Filtros X
Tipos de Posts
Agenda

Joan blog-era Euskal enpresaren blog-a

Zure enpresarentzat garrantzitsua den eguneroko informazioa

Elkarrizketak 7 urtarrila, 2021 Digitalizazioa Ekintzailetza Industria adimenduna Smart Industry Programa Start up UP Euskadi

Linube: “Gure erronka gero eta enpresa gehiago hodeira eramatea da”

Konpainia bilbotarra 'cloud computing' zerbitzuak eskaintzen espezializatuta dago
Jonathan López, gerente de Linub
Jonathan López, Linubeko kudeatzailea

Estatistikako Institutu Nazionalaren txosten baten arabera, 10 langile edo gehiago dituzten Estatuko konpainien % 70ek ‘cloud computing’ arekin lotutako irtenbideak erosi dituzte. Barneko txatak bezalako aplikazio sinpleetatik hasi eta datu-bolumen handien analisi-prozesuei aurre egiteko soluzio osoetaraino. Linube duela 11 urtetatik mota horretako irtenbideetan espezializatutako konpainia bizkaitarra da, eta dozena bat langile ditu. Gaur egungo testuinguruan hodeiko zerbitzu mota horiek are garrantzitsuagoak dira, telelana nagusitu baita. ‘Cloud computing ‘aren erronken inguruan hitz egingo dugu Jonathan Lopez Linubeko kudeatzailearekin.

Zertan aritzen da Linube?

‘Cloud computing ‘ean espezializatuta gaude, baina gure balio erantsia euskarria da. Hoberen egiten duguna enpresei Interneteko zerbitzuen alorrean dituzten beharretan laguntzea da, baita sarean presentzia izaten, Interneten saltzen edo beste prozesu konplexu batzuetan ere. Sistemen administratzaileak gara, guk ditugun plataformenak edo Amazon Aws, Google Cloud edo Microsoft Azure bezalako beste batzuetakoak.

Zer irtenbide mota eskaintzen dituzte?

Hainbat proiektutan eta komunikazioen atalean egon gara, azken gailuak diren horietan, hodeian euskarria emanez. Funtsean, datu-baseak eta web-aplikazioak biltegiratzen ditugu, gero informazioa biltegiratzen den gailu horiekin komunikatu ahal izateko. Horri esker, bezeroek edo hornitzaileek “big data” deitzen den horretan ustiatzen dute, eta gutxitan da “big”, informazio-bolumena ez baita hain handia.

Hodeian biltegiratzeaz ari garenean, bi alderdi garrantzitsu daude. Lehenengoa biltegiratzea bera da, eta, gero, informazio hori denbora egokietan tratatu ahal izatea irtenbide bat emateko. Milioika erregistro prozesatu behar baditugu eta txosten baten emaitza lortzeko 30 minutu behar baditugu, agian informazio horrek ez dizu ezertarako balioko. Bestalde, segurtasunaren alderdia dugu, sarritan kritikoa dena, informazioa ibilgailuetan instalatutako gailuetatik datorrelako, edo baita aldagai edo sute-txosten desberdinak monitorizatzen ari diren sentsoreetatik ere, eta horiek kritikoak izan daitezke.

‘Cloud’ zerbitzuei buruz hitz egitean, segurtasuna eta eskuragarritasuna bezalako kontuetara jo ohi da, horiek baitira errezelo gehien sortzen duten elementuak. Ados zaude iritzi horrekin?

Konfiantza transmititzea izan ohi da mundu digitalean ez dagoen CEO batekin hitz egiten dugunean hautsi behar den lehen oztopoa. Nire negozioari buruzko informazio guztia enpresatik kanpo ematen ari naizela pentsatzea, nire zerbitzarietatik edo fabrikatik ateraz. Arduradunak galdetzen du: “Zer da hodei hori? Nork eskuratu ahal izango du informazio hori? Non dago hodei hori?”… eta, askotan, lehenengo eta behin erabiltzailea konbentzitu behar da, eta gero erakutsi segurtasun-neurri guztiak dituzula. Gure kasuan, AENORen ISO 27001 daukagu, urtero ikuskatzen gaituena eta ahalegin izugarria suposatzen diguna, baina gerenteen konfiantzarekin saritua ikusten dugu.

Esan duzu plataforma propioetan oinarritutako zerbitzuak eskaintzen dituzuela, baita Amazon, Google edo Microsoft konpainienak ere. Zergatik kontratatu beharko lituzke enpresa batek zerbitzu horiek Linuberekin eta ez zuzenean enpresa handi horietako batekin?

