Euskal enpresaren blog-a Zure enpresarentzat garrantzitsua den eguneroko informazioa

10 otsaila, 2021
Lau Intelligent enpresak laguntzen ditu datuen azterketa aurreratuaren bidez haien lehiakortasuna hobetzeko

Insertec eta Xabet euskal enpresek digitalizazio arloan laguntzen duen soluzio berri bat garatu dute, erabaki zuzenak hartzen dituena eta negozio-eraginkortasun handiena sortzen duena
Lau Intelligent
Oscar Iribarren, Oihana Mendizabal, Javier Larrañaga, Javier Zarraoinaindia eta Iñigo Ugarte

Gaur egungo testuinguru globalizatuan, eraginkortasuna eta etengabeko hobekuntza funtsezko faktoreak dira enpresen lehiakortasunean, eta eraldaketa digitala hori lortzeko oinarrizko tresna da. Hori jakinda, Insertec eta Xabet euskal enpresek elkarrekin garatu dute Lau Intelligent, industrien eraldaketa digitalerako soluzio berri bat, datuen azterketa aurreratuaren bidez eta haien lehiakortasuna hobetzeko helburuarekin.

Soluzio honek enpresei digitalizazio-arloan laguntzea du helburu. Hala, ekoizpen-prozesua kontrolatzeko aukera ematen die, premien ikuspegi osoa denbora errealean izatea errazten baitu, eta, horrela, giza baliabideak, ekipoak eta materialak antolatu ahal izateko. Kalitatearen kudeaketaren bidez, akats potentzial guztiak modu prediktiboan identifikatu eta konpontzeko aukera ematen die, eta horrek hornikuntza-katean denbora etenak ekiditen ditu. Horrez gain, Lau Intelligent Systemek matxurak eta anomaliak garaiz detektatzen laguntzen die, jarduerarik ezaren denbora eta ekoizpenean duten eragina mugatzen ditu, eta stocken kudeaketak konpainien errendimendu globala hobetzen du. Azkenik, erabakiak denbora errealean hartzeko aukera ematen du.

“Lau ez da beste kudeaketa-software bat. Gure ezagutzatik sortzen da, eta ekoizpen-prozesuaren benetako ezaugarrien arabera eratu da. Ez da tresna bat, aktibo digital bat baizik “, adierazi du Oscar Iribarrenek, Insertec-eko labe Industrialen Dibisioko zuzendari komertzialak. Talde hori industria-planten, ekipo termikoen eta soluzio erregogorren ingeniaritzan eta instalazioan aritzen da Bizkaian, eta 400 langile baino gehiago ditu, Europako, Asiako eta Amerikako 8 herrialdetan.

Soluzio berri honek enpresaren funtsezko informazioa biltzen du, prozesatu egiten du, ulergarri egiten du eta une bakoitzean erabaki zuzenak hartzen laguntzen du, negoziorako ahalik eta eraginkortasun handiena lortuz. “Lauren punturik azpimarragarriena bezeroaren negozioaren benetako beharretatik abiatzen dela da, bere arazoetara egokitutako eta dimentsionatutako plataforma bat eskainiz. Horrela, emaitza-kontuan inpaktua bermatzen du”, adierazi du Oihana Mendizabalek, proiektu honen arduradun eta Xabeten operazio-zuzendaria. Xabetek oinarri teknologikoko eta esperientzia industrial handiko enpresa gipuzkoarra da, eta bezeroei eraldaketa digitalaren bidean laguntzen die, soluzio digital orientatuak definituz, diseinatuz, garatuz eta inplementatuz.

Lehiakor izaten jarraitu

Soluzioa modu birtualean aurkeztu zen eta nazioarteko 250 bezero baino gehiago izan ziren bertan. Gainera, ekitaldian Eusko Jaurlaritzako Industriako sailburuorde Javier Zarraonaindiak eta Gipuzkoako Foru Aldundiko Ekonomia Sustatzeko diputatu Javier Larrañagak hartu zuten parte, Eusko Jaurlaritzak eta Aldundiak bultzatutako garapen digitaleko politikekin bat datorren proiektua baita, euskal industria-sektore tradizionala indartzeko eta modernizatzeko helburuarekin.

“Datuak kudeatzeko zerbitzu berri horiek funtsezkoak izango dira Euskadiko enpresak lehiakorrak izaten jarraitzeko eta atzean ez geratzeko. Legealdi honetan industria eta zerbitzu aurreratuak gure BPGren % 40 izatera iristea dugu helburu, eta horrelako ekimenekin aurrerapausoak ematen ditugu “, adierazi du Javier Zarraonaindia Eusko Jaurlaritzako Industria sailburuordeak.

SPRI Taldearen helburuetako bat euskal enpresak digitalizatzea da, big data, machine learning, adimen artifiziala eta marketing digitala bezalako tresnak, zerbitzuekin, laguntzekin eta hemen zehazten diren aktiboekin sustatuz.

Enkoa
IKTak 8 Marzo, 2021
Enkoak geoposizionamendu-sistemak eta osasun-kontrol sistemak garatu ditu doitasun-abeltzaintzako sektorerako

1998tik, Enkoa enpresa gipuzkoarrak sistema elektronikoak garatzen ditu hospitality sektorerako....Leer más

Educa Reality
IKTak 5 Marzo, 2021
Educa Reality-k urruneko eskolen sistema bat garatu du Haur Hezkuntzako ikasleak “beren gelan baleude bezala” ikasteko

Pandemiaren ondorioak ia sektore guztietan nabaritu dira. Horien artean, kaltetuenetako bat...Leer más

IKTak 3 Marzo, 2021
Sentsore adimendun batek irabazi du ingeniaritzako Bizintek sarien laugarren edizioa

  Bizintek euskal ingeniaritzak aukeratu ditu Bizintek sariketako laugarren edizioko...Leer más

IKTak 26 otsaila, 2021
Euskadiko enpresa txiki eta ertainentzako Eusko Jaurlaritzaren laguntzen plana

Eusko Jaurlaritzako Ekonomi Garapen, Jasangarritasun eta Ingurumen Sailak 68 laguntza programa...Leer más

Linkedin-a

Eguneroko informazioa, jarduera-sektoreka eta intereseko
hartzeko.

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?