Filtros X
Tipos de Posts
Agenda

Joan blog-era Euskal enpresaren blog-a

Zure enpresarentzat garrantzitsua den eguneroko informazioa

Albisteak 26 uztaila, 2023 Digitalizazioa Kloud programa Laguntza programak, finantzaketa, inbertsioak

Iritsi da zure datuak eta zerbitzuak hodeira migratzeko unea. Aprobetxatu enpresa industrialentzako Kloud laguntza

Kloud programak Euskadiko enpresei haien zerbitzu edo azpiegitura informatikoak Cloud ingurune komertzialetara migratzeko aukera eskaintzen die. Horretarako, enpresa bakoitzeko 30.000 € arte eskaintzen du hodeirako migrazio-prozesu osoa diseinatzen eta ezartzen lagunduko dien kanpoko enpresa bat kontratatu ahal izateko. Azaroaren 20an amaituko da laguntza hori eskatzeko epea.

Kloud laguntzak 30.000 €-ra arte eskaintzen du enpresa bakoitzeko, eta uztailaren 27tik azaroaren 20ra egongo da eskuragarri

Hodeiko zerbitzuek izandako bilakaerari esker, enpresek kudeatzen dituzte beren eragiketak. Datuak biltegiratu eta babestetik hasi eta marketin-soluzioak eta -estrategiak ezartzeraino, agerian geratu da hodeia prozesuak optimizatzeko eta enpresa-errendimendua maximizatzeko tresna paregabea dela. Hodeira migratzean, zure enpresako artxiboak seguru, eskuragarri eta antolatuta egongo dira, eta eraginkortasuna eta lankidetza sustatuko dira lan eremu guztietan.

Hodeira migratzearen 4 abantailak

Hodeirako migrazioa bihurtu da hainbat industriatan hazkundea eta eraginkortasuna izateko giltzarria. Hona hemen funtsezko abantaila batzuk:

  1. Eskalagarritasuna eta malgutasuna: Hodeiko zerbitzuek baliabideak enpresaren beharren arabera bizkor eta modu eraginkorrean eskalatzeko gaitasuna eskaintzen dute. Horrek aukera ematen die erakundeei baliabideen eskaeran gerta daitezkeen aldaketetara egokitzeko, eta hori bereziki baliotsua izan daiteke hazkunde-egoeretan edo trafikoarekin lotutako goren mailetan.
  2. Segurtasun, eskuragarritasun eta jarduera-denbora handiagoa: Hodeiko zerbitzu-hornitzaileek beren azpiegituretan segurtasun- eta erredundantzia-neurri zorrotzak ezartzen dituzte. Gainera, hodeiko zerbitzuak eskuragarritasun eta jarduera-denbora handiak bermatzeko diseinatuta daude. Beste nolabait esanda, hodeiko sistemak eta aplikazioak fidagarriagoak dira eta horrek murriztu egiten du kostu handiko etenaldiak eta produktibitate-galera izateko arriskua.
  3. Elkarlana eta mugikortasuna: Hodeiko zerbitzuek taldeen eta langileen arteko lankidetza errazten dute, Interneteko konexioa duen edozein lekutatik datuetara eta aplikazioetara sarbidea eskaintzen baitute, urruneko lana eta lan-mugikortasuna sustatuta.
  4. Kostuak gutxitzea: Hodeira migratzearen onura handienetako bat da kostu operatiboak murriztea. Hodeiko zerbitzuak erabiltzean, enpresek azpiegitura fisiko, mantentze-lan, hozte eta energia elektrikoko gastu adierazgarriak ekidin ditzakete, eta horrek epe luzera begira aurrezki handiak ekar ditzake. Bestalde, enpresek barne-baliabideak libera ditzakete jarduera estrategikoagoetan eta negozio nagusiaren garapenean arreta jartzeko.

 

Nola aprobetxatu Kloud laguntza-programa

Hodeiak funtsezko papera du Smart Industry-n

Enpresa bakoitza bakarra dela eta hodeirako migrazioa behar bezala egin ahal izateko ikuspegi pertsonalizatua eskatzen duela uste dugu. Horregatik, gure ustez ezinbestekoa da Kloud laguntza eskuratzeko interesa duten enpresek hodeirako migrazio-estrategia guztia diseinatzen eta abian jartzen lagunduko dien kanpoko enpresa bat kontratatzea.

Hodeirako migrazioan espezializatutako aholkularitza-zerbitzuak kontratatzea funtsezko urratsa da estrategia egokia definitzeko. Aholkulariek enpresarekin elkarlanean lan egiten dute beren beharrak ebaluatzeko, migratzeko sistema eta aplikazio egokiak identifikatzeko eta arazorik gabeko trantsizioa ziurtatzeko plan zehatza diseinatzeko. Aholkularitzan adituak direnek enpresei ohiko akatsak saihesten eta migrazioa negozioaren helburu eta baldintza espezifikoekin bat datorrela bermatzen lagun diezaiekete.

