Ideolabek adimen artifiziala eta diseinua lotzen dituen proiektu berritzailea abiarazi du
Ideolabek, 20 urte baino gehiagoko eskarmentua duen Gasteizko diseinu-enpresak, adimen artifiziala eta diseinua lotzen dituen proiektu iraultzailea jarri du abian. Brandfy du izena, ez dago merkatuan halakorik, eta marka lehiakorrak eta parekorik ez dutenak sortzeko aukera ematen du, sortzeko kostuak eta denbora % 90 gutxituta. SPRI Taldearen adimen artifizialeko programaren laguntza jaso du enpresak. Hain zuzen ere, programaren helburua da Euskadiko enpresen artean AAn oinarritutako proiektuak babestea. SPRI Taldeak haien proiektuak ezagutzera emateko aukera ematen die euskal enpresei, “Zutaz mintzo gara” egitasmoaren bidez.
Enpresa Gasteizen sortu zen 2003an, Carlos Hermosillaren, egungo CEOaren, ekimenez. “Besteren konturako diseinatzailea nintzen, eta Ideolab sortu nuen produktuak eta zerbitzuak merkaturatzeko. Markak sortzen ditugu haien xede diren hartzaileengana hel daitezen”.
Enpresak ecobranding-a du ardatz, hau da, markei jasangarritasuna ematea. “Guri merkatura atera nahi duen enpresa bat iristen zaigu eta merkatuaren estrategia, webgunea edo packaging-a (merkatuko bilgarriak) egiten dizkiogu”. Bere bezeroak, batez ere, osasunaren, kontsumo handiaren eta startupen sektorean daude.
Ideolabek 1.300 diseinu-proiektu baino gehiago egin ditu 20 urtean, 15 herrialdetan, eta diseinu arloko 30 sari lortu ditu.
Orain, Brandfy.ai izeneko proiektu berritzailean zentratuta dago. Proiektuak adimen artifiziala eta diseinua bateratzen ditu. Erabiltzaileei eta diseinatzaileei marka osoak modu eraginkor eta eskuragarrian sortzeko aukera ematen die, identitate korporatiboa eta beharrezko ikus-elementu guztiak barne.
Eriz Zaratek, proiektuaren CTOk, azaldu du Adimen Artifizial Sortzaileko algoritmoak erabiltzen dituztela lehen prozesu luze eta garestiak eskatzen zituzten markak diseinatzeko. “Marka bat merkaturatzeko sei hilabete behar izaten dira, eta 10.000 eta 50.000 euro arteko inbertsioak. Brandfy.ai-rekin, denbora eta aurrekontua % 90 inguru gutxi ditzakegu. Gure sorkuntza-prozesua adimen artifizialera eraman dugu. Dirua, denbora eta sormena bateratzen ditu”, adierazi du Carlos Hermosillak.
Produktu hau azken bezeroari zuzenduta dago, baina “batez ere diseinatzaileei, gure tresnari balio handiagoa ikusiko baitiote. Marka gehiago eta kalitate handiagokoak sortzeko aukera ematen du. Gure plataformak marka, identitate korporatiboko eskuliburua eta marka-garapenerako irudi guztiak sortzen ditu. Diseinatzaileak egunero aurre egin beharreko arazoak konpontzeko pentsatuta dago”.
“Guk analisia, koloreen paleta, tipografia, logotipoak eta markaren irudiak, diseinuaren aurrebista (mockup izenekoak) eta identitate korporatiboko eskuliburua sortzen ditugu besteak beste. Eta gure helburua zerbitzu gehiago txertatzen joatea da”.
Barne-ekintzailetza
Barne-ekintzailetzako ekimena da eta, horren ondorioz, enpresa bat eratuko da. Horretarako, 200.000 euroko inbertsio-erronda ireki dute. Merkatuan ez dago proiektu honen baliokiderik (“ez dugu gaitasun horiek guztiak dituen proiekturik topatu”) eta nazioartean abian jarri dute eta harpidetza-eredu irisgarriaren bidez funtzionatzen du.
Gaineratu dutenez, produktua bereziki egokituta dago startupetarako, “ez baitute marka sortu ahal izateko inbertsiorik izaten. Brandfyrekin arrazoizko prezioan kalitatezko marka eta ahalik eta denbora laburrenean eskura dezakete”.
