Filtros X
Tipos de Posts
Agenda

Joan blog-era Euskal enpresaren blog-a

Zure enpresarentzat garrantzitsua den eguneroko informazioa

Albisteak 17 otsaila, 2021 Digitalizazioa EIKTak

LinkedChain, hezkuntza titulu eta ziurtagiri digitalak igortzeko plataforma

Mondragon Korporazioko bost kooperatibak blockchain teknologia erabiltzen duen plataforma bat sortu dute dokumentu digitalak emateko, haien benetakotasuna eta segurtasuna bermatuz
LinkedChain

Mondragon Korporazioko bost kooperatiba elkarlanean aritu dira blockchain teknologiari esker hezkuntza-tituluak eta ziurtagiriak modu digitalean aitortzeko, eta dokumentu horien benetakotasuna bermatzea ahalbidetzen duen plataforma bat garatzeko. Bi urteko lanaren ondoren, Arizmendi Ikastolak, Alecopek, LKSk, Ikerlanek eta Iseak LinkedChain plataforma amaitu dute 2020. urtearen amaieran.

Sistemaren bidez, gaur egun ziurtagiriek eta tituluek dituzten mugak konpondu nahi dira; izan ere, “Paperezkoak izaten jarraitzen dute, faltsifikatzeko errazak, administrazioko profesionalentzat kudeatzeko nekagarriak eta, gainera, egungo testuinguruan ez dira erabilgarriak; izan ere, enpleguaren kudeaketa, bekak eta horrelako operazio gehienak online-hodeiko atarien bidez egiten dira”, azaldu dute lantaldetik.

Blockchain teknologia aplikatzeari esker, plataforma horrek hezkuntza- eta lan-sektorea digitalki eraldatzeko aukera ematen du, prozesu automatizatuagoa, eraginkorragoa eta seguruagoa lortzeko bidean; azken batean, ikasle- eta lan-bizitza osoan egindako jardueretatik eta ikastaroetatik eratorritako ziurtagiri eta titulu guztiak digitalizatzeko aukera ematen du, baina, batez ere, “faltsutzeko zailak eta egiaztatzeko errazak diren dokumentuak sortzeko aukera ematen du. Horrek langileen administrazio-lana asko errazten du eta enplegu-atarietako informazioari egiazkotasuna ematen dio”, argitu dute.

Balio erantsia emateko bigarren fasea

Proiektuaren lehen fasea bi urtetan garatu da, 2018tik 2020. urtearen amaierara arte. Lehen atal honi amaiera eman diote parte hartzen duten enpresetan plataformaren softwarearen proba pilotu batekin. Etapa honen emaitzen zain, dagoeneko bigarren fase bat aurreikusten da, non plataformari balio erantsiko hainbat zerbitzu gehitzea planteatzen den. “Blockchain teknologiak sektorearen digitalizazio optimoa lortzeko ematen dizkigun aukerak aprobetxatu nahi ditugu, titulu akademikoen egiaztapenetik haratago joateko eta iruzurrak saihesteko”, gaineratu dute lantaldetik.

Proiektuari balio erantsiko zerbitzu berriak emateko hurrengo urrats gisa, LinkedIn bezalako sare sozialekin integratzea planteatzen da, identitate-egiaztatze, integrazio eta egiaztapen automatikoko sistemak erabiltzea enpresentzat eta curriculumentzat. “Horrela, Linkedchain erreferentziazko plataforma bihurtzea da asmoa, mota guztietako ziurtagiri akademikoak balioztatzeko, egiaztatzeko eta sortzeko”, adierazi du Aitor Urbietak, Ikerlaneko plataforma digitaletako zibersegurtasun taldeko arduradunak.

Proiektua ez da bi fase horiekin amaitzen; plataforma ziurtagiriekin eta tituluekin lan egiten den ahalik eta esparru gehienetara zabaltzea planteatzen da, dokumentu-iruzurrak desagertzeko joera izan dezan. Urbietak azaldu duenez, “orain arte, proba pilotua arrakastatsua izan da. Proiektuan parte hartzen duten erakundeek beren proba-ziurtagiriak sortu dituzte Ropsten Ethereum proba-sarean, beren txantiloi propioekin eta Ethereum sarearen barruan egiaztatutako guztiarekin. Horrek lagundu egiten du, neurri handi batean, ziurtagiriak sortzeko paper-kontsumoa murrizten, dokumentu-iruzur akademikoa saihesten, ziurtagiriak egiaztatzen, ziurtagiriak hainbat erakunderen artean partekatzen, beste ikastaro batzuetara sartzeko izapideak murrizten eta azken erabiltzaileek, nahiz horiek kudeatzen dituzten erakundeek, ziurtagiriak gal ez ditzaten “.

SPRI Taldearen helburuetako bat euskal enpresak digitalizatzea da, big data, machine learning, adimen artifiziala eta marketing digitala bezalako tresnak, zerbitzuekin, laguntzekin eta hemen zehazten diren aktiboekin sustatuz.

Lotutako albisteak

27 Marzo, 2024 Digitalizazioa
BAICek Euskadiko Adimen Artifizial Aplikatuaren lehen kongresua antolatu du maiatzean
Irakurri gehiago
26 Marzo, 2024 Digitalizazioa
Sitab, digitalizazioarekin arrakasta lortu duen barne-espazioen fabrika
Irakurri gehiago
25 Marzo, 2024 Digitalizazioa
Branka, tripulaziorik gabe eta urruneko kontrolarekin funtzionatzen duten itsasontziak fabrikatzen dituen Orioko ingeniaritza
Irakurri gehiago
25 Marzo, 2024 Digitalizazioa
4GUNEk eta BRTAk bat egin dute Euskadiko enpresetan eraldaketa digitala sustatzeko prestakuntza-programa eskaintzeko
Irakurri gehiago
21 Marzo, 2024 Digitalizazioa
Adimen artifizialak errazten duen berrikuntza autonomoa, Innobasqueren 2024ko prospektiba txostenaren ardatz
Irakurri gehiago
Joan blog-era

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?
// Kanal espezializatuak

Jarrai iezaguzu. Kanal espezializatuak
eta eguneroko berriak