikuntzan  eta  digitalizazioan
02/10/2025 Nazioartekotzea

KSP Basque P5G Master Plan programak Euskadiren eta Hego Korearen arteko lankidetza sendotu du berrikuntzan eta digitalizazioan

Proiektuaren helburua 5G sare pribatuen hedapenari buruzko ezagutzak eta esperientziak partekatzea izan da, euskal industrian aplikatzeko aukerak eta erronkak identifikatuz.

Joan blogera

Jarrai gaitzazu

Kanal espezializatuak eta eguneroko gaurkotasuna gure sareetan.