Filtros X
Tipos de Posts
Agenda

Joan blog-era Euskal enpresaren blog-a

Zure enpresarentzat garrantzitsua den eguneroko informazioa

Albisteak 23 Azaroa, 2021 Digitalizazioa

Indusmedia kongresuak erakutsi du enpresek marketin digitaleko adituen laguntza behar dutela

Eraldaketa Digitaleko zuzendari Leyre Madariagak esan duenez, aro digitala “aukera paregabea da gure lehiakortasuna sendotzeko”
Leyre Madariaga, Indusmedian.

 

Astearte honetan -azaroak 23- egin da Hernaniko Orona IDeO eraikinean Indusmedia 2021 kongresua, industri arloko enpresei zuzendutako marketin digitalaren urteroko hitzordua, non argi geratu baita enpresek marketin digitaleko konpainia adituen laguntza  behar dutela beren negozioak hobetzeko. Eusko Jaurlaritzak –SPRI Taldearen, enpresen garapenerako agentziaren bitartez- eta Mondragon Unibertsitateak antolatutako sinposiumean hainbat kasu arrakastatsu aurkeztu dira, esaterako eguneroko posta elektronikoak erabiltzearena.

 

Kongresu honen helburu nagusia da ideien, ezagutzaren eta inguru hurbileko kasu arrakastatsuen trukea sustatzea, marketin digitalak industria-ehunari eskaintzen dizkion aukeren berri emateko. Iazko ekitaldi telematikoaren ondoren, aurtengoa presentziala izango da berriro ere.

 

Eraldaketa Digitaleko eta Ekintzailetzako zuzendari Leyre Madariagak inauguratu du Indusmedia, zeinak esan baitu ekitaldiaren helburua dela “marketin digitala ebanjelizatzea enpresa industrialetan”. Gaineratu du mundu digitala eta komertziala “elkarrengandik oso urrun” egon direla historikoki, “baina orain elkarren eskutik” doazela. “Bezeroaren esperientzia hobea da automatizazioari esker”.

 

Madariagak esan duenez, aro digitala “aukera paregabea da gure lehiakortasuna sendotzeko”. Trantsizio teknologiko-digitalak hainbat berrikuntza ekarri ditu prozesuetara, eta aukera-espazioak sortzen ditu berrikuntzarentzat”.

 

Miquel Gomez digitalizazioko adituak azaldu du nola erabili behar duten enpresek Linkedin sare soziala. “Baliagarri da bezeroak aurkitzeko eta haiek gu aurkitu gaitzaten, komunikabide bezala posizionatzeko eta lehen elkarrizketa izateko bezero berriekin”.

 

Imanol Teránek, estrategia digitaleko aholkulari eta web garatzaileak, hizpide hartu du zereginen automatizazioa. Esan du hainbat tresna daudela edukiak argitaratzeko, esaterako Zapier, WordPress, Twitter, Linkedin edo Notion.

 

Email marketing

Ulma Architectural Solutions enpresako Sara Soriak bere lantokian aplikatu duten email marketing estrategia azaldu du, hau da, egunero email bat bidaltzea konpainia bateko harpidetza-zerrendari.  “Beste edozein formatu baino lau aldiz eraginkorragoa da, eta bere aplikazioa iraunkorra da sare sozialen efimerotasunarekin alderatuta. Sare sozialetan zerbait argitaratzen duzunean, ez daukazu kontrolik; aldiz, email marketing sistemarekin bai.

 

Soriak estrategia honen arrakastaren adibide bat azaldu du: bezeroek euren emailei emandako erantzun kopurua sei aldiz handiagoa izan da aurten.

 

Alejandro Sánchezek, Stratenergy enpresako zuzendari kudeatzaileak, baieztatu du kanal digitala “hasieratik izan dela lagungarria”. Bere konpainiak enpresen eraginkortasun energetikoa hobetzea du helburu, eta Sánchezen esanetan, estrategia komertzial digitala “estrategia tradizionalaren osagarri bat izan da”.

 

Orobat esan du komenigarria dela marketineko espezialistengana jotzea, “mundu hau etengabe aldatzen ari delako”. Stratenergy enpresa harremanetan jarri zen Weroi aholkularitzarekin, “eta gomendatu ziguten lehen gauza izan zen aldatu genezala gure web orria”. Emaitzei dagokienez, urtebete pasatuxeren buruan 200.000 bistaratze izan dituzte euren atarian, eta “91 lead kualifikatu ere bai; hori sekulako arrakasta da guretzat”. Baina oroz gain nabarmendu ditu lortu dituzten “marka, konfiantza eta posizionamendua”.

 

Sara Montero marketineko arduraduna da Tecnipesa enpresan, zeinak logistikarako konponbideak eskaintzen baititu, adibidez barra-kodeak. Monterok azaldu du enpresak bere estrategia birplanteatu zuela 2018an. “Harremanetan jarri ginen Adimedia enpresarekin (lehenago ere egin izan dugu lan elkarrekin) eta SEO berrorientazio bat egin genuen. Gure webaren diseinua eta edukia aldatu genituen. Produktuak saltzetik konponbideak eskaintzera igaro ginen”.

 

Bere hitzetan, lehen hiru hilabeteak “oso txarrak izan ziren, ia ez genuen bisitarik jasotzen webean”.  Sare sozialetara eta YouTube-ra jo zuten, kasu arrakastatsuak erakutsi zituzten, “eta bezeroek edukietan agertu nahi ez bazuten, konponbideak eta emaitzak aurkezten genituen”. Aipatu du “webeko kalitatezko trafikoa bikoiztea” lortu dutela, eta aurten “1.589 lead lortu ditugu, hau da, gure konponbideekiko interesa izan lezaketen balizko bezeroak”.

 

Patricio Fernández publizitateko erredaktoreak hizpide hartu ditu salmentak lortzen dituzten kasu arrakastatsuak. “Helburuak planifikatuta izan behar ditugu ezertan hasi baino lehen, eta jarraibide argi eta sinpleak eman behar zaizkie bezeroei”.

 

Lotutako albisteak

27 Marzo, 2024 Digitalizazioa
BAICek Euskadiko Adimen Artifizial Aplikatuaren lehen kongresua antolatu du maiatzean
Irakurri gehiago
26 Marzo, 2024 Digitalizazioa
Sitab, digitalizazioarekin arrakasta lortu duen barne-espazioen fabrika
Irakurri gehiago
25 Marzo, 2024 Digitalizazioa
Branka, tripulaziorik gabe eta urruneko kontrolarekin funtzionatzen duten itsasontziak fabrikatzen dituen Orioko ingeniaritza
Irakurri gehiago
25 Marzo, 2024 Digitalizazioa
4GUNEk eta BRTAk bat egin dute Euskadiko enpresetan eraldaketa digitala sustatzeko prestakuntza-programa eskaintzeko
Irakurri gehiago
21 Marzo, 2024 Digitalizazioa
Adimen artifizialak errazten duen berrikuntza autonomoa, Innobasqueren 2024ko prospektiba txostenaren ardatz
Irakurri gehiago
Joan blog-era

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?
// Kanal espezializatuak

Jarrai iezaguzu. Kanal espezializatuak
eta eguneroko berriak