Hodeiak funtsezko funtzioa betetzen du Smart Industry izenekoan. Cloud computing zerbitzuak, zerbitzariak, onlineko datu-baseak edo PaaS zerbitzuak erabiltzean, zure enpresa industrialak azkarrago egingo ditu eragiketak, datuen analisia eraginkorragoa izango da eta sistemen integrazio eta segurtasun handiagoa lortuko duzu.

Laguntza honek hodeiko zerbitzu hauetarako sarbidea emango dizu:

  • Biltegiratze-zerbitzua. . Seguruak eta fidagarriak; galera posibleak babesteko aldizkako segurtasun-kopiak egitea ahalbidetzen dute. Enpresaren beharren arabera, espazioa egokitzeko malgutasuna eskaintzen dute.
  • Negozioaren Jarraipen Zerbitzuak (BRS – Business Recovery Systems. Etenen edo hondamendien kasuan, enpresa-eragiketak azkar eta eraginkortasunez berreskuratuko direla bermatuko duten sistemak eta estrategiak, jarduerarik gabeko denbora gutxitzeko eta datu kritikoak babesteko, bide batez negozioaren jarraitutasuna babestuz.
  • IaaS (Infrastructure as a Service) zerbitzuak. Enpresek beren beharren arabera erabil eta kudea ditzakete azpiegitura-baliabideak hodeian, azpiegitura fisikoa eduki eta mantendu beharrik gabe.
  • PaaS (Platform as a Service) zerbitzuak. Beharrezko tresnak eta baliabideak eskaintzen dituzte aplikazioak sortu eta abiarazteko, azpiko azpiegituraren konplexutasunaz arduratu gabe. Horrek garapen-prozesua azkartzen hodeiko aplikazioen kudeaketa errazten du.
  • Hodeiko datu-basea. Datuen biltegiratzea, babesa, segurtasuna eta eskalagarritasuna, Interneteko konexioa duen edozein lekutatik informaziorako sarbide segurua eta eraginkorra bermatzeko. Hodeiko datu-baseen kudeaketak eragiketa erraztu eta datu-baseen errendimendua optimizatzen du, eta enpresak tokiko administrazioaren konplexutasunetik libre utzita.
  • Ekipoak hodeian ostatatze. Hodeiaren hornitzaileak arduratzen dira ekipoak eta azpiegitura mantentzeaz, eta horrek arintasun, eskalagarritasun eta eraginkortasun handiagoa ematen die enpresei.

 

Sustatu zure enpresaren hazkundea hodeiko zerbitzuei esker

Industria-enpresa bazara edo Euskadin industriarekin lotutako zerbitzuak ematen badituzu, zure hazkundea bultzatzeko aukera izango dugu. Orain Kloud laguntza eska dezakezu, hodeian espezializatutako laguntza.

Ekimen hau Euskadin gutxienez industria-jarduerako zentro bat duten edozein tamainatako enpresentzat diseinatuta dago, eta bertan gauzatuko da proiektua. Dirulaguntzak aukera ematen du zure eragiketak optimizatzeko, eraginkortasuna eta lehiakortasuna hobetzeko eta etorkizun digitalerako bidea irekitzeko. Hazten ari den enpresa txikia edo korporazio sendoa izanda ere, laguntza honen bidez, zure negozioa bultzatzeko abangoardiako baliabideetarako sarbidea izango duzu. Azaroaren 20ra arte eska dezakezu Kloud laguntza-programa!

Lotutako albisteak

18 ekaina, 2024 Digitalizazioa
Buho Electronics, mantentze prediktibo industrialaren lider nazionala
Irakurri gehiago
14 ekaina, 2024 Digitalizazioa
Oreka Circular Economy aplikazio mugikor baten bidez elikagaien alferrik galtzea murrizten laguntzen du
Irakurri gehiago
Electricidad TELGA 12 ekaina, 2024 Digitalizazioa
Electricidad Telgak ikusmen artifiziala erabiltzen du prozesu elektriko industrialen automatizazioan
Irakurri gehiago
6 ekaina, 2024 Basque Trade & Investment
Eusko Jaurlaritzak euskal enpresei lagundu die BIEMHn, SPRI taldearen bitartez
Irakurri gehiago
5 ekaina, 2024 Azpiegiturak
Adimen Artifizialak zer nolako eragina du mugikortasunean?
Irakurri gehiago
Joan blog-era

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?
// Kanal espezializatuak

Jarrai iezaguzu. Kanal espezializatuak
eta eguneroko berriak