Euskal enpresaren blog-a Zure enpresarentzat garrantzitsua den eguneroko informazioa

21 martxoa, 2018
Abian da berriro ere PlayStation Games Camp Bilbao

Main Loop eta Crevice estudioek PS4 kontsolarako garatuko dituzte beren jokoak

 

Main Loop eta Crevice estudioek PS4 kontsolarako garatuko dituzte beren jokoak

Lehen edizioaren ostean – non sortu baitziren Kaia Studios-en Dynasty Feud eta Coven Arts-en Inglorious jokoak-, aurten berriro jarri da abian estudio independenteei laguntzeko PlayStation Games Camp Bilbao programa. Sony Interactive Entertainment enpresak eta Bizkaiko Foru Aldundiak lortutako akordioari esker antolatzen da ekimen hori, zeinetan laguntza teknologikoa eta enpresa arlokoa ematen baitzaie parte-hartzaileei. PS Games Camp Bilbao ekimenak 10 hilabeteko iraupena du, eta aukeratutako lantaldeek lan-espazio bat izango dute hilabete horietarako BEAZen Design Kabi instalazioetan. Helburua da prozesuan zehar sortutako bideojokoak PlayStation 4 plataformarako merkaturatzea.

 

Main Loop eta Crevice izan dira bigarren ediziorako aukeratutako bi euskal estudio independenteak. Biak dira sortu berriak (2017an), eta beren lehen bideojokoa garatuko dute PS Games Camp ekitaldian. Main Loop estudioak Submersed proiektuan lan egingo du; beldurrezko joko bat da, eta erreskate zerbitzuetan lan egiten duen para-mediku bat du protagonistatzat. Abentura hasiko da pertsonaia hori itsasoko plataforma batera iristen denean laguntza-dei bati erantzunez, eta une horretan aurre egin beharko die hainbat gertakari harrigarriri.

 

Bestetik, Crevice estudioak Waves Out izeneko bideojokoa garatuko du datozen 10 hilabeteetan. Jokoaren protagonista Magnetin da, bere imana erabiliz bolak jaso behar dituen pertsonaia bat. Bideojokoak sortzeko Game Jam 2017 maratoian sortu ziren Crevice estudioko lantaldea eta Waves Out bideojokoaren ideia. 48 orduko lehen garapen haren ostean erabaki zuten proiektuari jarraipena ematea eta errealitate bihurtzea.

 

PS Games Camp estudio independenteei, ikasle taldeei eta bideojokoen garapenean aritzen diren enpresa gazteei zuzendutako ekimen bat da, eta sei egoitza dauzka Estatu osoan. Egitasmo horren helburua da laguntza ematea PS4 kontsolarako bideojoko izateko potentzial handia duten sorkuntza-proiektuei. Lantaldeek lan-espazio bat izango dute, baina baita ere PS4 garapen kit-ak eta BEAZen eta sektoreko profesionalen aholkularitza hainbat arlotarako (enpresa, teknologia, publishing-a), horrezaz gain, marketin kanpaina indartsua egingo zaie PlayStation enpresaren bitartekoetan.

 

Games Camp Bilbao ekimenaren lehen edizioan (2017) bi bideojoko garatu ziren: Kaia Studios-en Dynasty Feud, joan den abenduan merkaturatu zena; eta Inglorious, Coven Arts estudio bilbotarraren dungeon crawl motako jokoa.

 

Submersed Teaser

https://youtu.be/RmWJmgkGTw0

wake up! resumen CAS
Ekintzailetza 31 uztaila, 2020
Beste albiste batzuk ekintzaileentzat. Asteko laburpena. Uztailaren 27tik 31rako astea

Wake up!-ek Komunikabide eta Sareko Blog desberdinek argitaratutako albisteen hautaketa txiki bat...Leer más

kevo technologies
Oiartzungo KEVO Technologies enpresa teknologia proiektu onena izendatua izan da Bind 4.0-ren 4. edizioan

Kevo Technologies, Prozesuen Automatizazio robotikorako elkarrizketazko interfaze adimendunak...Leer más

ekinduz ehu upv
Ekintzailetza 29 uztaila, 2020
Marta Aparicio, Medikuntzako ikaslea, Ekinduz 2020 saria

121 ikaslek parte hartu dute UPV/EHUko 'ekintzailetzaren tribialaren' ezohiko edizio...Leer más

athletic club
Ekintzailetza 28 uztaila, 2020
Smart Solutions for Smart Destinations Challenge

Turismoko Mundu Erakundeak, Athletic Clubek eta Bizkaiko Foru Aldundiak startup-en lehiaketa...Leer más

wake up eus
Ekintzailetza 24 uztaila, 2020
Beste albiste batzuk ekintzaileentzat. Asteko laburpena. Uztailaren 20tik 24rako astea

Wake up!-ek Komunikabide eta Sareko Blog desberdinek argitaratutako albisteen hautaketa txiki bat...Leer más

Linkedin-a

Eguneroko informazioa, jarduera-sektoreka eta intereseko
hartzeko.

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?