Proiektu europar hau “Silver Economy” barruan kokatzen da eta Euskadiko bi enpresak parte hartzen dute bertan
Maila lokaleko saltoki eta profesional askok ikusi dute euren salmenta-bolumena murriztu egin dela azken urteotan, azalera handien eta eCommerce plataformen inpaktuagatik. Halere, auzoetan badago azalera handietako edo onlineko marketplace-etako kontsumitzaile ez den biztanleria sektore bat: pertsona nagusiak. Profil hori duten biztanleek mugikortasun-arazoak izaten dituzte askotan, eta nahiago dute ingurune hurbilean erostea, baina ez dakite badaudela beren premiei egokitutako zerbitzu eta produktuak. Ioanna proiektu europarra beraizik sortu zen zubi bat eraikitzeko bi errealitateen artean.
Ioanna plataformaren bidez profesionalek eta saltokiek euren zerbitzuak eskain diezazkiekete euren inguruneko pertsona nagusiei, eta horrela merkatu-kuota irabaz dezakete mugikortasun-arazoak dituen biztanleriaren sektore batean. Aldi berean, pertsona nagusiek eta beren zaintzaile edo senitartekoek auzoko negozioekin konektatu dezakete modu erraz batean. Proiektu hori Europako AAL programaren barruan kokatzen da, eta zazpi antolakundez osatutako partzuergo batek bultzatzen du (horietako bi Eskilara eta Ideable bizkaitarrak). Beste herrialde batzuetako (Txipre, Grezia, Errumania eta Italia) konpainia eta erakundeek ere parte hartzen dute partzuergoan.
Ekimen honen abiapuntu bezala, ko-sorkuntzako prozesu bat egin zen, non Txipreko eta Errumaniako pertsona nagusiek euren premiak eta ikuspuntuak partekatu baitzituzten. Prozesu horretatik prototipo bat sortu zen, denborarekin aplikazio bihurtu dena. “Aplikazio mugikor baten bidez, pertsona nagusiek, beren senitartekoek edo beren zaintzaileek eurei zuzendutako zerbitzuak eskaintzen dituzten profesionalak eta negozioak aurkitu ditzakete beren inguruan” dio Iñaki Bartolomék, Ideable enpresako zuzendari nagusiak, “adibidez, mugikortasun-arazoak badauzkazu eta nahi baduzu ile-apaintzailea etxera etortzea edo erosketak dendatik etxera ekartzea, zuzenean eska dezakezu aplikazioan”.
Nikosia eta Bukaresten eginiko lehen fase pilotuaren ondoren, lantaldeak bigarren ezarpen bat egingo du, baina dagoeneko hasi da tresna berria erakunde eta udalerriei aurkezten, euren interesa pizteko. Otsailaren 20an Bilbon aurkeztu zuten “Silver Economy” delakoari buruzko jardunaldi batean, eta lantaldearen asmoa da uda igarotakoan merkaturatzea, Europako edozein hiritan ezartzeko. Plataforma bereziki zuzentzen zaie udalei eta tokiko erakunde publikoei. Eurak izango dira tresnaren sustatzaileak, doakoa izan dadin bai profesionalentzat, bai eta pertsona nagusientzat eta euren familientzat. “Aplikazioak abantaila interesgarriak dakartza udalerrientzat: nabarmen hobetzen du pertsona nagusientzako zerbitzu-hornikuntza eta, ondorioz, euren bizi-kalitatea, eta aldi berean, tokiko negozioen lana sustatzen du, silver economy sektoreari esker” azaldu du Iñaki Bartolomék.
Proiektu hau Europako Batzordeak finantzatzen du AAL Programme ekimen europarraren bitartez, zeinaren helburua baita IKT konponbideak garatzea pertsona nagusien bizi-kalitatea hobetzeko.
SPRI taldeko Enpresa Digitala zerbitzuak jakitera ematen du ETEek eta autonomoek telelanarekin...Leer más
Partekatu
SPRI Taldeak abiarazitako Inplantalariak programak sekulako arrakasta lortu du duela bi...Leer más
Partekatu
Aurrekontua 2,3 milioi eurotik gorakoa da, eta telelana bultzatzeko Industria Digitala programa...Leer más
Partekatu
Mondragon Team Academy-k programa bat abiarazi du ekintzailetza sozialeko proposamenak...Leer más
Partekatu
Lanit aholkularitzak merkaturatu duen datuen analisirako aplikazioa integragarria da ERP...Leer más
PartekatuEguneroko informazioa, jarduera-sektoreka eta intereseko
hartzeko.
ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.
Interesgarria, ezta?