SPRI Taldeak adimen artifizial aplikatuaren programarako ematen duen laguntza, hain zuzen ere, proiektu berri honetara eta algoritmo hobeak sortzera bideratu dute
Adimen artifizialaren sektoreak duen azelerazioa ikusita, etorkizuneko erronkak etengabeko berrikuntzari eustean zentratzen dira. Horri esker, “berritasun guztiak ahalik eta azkarren eta modu eraginkorrenean txertatu nahi ditugu adimen artifizialaren bidez markak sortzen mundu mailan onenak izateko”. Azpimarratu dutenez, adimen artifiziala “guri laguntza ematera dator eta funtsezkoa izango da hori erabiltzen jakitea eta harekin batera hobea izatea. Tresna bat da, ez zure lanaren ordezkoa”.
Lotutako albisteak
Eusko Jaurlaritzak startup disruptiboen talentua eskuratzeko aukera emango die EAEko ETEei
SPRIk BIND SMEren 5. edizioa ireki du, EAEko ETEek startup berritzaileekin elkarlanean jardun eta haien lehiakortasuna hobetzeko. Deialdia uztailaren 4ra arte egongo da zabalik. Hautatutako ETEek teknologia disruptiboetara eta talentu berritzailera sarbidea izango dute, IA, jasangarritasuna edo Smart Factory bezalako arloetan soluzioak garatzeko.
ESGI 188 (European Study Group with Industry) Bilbon izango da 2025eko maiatzaren 26tik 30era
Enpresek problema matematikoak aurkezten dituzte azterketa-taldeak konpon ditzan, askotan modelizazio edo optimizazio moduan.
BeDIGITALek zazpigarren edizioa ospatuko du BECen, enpresa eta erakunde liderren partaidetzarekin
Ekainaren 3tik 5era izango da, +INDUSTRYren esparruan, herrialdeko Smart Manufacturing-ari eskainitako topagunerik handienean. SPRI Taldea erakusketarien artean dago, ‘Invest in the Basque Country’ programarekin.
Zinemaldia Startup Challenge 2025
Izen-ematea: apirilaren 15etik ekainaren 2ra arte
Europako ordezkaritza bat etorri da Euskadira industria teknologiko kuantikoaren lider izateko bertako estrategia hobeto ezagutzeko
Finlandia, Grezia, Italia eta Espainiako ordezkariak izan dira Euskadin Europako QUANTUM+ proiektuan aurrera egiteko. GAIA klusterra da proiektuaren kideetako bat, eta helburu du teknologia kuantikoei buruzko ibilbide eta prestakuntza-plataforma bat garatzea goi-mailako hezkuntzako ikasleentzat, irakasleentzat eta enpresa teknologikoetako profesionalentzat
Egin ezazu prestakuntza-plana zure enpresan Gaitasun Digitalen programarekin
«Gaitasun Digital Profesionalak» programaren edizio berriak 2 milioi euroraino igo du bere aurrekontua, euskal enpresen lehiakortasuna sustatzen jarraitzeko helburuarekin, langileen prestakuntza indartuz.
NudgeXperience Bilbon: CX eta Portaera Zientzien ekitaldia
Zuzendariei eta gerenteei, Cx-eko arduradunei eta berrikuntza eta marketineko profesionalei zuzendua
Wake Up! Albiste ekintzaile batzuk sarean 250324
Euskadiko talentu ekintzaile guztia. Wake up! -ek komunikabide eta sareko blog desberdinek argitaratutako albisteen hautaketa txiki bat egunero partekatzen du Linkedinen: ideiak, proiektuak, negozioak, startupak, enpresak etab.
Zabalik dago MAKE IN! Ekintzailetza Industriala programaren 4. ediziorako izen-emate epea
Apirilaren 25a izango da programan izena emateko azken eguna
Wake Up! Albiste ekintzaile batzuk sarean
Euskadiko talentu ekintzaile guztia. Wake up! -ek komunikabide eta sareko blog desberdinek argitaratutako albisteen hautaketa txiki bat egunero partekatzen du Linkedinen: ideiak, proiektuak, negozioak, startupak, enpresak etab.