Zaher Taldeak bere eraginkortasun operatiboa hobetzea du helburu eraldaketa digital nabarmen baten bidez
Zaher Tadea 2000. urtean sortutako enpresa da, Azkoitian (Gipuzkoa) kokatua eta galdaragintza eta mekanizazioan aritzen dena. 2.500 metro koadroko instalazioekin, konpainiak zerbitzu integrala eskaintzen du, soldatutako fabrikazio mekanikoa edo piezen akabera lana barne. 2023an fresatzeko makina berri bat integratu zuen, eta, horri esker, enpresak 8 metroraino handitu ahal izan du bere mekanizazio-ahalmena.
Gainera, mekanizazio-atalean bere programazio-saila propioa du. Batez ere automobilgintzaren eta makina-erremintaren sektoreetako tokiko bezeroekin lan egiten du bere 25 langileekin.
Duela gutxi, Zaher Taldeak nazioartekotze-prozesu bat hasi du Gipuzkoako Ganberaren laguntzarekin. “Prest gaude aukera berriak irekitzeko. Gure marka leku berrietara eramatearen aldeko apustua egiten dugu, gure presentzia eta lehiakortasuna indartzeko”, adierazi du Julián Zabarte enpresako gerenteak. Bezeroak euskaldunak diren arren, konpainiak maila globaleko proiektuetan jardun du haien eskutik.
Aldi berean, azken urteetan Julián Zabarteren hiru seme-alabak enpresan integratu dira, eta zuzendaritzaren erreleboan murgilduta dago konpainia. Izan ere, ekoizpen-prozesuetan digitalizazioa integratzea da etapa berri honen helburu nagusia. SPRI Taldearekin izandako lankidetzari esker, Industria Digitala programaren bidez, Zaher Taldeak nabarmen egin du aurrera eraldaketa teknologikoan, eta barne-prozesuetan eraginkortasun eta lehiakortasun handiagoa bermatu du. “Datu-base on bat sortzea funtsezkoa da gure etorkizunerako”, adierazi du kudeatzaileak.
Etorkizunari begira, konpainia etengabeko hobekuntzan eta hazkunde iraunkorrean zentratzen da. “Etapa berri honetan berrikuntzaren eta digitalizazioaren alde egindako apustuaren arabera, enpresak erreferente izaten jarraituko du galdaragintzaren eta mekanizazioaren sektorean”, aitortu du Julián Zabartek.
SPRI Taldearen helburuetako bat euskal enpresen eraldaketa digitala da. Besteak beste, Smart Industry, BDIH Konexio, Zibersegurtasun Industriala, Enpresa Digitala edo Inplantalariak laguntza-programen bidez bultzatzen du.
SPRI Taldeak aukera ematen die euskal enpresei haien jardueraren berri emateko bere informazio-kanaletan. Zure proiektua gure gaiekin lotuta badago (I+G+b, digitalizazioa, internazionalizazioa, ekintzailetza, berrikuntza…), Zutaz mintzo gara ekimenean parte har dezakezu.
Lotutako albisteak
Bianditz, esku-erremintak, doitasuneko piezak eta kautxuzko injekzio-moldeak fabrikatzen dituen 60 urteko enpresa
Irunen kokatuta dagoen konpainiak, azken urtean fakturazioa % 30 handitu duenak, SPRI Taldearen zibersegurtasun-programako laguntza jaso du
AVVI laguntzaile birtualak etxebizitzen salmenta eraberritu du, etxeak eraiki aurretik bisitatzeko aukera ematen baitu
Trivima enpresa donostiarrak soluzio berritzaile bat garatu du, salmenta epeak murriztu eta transformazioa areagotzen duen esperientzia interaktiboa ahalbidetzen duena.
Industria Digitaleko laguntzek zure negozioaren eraldaketa digitala lortzeko bidea irekiko dizute
Industria Digitala 2025 laguntza-programaren aurtengo edizioa martxoaren 18tik irekita, 7.5 milioi €-ko aurrekontuarekin. Euren negozioa digitalki eraldatu nahi duten enpresek urriaren 31era arte aurkez ditzakete euren eskaerak.
TECH friendly-k plangintza estrategikoa eta hiri-inguruneen eraldaketa digitala eta fisikoa uztartzen ditu
Bizkaiko enpresa hiriaren garapenean eta tokiko administrazio publikorako aholkularitza teknologikoan aritzen da.
Mª Teresa Linaza (Vicomtech): “Beharrezkoa da ekosistema logistikoa hobeto koordinatzea sektorearen deskarbonizazioari aurre egiteko”
Teknologia digitaletan espezializatutako ikerketa aplikatuko zentroak adimen artifizialean oinarritutako soluzioak garatzen ditu, ibilbideak optimizatzeko eta energia-eraginkortasuna hobetzeko.