INNGUMA, adimen lehiakorra eta zaintza teknologikoa enpresentzat
‘Startup’ honek garatutako plataformari esker, bezeroek merkatuko joerak eta lehiaren nondik norakoak beha ditzakete
Innguma Technologies SLU ekainean bihurtu zen enpresa, Makina-Erremintaren Bienalaren garai berean, eta han egin zen aurkezpen formala. IK4-Idekoren ‘spin-off’ gisa jaio zen, eta dagoeneko 15 urteko bizitza duen produktu bat eskaintzen du: INNGUMA. Enpresaren helburua da komunikabide digitaletatik datorren eta erakundeentzat nabarmena den informazioa jasotzeko, iragazteko eta banatzeko prozesuak automatizatzen dituen tresna bat eskaintzea. Besteak beste, Danobatgroup, Ingeteam, CAF eta Orona enpresak ari dira plataforma erabiltzen dagoeneko. Eneko Arzarekin, Innguma Technologies-eko CEOarekin, hitz egin dugu.
Zer da INNGUMA?
INNGUMA adimen lehiakorreko eta zaintza teknologikoko ‘software’ bat da. Guk esan ohi dugun bezala, INNGUMAk zure partez behatzen ditu merkatuak, lehia, patenteak, teknologia, araudiak, diru-laguntzak, lizitazioak, sare sozialetako iruzkinak eta abar. Tresnak sarea arakatzen du, eta informazioa modu egituratu eta erraz batean erakusten du, informazioa interpretatzea eta horretan oinarritutako erabakiak hartzea errazagoa eta eraginkorragoa izan dadin. INNGUMAk potentzia eta adimena konbinatzen ditu: 16 bilaketa-motor, mugikorrerako app-a, ‘machine learning’ eta egunez egun haziz doan funtzionalitate-zerrenda luze bat. Esaterako, urte-amaierarako 4 bilaketa-motor berri izango ditugu; guztira 20 izatera helduko gara.
Zer harreman du INNGUMAk 4.0 industriarekin?
INNGUMA software bat da, eta, beste askoren artean, garapen eta berrikuntza teknologikoak behatzen ditu. Beraz, ezinbesteko tresna da digitalizazio industrialaren punta-puntan egon nahi duten industria-enpresentzat. Gero eta bilakaera azkarragoa du joera honek, eta, horregatik, ezinbestekoa da software hau izatea gure ingurunean gertatzen denaren berri ahalik eta azkarrena izateko, dela lehia behatzeko, dela industria-sektorean aplikatzeko modukoak diren teknologia berrietatik ikasteko. Bestalde, enpresen eta erakundeen lan egiteko modua aldatzen ari da 4.0 industriari esker, haien prozesu operatiboak etengabe digitalizatzen eta IoT sentsoreen eta gailuen sarera konektatzen ari baitira.
Zer teknologia-mota daude INNGUMAren atzean?
‘Machine learning’ eta adimen artifizialeko sistemak ditu gure teknologiak. Bi eremu horiek gero eta gehiago erabiltzen dira industria-sektorean, eta gure produktuari ere aplikatzen zaizkio, industria-enpresek egiten duten era berean, eskaera berriei egokitzeko gai den teknologia adimentsuago bat garatzeko. Halaber, sarean dugun Big Data behar bezala kudeatzen laguntzen digu, datu-multzo izugarri horretatik gure interesekoa den informazioa harrapatzen baitu.
Zer enpresa-motarentzat da zuen produktua?
Gaur egun, bezero ugari ditu INNGUMAk, sektore askotakoak gainera, hala nola industria, osasuna, bankuak, zerbitzuak, bai eta elikagaien industria ere. Edozein sektoreri eta herrialderi egokitu dakieke produktu hau, eta, beraz, sektore guztietarako balio duen zeharkako zerbitzu bat eskaintzen dugu. Hala frogatzen dute duela urte askotatik ditugun bezeroek. Sektore edo lehia-ingurune bakoitzeko informazio-iturriak eta Zaintzako Faktore Kritikoak garatzea ez da gure lan bakarra, badugu balio gehigarri bat: sortutako softwarearen eta urteetan pilatu dugun esperientziaren bidez, Adimen Lehiakorra eta Zaintza Teknologikoa logikaz garatzeko egiturak sustatzen laguntzen dugu. Izan ere, esperientzia horri esker, softwarea ezartzerakoan sor daitezkeen arazoei eta horiek konpontzeko irtenbideei buruzko ezagutza handia dugu. Zorionekoak gara, bezero-zerrenda luzea dugulako; ia ezinezkoa da guztiak aipatzea. Gugana jo zuten lehenak hauek izan ziren: Danobatgroup, CAF, Ingeteam, Cikautxo, Orona…
Zein dira zuen etorkizuneko erronkak?
