Euskal enpresaren blog-a Zure enpresarentzat garrantzitsua den eguneroko informazioa
Albisteak 31 Marzo, 2022 Digitalizazioa Adimen artifizial aplikatua programa

Eusko Jaurlaritzak hiru milioi euroko laguntzak eskaintzen ditu adimen artifizialaren aplikazioa sustatzeko enpresetan

SPRI Taldeak kudeatutako Adimen Artifizial Aplikatuko programak 86 onuradun izan zituen iaz, eta bakoitzak 44.000 euroko dirulaguntza jaso zuen batez beste

Eusko Jaurlaritzak hiru milioi euro bideratuko ditu aurten Adimen Artifizialaren aplikazioa sustatzeko euskal enpresetan. SPRI Taldeak kudeatutako programa apirilaren 5ean ireki eta azaroaren 21ean amaitzen da. Ekimen honi esker teknologia honen eskaintza eta eskaera aktibatuko da Euskadin. Iaz ekimen honek 86 enpresaren 96 proiektu babestu zituen eta bakoitzak 44.000 euro jaso zituen batez beste.

Laguntza-programaren helburua da Adimen Artifizialeko teknologiak ezartzeko proiektuak babestea, laguntzak banatuz zerbitzu zein konponbide komertzialetan Adimen Artifiziala aplikatzeko proiektuei. Proiektu horiek frogatu beharko dute Adimen Artifizialeko algoritmoak erabiltzen dituztela Machine learning, Deep learning eta Ikusmen Artifiziala bezalako esparruetan.

Euskal Autonomia Erkidegoan jarduera-zentro bat duen eta Adimen Artifizial Aplikatuaren arloan diruz lagun daitezkeen jarduerak garatu nahi dituen edozein pertsona fisiko nahiz enpresari zuzenduta daude Adimen Artifizial Aplikatuko programaren laguntzak.

100.000 eurorainoko itzuli beharrik gabeko laguntzak dira. Kontzeptu bakoitzerako dirulaguntzaren portzentajea % 50ekoa izango da.

Adimen artifizialaren esparru desberdinei buruzko jakintza berriak eskuratzeaz gain, posible izango da hardware eta software berrien erosketa finantzatzea, eta baita ere aholkularitza, ingeniaritza eta antzeko zerbitzuen kostuak.

Azken helburua da negozioaren produktibitatea hobetzea datuen analisi aurreratuan oinarritutako erabakiak hartuz.

Euskal enpresek aukera izango dute euren negozio-emaitzak hobetzeko algoritmo aurreratuak erabiliz, teknologia berri horiei buruzko ezagutza berriak eskuratzeko edo erabakiak datuetan oinarrituta hartzeko prozesuak indartzeko.

 

Albisteak 21 uztaila, 2022 Digitalizazioa
SPRIk programa bat diseinatu du enpresek euren profesionalen profil digitala hobetu dezaten
Irakurri gehiago
Albisteak 14 uztaila, 2022 Digitalizazioa
IndesIA-k jendaurrean aurkeztu du industria-enpresetan datua eta adimen artifiziala erabiltzeari buruzko kasu arrakastatsuen gida
Irakurri gehiago
Albisteak 14 uztaila, 2022 Digitalizazioa
Elmubas Petfood Group, lantegi bakar batean maskotentzako pentsu produkzio handiena duen taldea Europan
Irakurri gehiago
Ion Etxeberria_Ikerlan_IndeusElkarrizketak
Albisteak 8 uztaila, 2022 Digitalizazioa
“Euskararen aldeko apostua ez da bakarrik emozionala, praktikoa ere bada, enpresari balioa ematen diona” Ion Etxeberria, IKERLAN
Irakurri gehiago
IndeusBerri_uztaileko bannerra
Albisteak 8 uztaila, 2022 Digitalizazioa
IndeusBerri: industria eta euskara uztartzen dituen informazioaren topagunea
Irakurri gehiago

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?
// Kanal espezializatuak

Jarrai iezaguzu. Kanal espezializatuak
eta eguneroko berriak