Kwido-k estimulazio kognitiboko onlineko plataforma bat abiarazi du

Aplikazioak narriadura kognitiboa prebenitzen du ariketa eta jolasen bidez

Ideable Solutions enpresak garatutako Kwido programaren helburua da pertsona nagusien osasuna hobetzea garuna estimulatzeko entrenamenduen bitartez. Bizkaiko enpresa horrek Kwido Mementia plataforma abiarazi du orain. Onlineko espazio ireki bat da zaintzako profesionalei, erabiltzaile partikularrei nahiz familiei zuzendua dagoena.

Aplikazio berriak oinarritzat hartzen ditu Kwido programak pertsona nagusien zaintzarako teknologiei buruz metatutako ezagutza eta Cognitiva zentroetako Memoria Unitateetan errehabilitazio neuro-kognitiboan pilatutako esperientzia. Emaitza da programa bat, Android sistema eragilea duen aplikazio mugikor baten bidez edo web orriaren bidez erabil daitekeena, eta programa pertsonalizatuak eskaintzen dituena erabiltzaile bakoitzaren profilaren arabera.

Kwido Mementia plataformak ariketa-plan ludikoak eskaintzen ditu memoria, kalkulua, arreta eta, besteak beste, orientazioa lantzeko. Plataforma horrek bi programa mota dauzka: bata, beraizik zuzentzen zaie egoitza, eguneko zentro edo sektoreko profesionalei eta, bestea, berriz, programa etxetik eta autonomoki erabili nahi duten erabiltzaileei. Ariketen helburua da adinarekin lotutako memoria-galeraren ondorioak eta narriadura kognitibo arin eta ertaina prebenitu edo arintzea.

Kwido programa pertsona nagusien arreta sozio-sanitariorako zentroetan erabiltzen da Espainian, Frantzian, Italian, Austrian, Erresuma Batuan eta Errumanian. Erabili da baita ere ikerketa zientifiko batean, neurtzeko zenbateraino den eraginkorra entrenamendu konputarizatua funtzio kognitiboak hobetzeko. SSI Taldeko I+G+B Unitateko arduradun Itziar Álvarezek egin zuen ikerketa hori 2018an. Journal of Aging Research nazioarteko aldizkari zientifikoan argitaratu ziren emaitzak, zeintzuek berretsi baitzuten tresna hori onuragarria dela funtzio kognitiboak hobetzeko.

Lotutako albisteak

18 apirila, 2024 Digitalizazioa

Hobycasa, aurrez fabrikatutako egurrezko etxeen arloan liderra den Gasteizko enpresa

Irakurri gehiago

12 apirila, 2024 Digitalizazioa

Lau ekintzailek plataforma bat sortu dute 4.0. Industriako proiektuak online kudeatzeko

Irakurri gehiago

12 apirila, 2024 Digitalizazioa

ScrapAdek hondakinen salerosketa-prozesua errazten die mundu osoko enpresei

Irakurri gehiago

5 apirila, 2024 Digitalizazioa

Zure enpresa industria adimendun bilakatzen laguntzen dizu Smart Industry programak

Irakurri gehiago

5 apirila, 2024 Digitalizazioa

Egin ezazu prestakuntza-plana zure enpresan Gaitasun Digitalen programarekin

Irakurri gehiago

Joan blog-era