Etengabeko hobekuntza litzateke etorkizuneko erronka horietako bat; alegia, gure teknologia garatzen jarraitzea kalitate handiagoko informazio gehiago bilatzea errazagoa izan dadin. Aldi berean, informazioaren hautaketa erraztu nahi dugu, eta, horretarako, adimen artifiziala hobetu behar da, datu-biltegiratze azkarragoa lortu behar da eta informazioa modu eraginkorragoan banatu behar da, erakundeentzat Adimena sortzeko. Ehuneko ehunean “customer centric” izatea da gure estrategia, hots, gure bezeroei eta erabiltzaileei begira lan egitea, beren eta beren sektorearen beharrak kontuan hartuta, gure produktuak eta zerbitzuak hobetzeko.
Lotutako albisteak
Nexmachinak Gauzen Interneta industriara zabaltzen du
Enpresak IoT soluzio jasangarriagoak eta eskuragarriagoak eskaintzen ditu mota guztietako enpresa eta erakundeentzat
Laura Ovies (EIT Community): “Euskadi eta beste eskualde batzuk beren garapen berritzailerako aliatu estrategiko gisa har gaitzaten nahi dugu”
Zamudion lan egiten du, eta EIT Community Hub Spain erakundeko arduraduna funtsezkoa da tokiko eragileak kontinenteko berrikuntza ekosistema handienarekin lotzeko, Berrikuntza eta Teknologiaren Europako Institutuarekin (EIT).
Hemolinek test anitzeko sistema portatila garatu du hemostasiaren diagnostiko azkar eta zehatza lortzeko
iLine Microsystemsek zuzendutako proiektua osasun-sektorerako dispositibo bat garatzen ari da, antikoagulatutako pazienteak tratatzeko. SPRI Taldearen Hazitek Laguntza Programaren babesa izan du.
Lantekek, software industrialean munduko liderrak, 36.000 bezero baino gehiago ditu dagoeneko
Arabako Parkean kokatuta dagoen enpresak 400 langile baino gehiago ditu, eta SPRI Taldearen zibersegurtasuneko programako laguntza bat jaso du
EGOKIA proiektuak elkarlaneko ikaskuntza automatikoko plataforma aitzindari ziberseguru bat lortu du
Hazitek proiektu hau hamar bat euskal enpresa eta ikerketa zentrok garatu zuten, Mondragon Assembly buru zela.
Lowerton, adimen artifizialarekin enpresak berritzea eskaintzen duen startupa
Bere teknologiak aukera ematen du lau hilabeteko lana eskatzen duten hobekuntzak bi egunetan bakarrik ezartzeko
Duplostock industria-irtenbide pertsonalizatuen diseinatzaile eta fabrikatzaile bihurtu da
Zuzendaritzan izandako aldaketaren ondoren, euskal enpresak eraldaketa digitalaren, efizientzia energetikoaren eta bere prozesuen automatizazioaren aldeko apustua egin du.
Abuelo Actual, bi hamarkada adinekoen etxeak oztoporik gabeko espazio bihurtzen
Bizkaiko Silver Economy-ko Enpresen Gidaren parte da eta Nagusi Intelligence Centerrek bultzatu du, Foru Aldundiaren proiektu estrategikoak.
Moldes Ura enpresak berrikuntzaren alde egin du lehiakorra izaten jarraitzeko
Zamudion kokatuta, automobilgintza sektorerako injekzio eta konpresio moldeak ekoizten ditu enpresak, eta duela gutxi SPRI Taldearen Hazinnova programan parte hartu du.
Amazinglers: “Gazteek TikTok bidez lana bilatu eta aurkitu ere egiten dute, eta horretara egokitu behar gara”
Igone Ruiz de Azua arabarrak sortutako startupak gazteak enpleguekin eta praktikekin konektatzen dituen plataforma bat baino askoz gehiago izan nahi du; talentu bila enpresei aholkuak ematen dizkien eta belaunaldi berrien potentzialaren aldeko apustua egiten duen komunitatea.