Hirugarren deialdia egin du bideojokoen azelerazio-programak
Epea zabaldua du PlayStation Talentsek Games Camp Bilbaobere laguntza-programan parte hartzeko. Estudio independenteei, gazte garatzaileei eta sektoreko enpresa txikiei dago zuzendua programa. Hona zer eskaintzen duen ekimen horrek: lanerako eremu bat, tresnak eta aholkularitza, bideojokoen alorreko etorkizuneko talentuei laguntzeko betiere.
Sony Interactive Entertainmenten eta Beazen arteko hitzarmen baten emaitza da programa, PlayStation Talents ekimen globalaren baitakoa. Hautatutako proiektuek hamar hilabeteko azelerazioa izango dute, eremu bat n, Ps4 garapen-kitak, laguntza teknikoa eta enpresariala, eta marketin-kanpainak aipatutako multinazionalaren hedabideetan. Prozesuaren amaieran taldeek PS4rako beren bideojokoa plazaratzea, hori da xedea.
Proiektuak aurkezteko epea abenduaren 31ra arte egongo da zabalik a. Parte hartzen duten taldeek gutxienez hiru profil hauetako partaideak izan behar dituzte: joko-diseinatzaileak, artistak eta programatzaileak. Enpresa gisa antolatuta daudenetatik, berriz, hauek bakarrik aurkez daitezke: aurreko urtean 100.000 euro baino gutxiago fakturatu zutenak.
2017an egin zen lehenbiziko Games Camp Bilbao. Han izan zen Kaya Studios, eta bi lan hauek eraman zituen: Dynasty Feud bideojokoa, zeinari euskal bideojoko onenaren saria eman baitzion AzPlay-k 2016an, eta Coven Artsen Inglorious, merkaturatu berria den leotz-joko bat. Aurten, berriz, beste bi joko hauek igaro dira programa horretatik: Waves Out!, Crevice estudioak sortutako estrategia- eta puzzle-jokoa, eta Main Loopen Submersed, berehala salgai izango den beldurrezko bideojokoa.
ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.
Interesgarria, ezta?