Euskal enpresaren blog-a Zure enpresarentzat garrantzitsua den eguneroko informazioa

14 ekaina, 2018
Teleko Gaua: segurtasunaren garrantzia Sarean eta Saretik kanpo

Ekainaren 12an egin zen IKTei buruzko bi urtean behingo topaketa hori

Ekainaren 12an egin zen IKTei buruzko bi urtean behingo topaketa hori

 

“Segurtasunaren babesak badu alderdi tekniko bat, baina baita ere oso garrantzitsua den alderdi sozial bat, eta eragina du ez bakarrik mundu fisikoan, baita ere birtualean, dagoeneko ez baitago mugarik elkarren artean” azaldu zuen Teleko Gauean Álvaro Ubierna Alonsok, Euskal Herriko Telekomunikazio Ingeniaritzaren Elkarteko presidenteak. Elkarte horrek eta Euskal Herriko Telekomunikazio Ingeniarien Elkargoak elkarrekin antolatzen dute Teleko Gaua, helburutzat harturik IKTen inguruko joerak eta ezagutzak partekatzea gizartera irekirik dagoen ikuspegi batetik.

 

Segurtasuna sareetan, hirietan eta Zibersegurtasuna izan da Teleko Gauaren aurtengo leloa. Lehen hitzaldi blokean Interneteko segurtasuna landu zen hiritarren ikuspegitik abiatuta. Bloke horretan parte hartu zuten, besteak beste, Pedro García Aguado coach mediatikoak, Hermano Mayor eta Cazadores de trolls telebista saioengatik ezaguna denak; eta Enrique Serrano ingeniari informatikoak, Mundo Hacker enpresaren sortzaileak. Biak daude irabazi asmorik gabeko Stop Haters elkartean, zeina urte honen hasieran sortu baitzen ziberjazarpenari aurre egiteko.

 

Segurtasuna sarean eta kalean

 

Jazarpen eta ziberdelitu kasuekin izandako esperientzian oinarriturik, Pedro Garcíak hainbat adibide jarri zituen, esaterako, “arazoa ez dago Interneten edo sare sozialetan, baizik eta ematen diegun erabilpenean”. Bestalde, Enrique Serranok modu praktikoan erakutsi zuen nola sar daitekeen hacker bat gure ordenagailuan soilik nabigatzailearen luzapen bat erabiliz. “Hesi teknologikoek ez dute askorik balio, ez bagara jabetzen zertan ari garen gure sakelakoarekin edo ordenagailuarekin” esan zuen.

 

Hiriari buruzko ardatzean Laura Vozmedianok parte hartu zuen, UPV/EHUko Psikologia eta Kriminologiako irakasleak eta Crim-Ap taldeko ikerlariak. Hizlariak azaldu zuen hiriko segurtasunak lotura estua duela hirigintzarekin: “hiriaren diseinuek beldur sentsazioa sor dezakete ezer gertatu gabe ere; ongi aztertu behar da nola diseinatzen den hiria, delituetarako biderik ez emateko edo inseguritate sentsaziorik ez eragiteko. Bigarren hitzaldia Tomás del Hierrok eman zuen, Bilboko Udaleko Segurtasun zinegotziak. Bere mintzaldian hizpide hartu zuen Udaltzaingoan egiten ari direna, zeinak helburutzat hartu baitu datuak erabiltzen hastea prebentzio lana egiteko.

 

Basque Cybersecurity Centre

 

Teleko Gauaren azken zatia zibersegurtasunari buruzkoa izan zen. Asier Martínez Retenagak, Basque Cybersecurity Centre-ko CSIRT Services-eko arduradunak, zentro berriaren helburuak eta erronkak aurkeztu zituen. Zentro hori sortu da “erantzuna emateko Eusko Jaurlaritzak enpresetako, euskal ekosistema industrialeko eta oro har gizarteko zibersegurtasunarekin hartu duen konpromisoari”. CSIRT Services-eko buruak Basque Cybersecurity Centre-ren zeregina azaldu zuen: enpresei laguntzea eta jarduera ekonomikoa dinamizatzea hainbat zerbitzu eskainiz, besteak beste, aholkularitza, alertak, ahultasunen kudeaketa eta mehatxuak trukatzea nazioarteko beste CSIRT batzuekin.

 

Basque Cybersecurity Centre-n kontzientziazio lana ere egiten da, profesionalentzako gaikuntza prozesuak eta gizarte osoarentzako hitzaldi irekiak eskainiz. Bestalde, enpresei ematen zaien laguntzari dagokionez, Asier Martínezek bi proiektu azpimarratu zituen, Basque Cybersecurity Centre-k berriki bultzatu dituenak: zibersegurtasun industrialerako laguntza programa, SPRI Taldeak sustatua eta 600.000 euroko zuzkidura duena, eta Basque Digital Innovation Hub proiektua.

 

Zibersegurtasunari buruzko jardunaldiari buru emateko, Sermicro, Cisco, Nextel eta Fortinet enpresek garatutako konponbide teknologikoak aurkeztu ziren.

indumetal
Basque Industry 4.0 26 urria, 2020
Indumentalek aurrera pausoak eman ditu gailu elektriko eta elektronikoen birziklapen-sektorean robotak txertatzeko

Enpresak automatizatzeko prozesuak, batez ere lan-linearen amaierakoak, ohikoak dira Euskadin eta...Leer más

Basque Industry 4.0 23 urria, 2020
Langabezia % 10etik behera, BPGa % 40tik gora industrian eta zerbitzu aurreratuetan, eta I+G Europako batez bestekoan

Existitzen den produkzio-egitura indartzearen aldeko apustua egin du Tapiak eta hiru trantsizio...Leer más

Óscar Tejedor, director general Guardian Automotive
Basque Industry 4.0 22 urria, 2020
“Datozen hilabeteetan, merkatu berri batera iristeko gaitasuna emango digun kurbatzeko labe berri batean inbertituko dugu”

Guardian Automotivek 5 milioi euroko inbertsioa iragarri du hilabete honetan Laudion duen...Leer más

Basque Industry 4.0 20 urria, 2020
ERLO Group: “Teknologia ez da helburua, baizik eta zerbitzuak saltzen laguntzen digun bitartekoa”

  ERLO Group konpainia gipuzkoarra adibide argia da erakusteko nola, digitalizazioari eta...Leer más

Linkedin-a

Eguneroko informazioa, jarduera-sektoreka eta intereseko
hartzeko.

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?