Euskal enpresaren blog-a Zure enpresarentzat garrantzitsua den eguneroko informazioa

23 Marzo, 2021
Euskal enpresek urtean 18.000 euroraino jasoko dituzte teknologia berriak ezartzeko

Industria Digitala programak, iaz 279 proiektu onartu zituenak, 3,6 milioi euroraino handitu du bere aurrekontua

 

Euskal enpresek urtean 18.000 euroraino jasoko dituzte EIKTen (Elektronika, Informazio eta Komunikazio Teknologiak) diagnostikoak egiteko edo teknologia berri horiek ezartzeko. SPRI Taldearen Industria Digitala programak aurrekontu handiagoa izango du aurten, guztira 3,6 milioi euro (iaz 2,3 milioi), eta helburutzat du gaitasun digital berriak barneratzen laguntzea enpresei, euren ekoizpen-prozesuetan aplikatu ditzaten.

 

Laguntza-eskaerak aurkezteko epea irekita dago, eta irailaren 24an amaitu. Iaz, 2,3 milioi euroko aurrekontuarekin, programak 279 proiektu babestu zituen, zeintzuen bidez euskal enpresek 7,1 milioi euroko ekimenak abiarazi baitzituzten.

 

FEDER funts europarrak % 50ean finantzaturiko programa honek laguntzak ematen ditu EIKTen diagnostikoak egiteko edo EIKTak ezartzeko proiektuetarako, besteak beste arlo hauetan: enpresa barruko informazio-sistemetatik Cloud zerbitzuetaranzko migrazioa; sentsorika, SCADA, zerbitizazioa, prozesuen automatizazioa, Big Data eta Blockchain; errealitate birtuala, areagotua eta mistoa eta ikusmen artifiziala; Smart Factory eta gaitasun fisiko nahiz birtualak konbinatzen dituzten prozesu industrialen simulazioa; fabrikazio gehigarria, zeinak bere baitan hartzen baititu ingeniaritza- eta aholkularitza-zerbitzuak, laguntza emateko hasierako ideiatik eta diseinutik produkzio faseraino; gamifikazioa eta arlo horretako aholkularitza-proiektuak, zeintzuek jolasetatik ateratako teknikak aplikatuko baitituzte erabiltzaileak leialtzeko, motibatzeko eta haien konpromisoa lortzeko; merkataritza elektronikoa; enpresako kudeaketa aurreratuko sistemak; produktuaren bizi-zikloaren kudeaketa eta telelana.

 

Iaz onartutako proiektu asko (% 39) kudeaketa aurreratuko sistemekin lotutako ekimenak izan ziren, batik bat ERPekin. Proiektuen % 32 telelana ezartzeko ekimenak izan ziren, SPRI Taldeak programa egokitu baitzuen Covid-ak eragindako eszenatokiaren erdian, enpresak sendotzeko eta jarduera mantentzen laguntzeko.

 

Programa honek eskaintzen dituen laguntzek bere baitan hartzen dituzte aholkularitzako eta ingeniaritzako gastuak eta hardwarea edo softwarea erosteko gastuak. Onuradun izan daitezke joan den urtarrilaren 1etik aurrera hasitako digitalizazio proiektuak.

 

Plan honek euskal enpresei laguntzen die, besteak beste, prozesuak automatizatzeko eta neurtzeko sentsoreak ezartzen, eredu birtualak egiten, fabrikazio gehigarrira egokitzen, zerbitzariak edo aplikazioak lainora migratzen, telelana ezartzen edo merkataritza elektronikoa garatzen.

 

Industria Digitala SPRI Taldeak Euskadiko Agenda Digitalaren esparruan kudeatzen duen neurrietako bat da, eta helburutzat du euskal enpresei digitalizatzen laguntzea, lehiakor izan daitezen eta puntako enpresa bihurtu daitezen 4.0 Europan. Programa honen helburua da Elektronika, Informazio eta Komunikazio Teknologiak (EIKTak) txertatzen laguntzea industria arloko enpresetan eta produktu-prozesu industrialarekin lotutako zerbitzu teknikoetako eta diseinu eta logistikako enpresetan, xedetzat hartuz euren lehiakortasuna hobetzea.

Enpresa digitala 15 Marzo, 2021
SPRIk Gipuzkoa Encounter ekitaldian azalduko du “Nola aplikatu adimen artifiziala 3D inprimaketan”

  SPRIk Enpresa Digitalaren bitartez parte hartuko du Gipuzkoa Encounter ekitaldiaren 15....Leer más

ETEek, mikroETEek eta langile autonomoek prestakuntza-ibilbide bat izango dute merkataritza elektronikoari buruz

Martxoaren 30etik aurrera, ETEek, mikroETEek eta langile autonomoek aukera izango dute SPRI Taldeak...Leer más

Enpresa digitala 11 Marzo, 2021
Ehunka teknologiazale bilduko dituen Gipuzkoa Encounterren parte hartuko du SPRI Taldeak

  Gipuzkoa Encounterrek ez dio urteroko hitzorduari huts egingo eta, aurreko edizioan...Leer más

Enpresa digitala 16 otsaila, 2021
SPRIk 4.0 arloko eta marketin digitaleko tresnen zabalkundea egiten jarraitzen du Garaia Enpresa Digitala zentroan

  SPRIk, Garaia Enpresa Digitalaren bitartez, hasiera eman dio 2021eko dibulgazio...Leer más

induistria digitala
Enpresa digitala 18 ekaina, 2020
Industria Digitala programak 279 digitalizazio-proiektu lagundu ditu 2,36 milioi eurorekin

    Telelana ezartzeko proiektuak eta 4.0 industriako teknologia bideratzaileekin...Leer más

Linkedin-a

Eguneroko informazioa, jarduera-sektoreka eta intereseko
hartzeko.

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?