Dinycon, ibilgailuen eta pertsonen mugikortasun jasangarria hobetzeko soluzioak garatzen dituen Donostiako ingeniaritza
Dinycon Sistemas Donostiako ingeniaritza bat da, soluzio teknologikoetan eta hiri inguruneetako ezarpenean espezializatua. Haien zerbitzuek aukera ematen diete gidariei plaza libreak dituzten aparkalekuak ezagutzeko (lurpekoak eta kanpokoak), udalerri bateko hainbat eremutako pertsonen zirkulazioa ezagutzeko edo espazio publikoetako eta ekitaldietako edukiera kontrolatzeko. Adimen Artifizialak azken urte hauetan izandako aurrerapenak mugikortasun adimenduneko soluzioetan aplikatzearen bidez, haren zerbitzuen eskaintza hobetzen eta zabaltzen ari da Dinycon. SPRI Taldearen adimen artifizialeko programaren laguntza bat jaso du enpresak. AAn oinarritutako EAEko enpresen proiektuei laguntzea da programaren helburua. SPRI Taldeak haien proiektuak ezagutzera emateko aukera ematen die euskal enpresei, “Zutaz mintzo gara” egitasmoaren bidez.
2000an sortu zuen enpresa Roberto Garcíak, egungo CEOak, egitasmo pertsonal gisa. Kontrolaren eta automatizazioaren sektoretik zetorren. “Pertsonen eta ibilgailuen hiriko mugikortasunaren arloko proiektu bati ekiteko nahia nuen”, esan du Garcíak.
“Merkatuak mugikortasunaren inguruan eskain zitzakeen aukerak aztertu nituen, eta bakarrik hasi nintzen, mugikortasuna hobetu zezaketen soluzioak garatzeko”. Enpresak bi negozio ildo ditu, bata pertsonen mugikortasunari bideratua, eta bestea ibilgailuei.
“Pertsonen zenbaketak eta edukieraren kontrolak pertsonen fluxuen gaineko datu estatistikoak ematen dizkigute, bai barruko eremuetan, bai kanpokoetan. Gainera, esparru itxietako edukiera kontrolatu dezakegu, segurtasuna bermatzeko. Eta, orokorrean, esparru edo espazio horietako bisitarien jarreraren gaineko erabaki informatuak hartzeko aukera ematen digute datu horiek kudeatzaileei”.
Beste ildoa ibilgailuetan ardazten da. Hala, ibilgailuak zenbatzen eta sailkatzen dituzte, edo matrikulak irakurtzen dituzte. Era berean, aparkalekuen okupazioa kontrolatzen dute, erabiltzaileei plaza librerik dagoen jakinarazteko, informazio-panelen eta udal-webguneen bidez. “Hala, hiri batean libre dauden aparkalekuen berri izan dezakete gidariek, bai lurpeko aparkalekuetan, bai aire zabaleko eremuetan”.
Garapen propioa
Garapen propioa duen software-plataforma batean zentralizatzen da informazio guztia. Plataforma horrek diseinu modularra eta eskalagarria du, eta Dinycon Plataforma izena jarri diote. API bat dute beste plataforma batzuekin integratu ahal izateko, eta Business Intelligence geruza bat dute aginte-koadroak sortu ahal izateko.
Dinyconek informazio-bolumen handia kudeatzen du. “Datuen munduan sartu gara. Algoritmoekin eta adimen artifizialarekin, balio handiagoko datuak eskuratu daitezke, hala nola portaera-patroiak, joerak edo iragarpenak”.
Hori dela eta, I+G arloa da enpresaren zatirik garrantzitsuena, giltzarria baita mugikortasun-plataforma garatzeko. SPRI Taldearen laguntza eskertu dute: “Haziteken gisako programek aukera ematen dute zentro teknologikoekin lan egiteko eta soluzio prediktiboak garatzeko”.
Haien bezeroak, batez ere, administrazio publikoa (udalak, aldundiak edo kabildoak) edo sektore pribatuko xehekako enpresak, jatetxeak, hotelak, eraikuntza-enpresak, Biltzar Jauregiak eta garraio-enpresak dira. “Orokorrean, bere negozioa hobetzeko jende kopuruaren eta okupazio mailaren datuak ezagutu nahi dituen oro”.
Haren lanaren baitan, mugikortasunarekin lotutako hainbat soluzio eskaintzen dizkio Donostiako Udalari. Esaterako, hiriko aparkalekuen gaineko datuen zentralizazioa, eta udal-kiroldegien sare osoko igerileku eta gimnasioetako edukieraren kontrola; hala, okupazio mailaren arabera batera edo bestera joan erabaki dezake erabiltzaileak. “Datu horiei esker espazio horien kudeaketa hobetzen da, erabiltzaileen banaketa egokiagoa lortzen delako”.
Donostiako Sustapenak sustatutako SmartKalea proiektua ere nabarmendu du. Proiektu horren baitan, hiriko hainbat eremutako pertsonak, bizikletak eta turismoak zenbatzen dira. Datu horiek, gero, aukera ematen diote udalari hiriko dinamika hobeto ezagutzeko eta zerbitzu egokiak eskaintzeko, pertsona kopuruaren arabera.
