Euskal enpresaren blog-a Zure enpresarentzat garrantzitsua den eguneroko informazioa
Albisteak 26 maiatza, 2022 Berrikuntza Digitalizazioa Ingurumen-jasangarritasuna

Kluster politiken arloko Europako 30 aditu trantsizio digital eta berdean duten zereginari buruz aritu dira SPRIn

SPRIk Euskadiren kluster politika aitzindaria aurkeztu du “Framing the next-generation of cluster policies and programmes” kongresuan

Eusko Jaurlaritzako Trantsizio Digitaleko eta Ekintzailetzako zuzendari Leyre Madariagak zuzendu zuen kluster politikei buruzko “TCI Cluster Policy Workshop: Framing the next-generation of cluster policies and programmes” nazioarteko tailerra. SPRIk antolatutako topaketa hori Bilbon egin zen joan den astean, eta bertan elkartu zen Europako kluster politiken eta berrikuntzako ekosistemen arloetako profesional eta antolakundeen sare globala.

 

Ekitaldian zehar, kluster politiken arloko Europako hogeita hamar bat adituk hizpide hartu zituzten “Europako hainbat herrialdetan kluster politikak garatu eta inplementatzean ikasitako irakasgaiak, eta mahai gainean jarri zuten kluster dinamizatzaileen (ODC) zeregina trantsizio berde eta digitalaren hedapen eta azelerazioan”.

Eusko Jaurlaritzako Trantsizio Digitaleko eta Ekintzailetzako zuzendari Leyre Madariagak ongi-etorria eman zien bertaratuei, eta Euskadiren kluster esperientzia, Europan aitzindaria dena, partekatu zuen Danimarka, Hungaria, Irlanda, Norvegia, Erresuma Batu, Txekiar Errepublika, Suedia eta Kanadatik etorritako kluster arloko aditu eta profesionalekin. Aipatzekoa da Euskadiko kongresu honetan TCI-Network-en ordezkaritzako buru aritu dela erakundeko presidentea bera, Merete Daniel Nielsen (Cluster Excellence Denmark erakundearen fundatzaileetako bat eta zuzendaria).

 

Bileran landu den beste gai bat izan da kluster programa berri eta helduek dituzten erronkak. Testuinguru horretan, Austria Behea, Katalunia eta Danimarkarekin batera garatutako Clusters Innovation Programme – CLIP proiektuaren koordinatzaileek, hots, Irlanda eta Hungariako ordezkariek bertaratutako guztiekin partekatu zituzten egungo erronken inguruan atera dituzten ondorio nagusiak, 8 multzotan sailkatu dituztenak: inplementazioaren eboluzioa/iraultza, maila anitzeko/maila bakarreko kluster programak, kluster erakundeen portfolioaren eraldaketa, club versus crowd, joera berriak atzematen, GJHen harremana politikekin, kluster politikek gizartean duten ikusgarritasuna eta inpaktua, eta azkenik, gobernantza.

 

Klusterrei buruzko eztabaidetan azaleratu ziren erronken eta etorkizuneko joeren artean aipagarria da erronka sozialek duten garrantzi gero eta handiagoa, horri buruzko aurkezpenak egin zituztelarik ORKESTRA eta TCI-Network erakundeek.

 

Kongresuari buru emateko, “TCI inpaktu-gidaliburua (TCI IMPACT GUIDE)” aurkeztu zen, hots, proiektu kolaboratibo bat, helburutzat duena egoki ikusarazi eta komunikatzea kluster politiken inpaktua, eta lankidetza bultzatzea berrikuntzako ekosistemen arloan.

Albisteak 28 ekaina, 2022 Berrikuntza
Bytek, sektore soziosanitariorako IoT soluzioak
Irakurri gehiago
Albisteak 27 ekaina, 2022 Berrikuntza
MKcoinek neurrira egindako konponbideak fabrikatzen ditu makina-erremintaren sektorean piezak lotzeko
Irakurri gehiago
Eneko Astigarraga_Esle_IndeusElkarrizketak
Albisteak 24 ekaina, 2022 Berrikuntza
“Euskarak balioa eman diezaieke gure enpresei bai kohesio aldetik, bai nortasun berri bat ematearen aldetik” Eneko Astigarraga, ESLE
Irakurri gehiago
IndeusBerri bannerra_EKAINA
Albisteak 23 ekaina, 2022 Berrikuntza
IndeusBerri: industria eta euskara uztartzen dituen informazioaren topagunea
Irakurri gehiago
Albisteak 20 ekaina, 2022 Berrikuntza
Logos, duela 70 urtetik gama altuko altzari pertsonalizatuak eskaintzen dituen ETEa
Irakurri gehiago

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?
// Kanal espezializatuak

Jarrai iezaguzu. Kanal espezializatuak
eta eguneroko berriak