AAF: “Airearen kalitateak ere markatzen du edozein enpresaren produktibitatea”
Arabako Ali Gobeo industrialdean dago AAF International (American Air Filter) enpresaren egoitza. Airea iragazteko soluzioen munduko fabrikatzailerik handiena da, eta lau kontinentetako 22 herrialdetan ditu lantegiak. Industriarako airea iragazteko ekipoetan espezializatutako enpresa da, eta ekipo horiek barruko airearen kalitatea mantentzea eta neurtzea ahalbidetzen dute, Sonia Galdos enpresako Giza Baliabideen arduradunak SPRIri azaldu dionez.
AAF testuinguruan kokatzearren, nola definituko zenuke zure enpresa?
Gure enpresa sektore ekonomiko mota guztietarako aire garbia sortzeaz arduratzen da duela mende batetik. Begitaziodun enpresa bat gara. Izan ere, duela 100 urte erabaki genuen aire garbia ondasun preziatua dela, edozein sektore ekonomikotan funtsezkoa. Gaur egun, denok dakigu zeinen garrantzitsua den elementu kutsatzailerik gabeko airea arnastea, baina enpresa sortu zenean ez zegoen horrelako sentsibilizaziorik gaiaren gainean. Eta, hala ere, euren negozio bilakatzea erabaki zuten aitzindari batzuek.
Ehun urteko ibilbide profesionalarekin eta 50 urtez Gasteizen finkatuta, ba al dago urteurren hori azaltzen duen giltzarririk?
Ez dago sekreturik; maila pertsonalean eta profesionalean bikainak diren pertsonak biltzea, egiten dugunaren gainean fedea izatea eta gure misioarekin konprometituta sentitzea, besterik ez. Erraza da esaten eta ulertzen, baina agian ez da hain erraza praktikan hori lortzen. Baina guk zortea dugu, hori delako gure egunerokotasuneko errealitatea.
Zer produktu mota fabrikatzen dituzue Ali Gobeon?
Lehorrean eta bustian hautsa biltzen duten makinen diseinuan eta fabrikazioan espezializatuta gaude Arabako lantegian, baita errendimendu altuko iragazketa-bitartekoetan ere, edozein industriaren eta aplikazioren beharrak asetzeko.
Eta zein da ekipamendu horien amaierako erabiltzailea?
Fabrikazio-prozesuetarako airea iragaztea ezinbestekoa duen edozein industria: metalurgia, birziklapena, energia-sektorea, makina-fabrikatzaileak… Hainbat sektoretako enpresekin izandako esperientziari esker, airea iragazteko soluziorik onena aukeratzen lagundu ahal izateko ezagutza eskuratu dugu: enpresaren barruko airea hobetzeko; kanpoko kutsadura posiblea murrizteko; edo hauts erregaia manipulatzen denean sute-arriskua edo leherketa-arriskua arintzeko, ATEX soluzioekin. Eta kostuak aurrezteko ere bai, sortutako hautsa hondakina ez denean, barneko atmosferara isurtzen den produktuaren parte bat baizik; kasu horretan, bildutako produktua prozesura itzul dezakegu.
Barruko airearen kalitateak zer neurritan eragiten dio, esaterako, fabrika baten produktibitateari?
Airearen kalitateak inpaktu nabarmena du langileen eta prozesuen segurtasunean. Adibidez, AEBko Laneko Segurtasun eta Osasun Administrazioak onartu du enpresaren produktibitatea asko hazten dela airearen kalitatea egokia denean, eta langileek erosotasun, osasun eta ongizate sentsazioa izaten dutela.
Daikin Taldearen parte da AAF, eta haren bulego nagusiak Osakan daude (Japonia). Zenbateraino dira ezberdinak bi kulturak, japoniarra eta europarra, baldin eta ezberdinak badira?
