Euskal enpresaren blog-a Zure enpresarentzat garrantzitsua den eguneroko informazioa

25 uztaila, 2018
Merkataritza elektronikoa hazi egin da Europan, baina desberdintasun handiak daude eskualdetik eskualdera

 

B2C %13 haziko da 2018an, 602.000 milioi eurora iristeraino

Onlineko txikizkako salmenta-bolumena %11 (534.000 milioi euro) hazi zen Europan 2017an. Duela urte batzuk hasitako goranzko joera horrek berdin jarraituko du 2018an, zeren, aurreikuspenen arabera, hazkundea %13koa izango baita, nahiz eta ez den izango hazkunde orekatua Europako herrialde guztietan.

 

Ecommerce Europe eta EuroCommerce erakundeek uztailean argitaratutako European B2C Ecommerce Report 2018 txostenak dio onlineko salmentan alde handiak daudela eskualdetik eskualdera. Merkatu handiena Europa mendebaldekoa da, non Britainia Handia baita buru, Frantzia eta Alemania dituelarik atzetik. Europako zonalde horrek salmenta guztien %68 ordezkatzen du. Atzerago daude Europa hegoaldeko herrialdeak, zeintzuek salmenten %12a ordezkatzen baitute, gero datoz Europa ekialdekoak %8arekin eta, azkenik, ekialdeko herrialdeak %6arekin.

 

Desberdintasun horiek hainbat arrazoiri sor zaizkie: Interneten sarpen-maila, azpiegitura aurreratuak eta hiritarrek onlineko merkatuan duten konfiantza-maila. Logistikak ere badu garrantzia, izan ere, kontsumitzaileek bi arazo handi azpimarratzen dituzte Internetez erosten dutenean: entrega denborak eta akats teknikoak. Zentzu horretan, Alemania, Luxenburgo, Holanda eta Suedia dira logistikako bikaintasun-maila handiena duten herrialdeak.

 

European B2C Ecommerce Report 2018 txostenak dio Britainia Handiko, Holandako eta Suediako merkatuak helduak direla, baina badirela Europako beste eskualde batzuk etorkizuneko aukera handiak eskaintzen dituztenak kontsumitzaileen oinarria zabaltzeko. Europa ekialdea da onlineko salmenta arloan hazkunde azkarrena izaten ari dena, adibidez, Errumaniak %37ko hazkundea izan du azken urtean bakarrik. Azkenik, txostenak dio 2017an kontsumitzaileen %38k online erosi zuela bere mugetatik harago, horien erdiak beren herrialdean finkatutako saltzaileen bitartez.

induistria digitala
Enpresa digitala 18 ekaina, 2020
Industria Digitala programak 279 digitalizazio-proiektu lagundu ditu 2,36 milioi eurorekin

    Telelana ezartzeko proiektuak eta 4.0 industriako teknologia bideratzaileekin...Leer más

Enpresa digitala 27 maiatza, 2020
Euskadi EBko liderra da eraldaketa digitalean

  Telefónica Fundazioak Espainiako Gizarte Digitalari buruz eginiko txostenak erakusten du...Leer más

Enpresa digitala 13 maiatza, 2020
Enpresa Digitala ekitaldien agenda. Ekitaldien formatu berria

Onlineko formatua zuzeneko streaming interaktiboarekin.  Nola ez dakigun noiz antolatu ahal...Leer más

Enpresa digitala 19 martxoa, 2020
Eusko Jaurlaritzak telelana autonomoetan eta ETEetan berehala ezartzeko eta aholkularitza emateko zerbitzua jarri du abian

COVID-19 sortzen ari den egoera eta agintari eskudunek hartutako neurriak ikusita, Eusko...Leer más

Linkedin-a

Eguneroko informazioa, jarduera-sektoreka eta intereseko
hartzeko.

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?