Gaur egun 19 langile ditu Dinyconek, eta 1,5 milioi euroko fakturazioarekin itxi du 2023a. “Hazkunde-fase garrantzitsuan gaude, neurri handi batean administrazioek smartcityen garapenari emandako babesarengatik, indar handiz ari baikara arlo horretan sartzen. Maila nazionalean, proiektuak ditugu Tenerifen, A Coruñan, Benidormen, Mallorcan eta Katalunian. Duela bi urte delegazio bat ireki genuen Madrilen, eta handik nazioarteko eremua ere kudeatzen dugu”.
Latinoamerika eta Dubai
Latinoamerikako merkatuan ere badu presentzia enpresak, eta negozio-aukera berri bat garatzen ari dira Dubain, luxuzko bizitegi eremu batean sentsoreak jartzeko. “Garrantzi handiko proiektua da, eta duela urte batzuk Teherango (Iran) parking baterako egin genuen beste proiektu baten osagarria izango litzateke. Hala, gure marka finkatuko genuke Ekialde Hurbilean”. Gutxi gorabehera, negozioaren erdia dago une honetan Euskadin.
I+G sailean 6 pertsona daude (plantillaren % 35) horretan bakarrik lanean. Eta fakturazioaren % 20, ia 300.000 euro, ikerketara eta garapenera bideratzen dute.
Sentsore birtualak garatzeko eta oinezkoen pasabideetan abiadura hautemateko eta ibilgailuak zenbatzeko erabili dute SPRI Taldearen adimen artifizialeko programaren eskutik jasotako laguntza, segurtasuna handitzeko helburuz.
Etorkizuneko erronka nazioartekotzea da, tokiko kolaboratzaileen bidez Latinoamerikako eta Ekialde Hurbileko merkatuak indartuta. “18 enpresaz eta zentro teknologikoz osatutako partzuergo baten barruan, Horizon programaren baitako Europako proiektu bat irabazi dugu, Regeneration of Neighbourhoods (REGEN) izenekoa, eta hainbat hirik parte hartzen dute, hala nola Milanek, Dublinek, Luxenburgok eta Laredok”.
Gainera, datuen harpidetzan oinarritutako negozio-erdu bat aztertzen ari dira. “Orain, gure negozioaren zati handi bat ‘prest’ dauden proiektuetan oinarritzen da, eta gure asmoa datuen harpidetza-eredu baterantz joatea da. Horrek balio erantsia duen informazioa ematea ahalbidetuko liguke; era berean, egonkortasun handiagoa emango lioke negozioari”.
Lotutako albisteak
Euskadiko industria normaltasunez ari da, joan den asteleheneko itzalaldi orokorraren ostean
“Gure industria-sektorearen lana aitortu nahi dugu", aditzera eman du Mikel Jauregi, Eusko Jaurlaritzako Industria, Trantsizio Energetiko eta Jasangarritasuneko sailburua
Haizelur, nazioartekotzearen aldeko apustua egiten duen doitasun-mekanizazioaren arloko Debako ETEa
Enpresaren esportazioek SPRI Taldearen zibersegurtasuneko programaren dirulaguntza jaso dute eta negozioaren % 35era iritsi dira dagoeneko
Pradales Lehendakaria: “Gure Plan Industriala europar jarraibideekin lerrokatzen ari gara”
"Euskadi eragile garrantzitsua izan daitekeelako eta izan behar duelako prozesu horretan”
Euskadik bere automobilgintza sektoreko industria indartuko du errepideko garraioaren deskarbonizazio adimendunerako laguntza-programa berri batekin
Eusko Jaurlaritzak "Emisio Txikiagoko Ibilgailuak" laguntza-programa aurkeztu du Industriaren Defentsarako Taldearen baitan, euskal automobilgintzaren sektoreak egungo muga-zergen gerraren testuinguru globalean dituen erronkei erantzuteko
Euskadik bere aurrerapena sendotu du ingurumenaren babesean, airearen kalitatean eta isurketen murrizketan hobekuntza nabarmenak eginez, Ingurumen-koiunturari buruzko 2024ko txostenaren arabera
Euskadiko airearen kalitatea nabarmen hobetu da, zeren 2023ko egunen ia % 91k kalitate "ona" edo "oso ona" izan baitute
Euskadik Brasilgo itsas-sektore eolikoko erakunde nagusiak hartu ditu hango merkatuaren garapena bultzatzeko misioan
Flanders Investment & Trade eta Euskadiko Energia Klusterraren lankidetzaz antolatutakoa
Mikel Jauregi sailburuak eta PepsiCo-ko presidenteordeak enpresak Etxabarri-Ibiñako instalazioa “zero emisioko” munduko lehena izateko egin duen apustua aztertu dute
Elikagaien eta edarien multinazionalak Arabako Parke Teknologikoan instalatu du bere Hub Digital Globalaren zati bat, datuetan eta adimen artifizialean espezializatua.
Ekisolarrek bere negozioa deskarbonizaziorantz hedatu nahi du
Gasteizen kokatuta dagoen enpresak SPRI Taldearen BDIH Konexio programaren laguntza jaso du eta estalki industrialetan energia fotovoltaikoa eskaintzen du.
Euskadi agenda 2030 sariak 60 erakunde aintzatetsi ditu, garapen jasangarriaren helburuekin duten konpromisoagatik
SPRIk eta Euskadiko Parke Teknologikoak konpromiso-diploma lortu dute
E&M Combustion-ek Chileko meatzaritza deskarbonizatzen laguntzen du hidrogenoa erabiliz, Sprilur-en Bildosola Poligonotik
Euskal ingeniaritzak hidrogenoaren errekuntzako I+G proiektu pilotu hau garatu du Chileko Gobernuarentzat.