Badaude ezberdintasunak, noski, baina agian uste duguna baino gutxiago. Japoniarrek lanaren eta esfortzuaren kultura handia dute, baina badakite ondo pasatzen, tokatzen denean, eta gure antzera dibertitzen dira. Egia da haientzat garrantzitsua dela enpresarekin identifikatzea. Hori dela eta, arraroa da norbait haren ibilbide profesionalean zehar enpresaz aldatzea. Baina enpresek ere estimatzen dute konpromiso hori, eta elkarrekikoa dela sentitzen dute.
Zer zentzutan?
Pertsonei eragin diezaiekeen edozein erabakiren gainean tentu handiz hausnartzen da. Daikinek ahalegin handia egiten du erakundearen parte diren pertsonak garatzeko. Izan ere, esaten den moduan, pertsona bat enpresara sartzen denean, pertsonak eta enpresak elkar aukeratu dutelako da. Hortaz, langileei eskatzen dien konpromiso eta leialtasun maila bera erakusten du enpresak, langileen garapen pertsonalaren eta profesionalaren alde eginez, langileek bertan egon nahi duten enpresa bat izan dadin eta enpresaren parte izateaz harro egon daitezen.
Lotutako albisteak
Bizitegi-jabeen komunitateetako instalazio elektriko zaharrak berritzeko inbertsioetarako laguntza-programa
EEEren programa Deskarboniza programaren parte da
Energia berriztagarrien bidez autokontsumorako energia elektrikoa sortzeko eta kontsumo termikoak elektrifikatzeko laguntza-programa
EEEren programa Deskarboniza programaren parte da
Deskarboniza 2025 plana aurkeztu da
Deskarboniza plana erakundeen arteko elkarlanean oinarritutako plana da, Eusko Jaurlaritzaren zenbait laguntza-programa eta foru-aldundien kenkari fiskalak biltzen dituena, Euskadiko industriaren deskarbonizazio adimenduna bultzatze aldera
Euskadiko industriaren ingurumen-hobekuntza bultzatzea, Deskarbonizazio Industrialerako Programaren bidez
20 milioi euro Euskadiko enpresen inbertsioei laguntzeko eta haien lehiakortasuna hobetzeko prozesuan laguntzeko, neutraltasun klimatikorako trantsizioan oinarritutako Europako eta mundu mailako testuinguruan.
Maiatzaren 8an ireki da euskal industriaren deskarbonizaziorako 22 milioi euroak eskuratzeko epea
SPRIk kudeatzen duen Eusko Jaurlaritzaren Industria, Trantsizio Energetikoa eta Jasangarritasuna Sailaren programaren bigarren edizioa da
Eusko Jaurlaritzak deskarbonizazio industriala bultzatuko du, pizgarri eta laguntzen bidez, eta hidrogeno berdearen hidroduktu bat egingo du Aiaraldea eskualderako
Imanol Pradales Lehendakariak Laudioko Vidrala enpresaren instalazio berriak bisitatu ditu gaur, eta bertan labe berria inauguratu du
Euskadiko industria normaltasunez ari da, joan den asteleheneko itzalaldi orokorraren ostean
“Gure industria-sektorearen lana aitortu nahi dugu", aditzera eman du Mikel Jauregi, Eusko Jaurlaritzako Industria, Trantsizio Energetiko eta Jasangarritasuneko sailburua
Haizelur, nazioartekotzearen aldeko apustua egiten duen doitasun-mekanizazioaren arloko Debako ETEa
Enpresaren esportazioek SPRI Taldearen zibersegurtasuneko programaren dirulaguntza jaso dute eta negozioaren % 35era iritsi dira dagoeneko
Pradales Lehendakaria: “Gure Plan Industriala europar jarraibideekin lerrokatzen ari gara”
"Euskadi eragile garrantzitsua izan daitekeelako eta izan behar duelako prozesu horretan”
Euskadik bere automobilgintza sektoreko industria indartuko du errepideko garraioaren deskarbonizazio adimendunerako laguntza-programa berri batekin
Eusko Jaurlaritzak "Emisio Txikiagoko Ibilgailuak" laguntza-programa aurkeztu du Industriaren Defentsarako Taldearen baitan, euskal automobilgintzaren sektoreak egungo muga-zergen gerraren testuinguru globalean dituen erronkei erantzuteko