Guk ezagutza tekniko bat ematen dugu, enpresa batek normalean ez duena. Guztiek ezin dute sistema-administratzaile talde bat eduki. Hirugarren baten teknologiarekin edo teknologia propioarekin irtenbidea ematen dien bitartekari hori bezalakoa gara.

“Cloud” zerbitzu bat kontratatzearen lehen abantailetako bat arazo bat kanporatzea da. Egia da inbertsio bihurtzen dela, baina aditu-talde baten parte izatera pasatzen den arazo baten inguruan ez kezkatzea suposatzen du. Enpresek, batzuetan, norbait izan dezakete sail teknikoan, baina zerbitzuak eskuragarri izateko langileak behar dira asteko zazpi egunetan 24 orduz, eta mundu guztia ez dago prest 24/7 zerbitzua emateko. Guk egin dezakegu.

Eta gero hardwareak daude, enpresa bateko edozein aktibok bezala, bizpahiru urtetan ez du potentzia edo gaitasun bera. Zaharkituta geratzen da, eta segurtasun-mantentze etengabeak eta bertsioen eguneratzeak eskatzen ditu. Horretarako, giza orduak behar dira, gastu bat ere badakarte, eta nolabaiteko hurbiltasuna eskatzen dute.

Enpresak eta, oro har, ETEak kontzientziatuta daude “cloud” zerbitzuek ekar ditzaketen abantailei buruz?

Hasieran garestia iruditzen zaie: inbertsioa baino gastu bat gehiago. Gainera, hodeiko zerbitzuekin lotutako prozesu horrek giza taldea aldatzea dakar, eta aldaketa hori teknologia berrietara eta lan egiteko modu berrietara egokitu behar da, eta hileko gastutzat jotzen dute, inbertsiotzat ikusi beharrean. Askok nahiago dute ‘hardwarea’ euren lantegiaren jabetzan izaten jarraitzea eta euren modeloarekin geratzen dira. Hori guztia, lehen aipatu duguna ahaztu gabe, informazio horrekin zer gertatzen denarekiko fidagaiztasun hori.

Zein da Euskadiko egoera? Hainbeste errezelo al dago euskal enpresen artean?

Guk Estatu osoan saltzen dugu, eta konparatzen badugu Euskadin punta-puntako erkidegoa gara ‘cloud computing’ -arekin zerikusia duenari dagokionez. Autonomia-erkidegoei dagokienez, lehenak, bigarrenak edo hirugarrenak geundeke. Beti dago jarduera ekonomikoa, inbertsioa dago eta erakundeek ekintzak eta inbertsioak sustatzen dituzte. Beste erkidego batzuetan ikusten zailak diren urratsak ematen dira hemen.

Zer suposatu du zuentzat COVID-19aren pandemiak eta nola ikusten duzu etorkizuna?

2020 inork imajinatu ezin zuen urtea izan da. Bizirik iraun dugu eta hazkunde-digituekin jarraitzen dugu. Inoiz baino sendoago gaude. Gure erronkak hazten jarraitzea, ‘Cloud’ ean espezializatzen jarraitzea eta gero eta enpresa gehiago hodeira eramatea lirateke.

Lotutako albisteak

Ion Etxeberria_Ikerlan_IndeusElkarrizketak 25 Marzo, 2024 Berrikuntza
“Euskararen aldeko apostua ez da bakarrik emozionala, praktikoa ere bada, enpresari balioa ematen diona” Ion Etxeberria, IKERLAN
Irakurri gehiago
15 otsaila, 2024 Digitalizazioa
Infoboxek kongresu perfektua eskaintzen du, klik bakarrean
Irakurri gehiago
12 otsaila, 2024 Digitalizazioa
Chubby Apps: “App bat errentagarria izan dadin, produktua, marketina eta negozio-eredua bildu behar ditu”
Irakurri gehiago
5 otsaila, 2024 Digitalizazioa
Edurobotic: “Ikasleentzako robotikako eta programazioko jarduerek hezkuntza-eremua eta aisialdia lotzen dituzte”
Irakurri gehiago
1 otsaila, 2024 Digitalizazioa
Campus To Business (C2B): “Sektore teknologikoan talentuaren defizit izugarria dagoen ingurune batean gaude”
Irakurri gehiago
Joan blog-era

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?
// Kanal espezializatuak

Jarrai iezaguzu. Kanal espezializatuak
eta eguneroko berriak