Euskal enpresaren blog-a Zure enpresarentzat garrantzitsua den eguneroko informazioa

21 urria, 2020
Irontec-ek telelanaren eraginkortasuna hobetzeko zerbitzua abiarazi du

 Ivoz UCC produktua, Bilboko enpresak diseinatua, software librean oinarrituta dago eta plataforma handien alternatiba da
Irontec.

 

Urruneko lana erabat edo partzialki ezarrita, erakundeek beren lantaldea konektatuta mantentzeko erronkari egin behar diote aurre, une oro lankidetzan arituz, edonon dagoela ere. Egoera horri erantzuteko, Irontec euskal teknologikoak IVOZ UCC (Komunikazio Bateratuak eta Lankidetza) garatu du. Enpresa txiki eta ertainen, enpresa handien eta administrazio publikoen komunikazioen alorreko beharrak asetzeko diseinatutako produktu berria da.

 

17 urte baino gehiagoko esperientziari esker, open source tresnekin lan egiten du Irontecek, eta, horri esker, zerbitzu-sorta malgua, modularra eta erabiltzaile mota bakoitzaren beharretara egokitua eskaintzen du. Software librean oinarritutako zerbitzu-multzo bat, inbertsio- eta eragiketa-kostuak minimizatzen dituena.

 

IVOZ UCCk bikain erantzuten die telefono bidez edozein gailutatik (fisikoa zein birtuala) komunikatzeko beharra duten enpresen beharrei. Baina, gainera, lankidetza osoko suite bat behar duten erakundeetara egokitzen da, ahotsa, bideokonferentzia eta txata barne.

 

Zerbitzu modularra eta malgua denez, enpresek sartu nahi dituzten irtenbide zehatzak hauta ditzakete, beren interesen eta gaur egun eskura duten azpiegituraren arabera:

– Zentralita korporatiboa hodeian: hodeiko telefonia korporatibo birtualeko zerbitzua, funtzio aurreratuak dituena eta gainerako zerbitzu osagarrien oinarri gisa funtzionatzen duena.

– IVOZ Mattermost: Slack edo Microsoft Teamsen alternatiba erreala eta open source, IP IVOZ telefonia-soluzioa integratzen duena, lizentziarik gabeko lankidetza-ingurune oso bat eskaintzeko.

– IVOZ Microsoft Teams-en integratzea: MS Teams plataforma erabiltzen duten enpresentzat pentsatua dago, eta orain IP telefonia zerbitzua integratu dezakete bertan, Microsoften tresnatik atera gabe deiak egin eta jaso ahal izateko.

– Bideokonferentzia-sistema integratua: Irontec-en bideokonferentzia-soluzioa, Jitsi-n oinarritua eta IVOZ Mattermost-en integratua, 20 parte-hartzailerekin bideodeiak egiteko aukera ematen duena.

– IP telefonia edozein gailutatik: edozein gailutatik deiak egin eta jaso besterik behar ez duten enpresentzat, terminal baten mende egon gabe.

 

Komunikazio bateratuen eta Irontec-en lankidetzaren soluzioak erabiltzen ari dira dagoeneko enpresa eta administrazio publikoak, hala nola IMQ, Oviedoko Unibertsitatea, Vaillant Group, Nafarroako Gobernua, Eroski eta Euskaltel Taldea, besteak beste. Bilboko enpresak sektoreko erreferentziazko erakundeek emandako bi sari garrantzitsu jaso ditu azken hilabeteotan, aurreko urteetan lortutakoei gehituta: zerbitzu-hornitzaile onena Open Expo Europe 2019ren esparruan, eta arrakasta-kasurik onena VOIP2DAY 2019n.

 

Irontec gainean

Bilboko enpresa horrek 17 urteko ibilbidea du, eta teknologia irekietan espezializatutako Euskadiko konpainiarik garrantzitsuena eta nazio-mailako erreferentzietako bat izatea lortu du. Bezeroen negozioaren zerbitzura dagoen kalitateagatik nabarmentzen den erreferentziazko enpresa teknologikoa izatearen ikuspegiarekin, 3 negozio-eremu handitan garatzen du bere jarduera: Internetera bideratutako teknologiak, sistemen eta komunikazioen ingeniaritza eta IP telefonia.

IKTak 3 abendua, 2020
Digitalentu ETE-en eta enpresa handien digitalizazioan eta zerbitizazioan ari da lanean negozioak bultzatzeko

Digitalentu euskal start up-ak 2020an ekin dio bere ibilbideari, industria-sektoreko enpresei...Leer más

IKTak 1 abendua, 2020
Versia-k Blockchain, IoT eta machine learning bezalako teknologiak erabiltzen ditu bere bezeroen prozesuak hobetzeko

  Versia-k 30 urte bete ditu IKTen sektorean datu esanguratsuekin. Barakaldora eraman dute...Leer más

IKTak 26 Azaroa, 2020
Arabako dozena bat enpresak elkarrekin partekatuko dituzte pandemiaren krisiari aurre egiteko digitalizazio-planak

  Dozena bat enpresak abenduan aurkeztuko dituzte Covid-19aren krisiari aurre egiteko...Leer más

Indusmedia 2020: fokua bezeroarengan, automatizazioa eta emaitzak neurtzeko analitika

  Indusmedia urteroko hitzordu bat da, marketin digitalaren arloko azken joerak partekatzea...Leer más

IKTak 23 Azaroa, 2020
Owasys enpresak IoT konponbideak garatzen ditu prozesu industrialak automatizatu eta hobetzeko

  Owasys konpainia duela 18 urte baino gehiago hasi zen lanean Gauzen Interneten arloan,...Leer más

Linkedin-a

Eguneroko informazioa, jarduera-sektoreka eta intereseko
hartzeko.

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?