Legaltech sektoreak eskaintzen dituen etorkizuneko aukerak

SPRI Taldeak kongresu bat antolatu du horrelako zerbitzuen potentziala aztertzeko

Legaltech sektorea bere bidea egiten ari da gure inguruan. Oraintsu arte ezezaguna zen kontzeptu horrek elkarrekin batzen ditu teknologia digitalak eta mundu juridikoa. Digitalizazioa, datuen analisia eta prozesuen automatizazioa aukera berriak sortzen ari dira lege-zerbitzuen sektorean, zeinak espazio zabala baitauka berrikuntzarako.

Abokatu-bulegoen kasuan, Legaltech bidez zerbitzu digitalak sortu daitezke tramiteak automatizatzeko eta zereginak modu eraginkorragoan egiteko, aukera dutelarik orain arte eskuz egiten ziren lanak delegatzeko. Bestalde, bezeroentzat, bada software bat, zerbitzu juridikoetara hain sarri joan beharrik ez izateko eta tramite guztiak online egiteko, denbora eta kostuak murriztuz.

SPRI Taldeak, Garaia Enpresa Digitalaren bitartez, Legaltech kongresuaren bigarren edizioa antolatu du maiatzaren 18rako. Topaketa Hernanin izango da eta hizpide hartuko dituzte Legaltech sektorearen egungo egoera eta eskaintzen dituen etorkizuneko aukerak. Jardunaldia ez zaie soilik zuzentzen mundu juridikoko aholkulari, bulego eta enpresei, baita ere sektore berri honek eskaintzen dituen aukerekin interesatuta dauden sektore teknologikoko startup eta profesionalei.

Kongresuan esparru desberdinetatik aztertuko dira Legaltech sektoreak dakartzan erronkak. Egitarauan hiru gai landuko dira: Legaltech-ek azken urtean izandako bilakaera, Zuzenbide fakultateek joera berri honen barruan duten papera eta marketplace juridikoak. Legaltech elkarteetako, enpresa teknologiko espezializatuetako eta akademiaren munduko hamar hizlarik parte hartuko dute jardunaldian. Legaltech kongresuaren bigarren edizioa Hernaniko Orona-Ideo espazioan izango da, eta izen-ematea dohainik da SPRI Taldearen web orrian.

Lotutako albisteak

6 maiatza, 2024 Berrikuntza

SPRI Taldeak ADR Foroaren bileran parte hartu du Ceutan

Irakurri gehiago

18 apirila, 2024 Berrikuntza

Ikasplay, Gipuzkoako enpresa aitzindaria prestakuntza-esperientzia murgiltzaile eta elkarreragileak sortzen

Irakurri gehiago

16 apirila, 2024 Berrikuntza

Genero-berdintasunik handiena duten enpresek berrikuntza maila handiagoa izaten dute eta lehiakorragoak dira

Irakurri gehiago

15 apirila, 2024 Berrikuntza

Arreguik erantzun egiten dio eraikinetako behar berriari, etxean egon gabe paketeak jasotzeari

Irakurri gehiago

11 apirila, 2024 Berrikuntza

B Corp izatea, enpresen indarra mundua aldatzeko erabiltzea da

Irakurri gehiago

Joan blog-era