Euskal enpresaren blog-a Zure enpresarentzat garrantzitsua den eguneroko informazioa
15 martxoa, 2018

Frontend teknologien munduko azken joerak Kaixoworld! topaketan

Kaixoworld 2017 jardunaldiaren ilustrazioa.
Kaixoworld! 2017.

 

Jardunaldia martxoaren 27an egingo da Arrasaten

Kaixoworld! jardunaldia Frontend teknologiei buruzko foro bat da, aukera ematen duena ezagutzak partekatzeko, joera digital berriak deskubritzeko eta, batez ere, profesionalen arteko lankidetza-sareak sortzeko. Ekitaldia dohainik da, eta proiektuen garapenean lan egiten duten diziplina guztiei zuzenduta dago: hasi frontend garapen profiletatik eta maketaziotik eta, besteak beste, UI diseinatzaileetara, eta UX copy eta espezialistetara.

 

Kaixoworld! jardunaldian eskainiko diren lau hitzaldietan hizpide hartuko dira machine learning, irisgarritasunerako diseinua, proiektu digital baten garapen prozesua eta zibersegurtasunaren garrantzia. Asmoa da etengabeko prestakuntza sustatzea etengabe aldatzen ari den sektore batean, horretarako espreski antolatuz arlo desberdinetako profesionalen arteko hitzaldi informalak.

 

Datatons enpresako Inés Huertasek emango dio hasiera topaketari, Las posibilidades del machine learning en productos digitales hitzaldiarekin. Teknologia horiek baliagarri dira prozesuak hobetzeko eta zerbitzu berriak sortzeko. Datuen arloko zientzialari horrek azalduko du zein aukera eta aplikazio dauden ingurune industrialetan nahiz sozialetan. Produktu digitaletan espezializatutako Eusebio Reyero diseinatzailea izango da jardunaldiko hurrengo hizlaria, zeinak hizpide izango baitu ideia batetik amaierako zerbitzura edo produktura igarotzeko prozesua. Horretarako, Reyerok bertaratutako guztiekin partekatuko du hainbat startup eta enpresarekin proiektuak garatzean bildutako esperientzia.

 

Kaixoworld! topaketan izango da orobat Andoni Serrano, zeinak teknologien irisgarritasunari buruzko hitzaldi bat eskainiko baitu. Oro har, diseinua erabiltzaile profil generiko batera bideratzen da, baina horrek kanpoan uzten ditu premia espezifikoak dituzten pertsona asko. Halere, Serranok azalduko du hardwarea eta softwarea baliagarri izan daitezkeela teknologia pertsona guztiengana hurbiltzeko. Bukatzeko, Jesús Lizarragak, Mondragon Unibertsitateko Telematika arloko koordinatzaileak eskainiko du azken hitzaldia. Jesus Lizarraga irakasle eta ikerlaria gaur egungo eraso mota garrantzitsuenez mintzatuko da, eta halaber hizpide hartuko ditu eraso horiek saihesteko edo inpaktua minimizatzeko estrategia onenak.

 

Arrasateko Garaia Berrikuntza Gunean egingo da jardunaldia, datorren martxoaren 27an, SPRI Taldeak Garaia Enpresa Digitalaren bitartez antolatuta.

Enpresa digitala 19 martxoa, 2020
Eusko Jaurlaritzak telelana autonomoetan eta ETEetan berehala ezartzeko eta aholkularitza emateko zerbitzua jarri du abian

COVID-19 sortzen ari den egoera eta agintari eskudunek hartutako neurriak ikusita, Eusko...Leer más

Enpresa digitala 9 urtarrila, 2020
Emakumeen presentzia handiagoa SPRIren Barnetegi Teknologikoa programan

  Programa horren bidez SPRI Taldeak ezagutzera ematen ditu zein joera zabaltzen ari diren...Leer más

Enpresa digitala 23 abendua, 2019
Emerid-ek identifikazio-sistema bat abiarazi du garrantzitsuena gal ez dadin

Startup bizkaitarrak  NFCan oinarritutako gailu itsasgarria garatu du kasko eta...Leer más

Enpresa digitala 10 abendua, 2019
Elikadura industriaren erronkak eraldaketa digitalari begira

AZTIk landutako txosten baten arabera, sektorea aurreneko faseetan dago oraindik Elikaduraren...Leer más

Enpresa digitala 4 abendua, 2019
EBk Euskadi saritu du banda zabal ultralasterra landa-eremuetara hedatzeko abiarazi dituen planengatik

Teknologia, Berrikuntza eta Lehiakortasuneko sailburuorde Estibaliz Hernáezek jaso du Bruselan...Leer más

Linkedin-a

Eguneroko informazioa, jarduera-sektoreka eta intereseko
hartzeko.

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?