Euskal enpresaren blog-a Zure enpresarentzat garrantzitsua den eguneroko informazioa

8 Marzo, 2021
Enkoak geoposizionamendu-sistemak eta osasun-kontrol sistemak garatu ditu doitasun-abeltzaintzako sektorerako

Gipuzkoako enpresak eskaintzen dituen soluzioei esker, abeltzaintzaren sektorean animaliak non dauden, non jaten duten edo non mugitzen diren jakin daiteke
Enkoa

1998tik, Enkoa enpresa gipuzkoarrak sistema elektronikoak garatzen ditu hospitality sektorerako. Soluzio elektronikoak eskaintzen ditu hoteletan energia aurrezteko, leihatiletarako sarraila elektronikoetarako, aparkalekuetan ibilgailuak identifikatu eta gidatzeko, eta sarbideak kontrolatzeko sistemetara bideratuta. Beti eskaintzen ditu kontsumo txikiko elektronika eta hari gabeko komunikazioak konbinatzen dituzten balio erantsi handiko soluzio teknologikoak, segurtasuna eta monitorizazioa behar duten inguruneetarako.

“Ingeniaritza ezberdin bat gara. Berrikuntzan oinarritutako soluzio adimentsu eta sortzaileak eskaintzen ditugu”, adierazi du Juan Cruz Iriondo Enkoako zuzendari nagusiak. Konpainiak bezeroekin batera lan egiten du haien beharrak aztertzen, eta eraldaketa digitalaren prozesuan laguntzen die, beren jardueran teknologia ezartzeko laguntza eskaintzen.

Horrela, beste esparru oso ezberdin batzuetan sartu da Enkoa. “Lehen sektorean sartzeko apustua egin dugu, esate baterako, doitasunezko abeltzaintzan animalien osasunaren parametroak kontrolatzeko eta geoposizionatzeko sistemak garatzea ahalbidetzen duten soluzioen bidez. Sistema horiekin, abeltzainak uneoro ezagutu ahal izango du, aplikazio mugikorrean, animaliaren geoposizionamendua, elikadura edo mugimendua. Edo, bestela, ultrasoinuen sentsoreen bidez elikagaiak ekoizteko sistemetan hondakinak murriztea”, nabarmendu du zuzendari nagusiak. Horrela, Enkoak soluzio elektronikoak garatzen ditu, eta Batura enpresak Pappstor app-a ganadutegiko proiekturako.

Enkoak garatzen dituen proiektu askok konponbide zehatzak eskaintzen dizkiete bezeroen berariazko eskaerei. “Bezeroari soluzio tekniko onenari buruzko aholkularitza ematen diogu; hardware & firmware soluzioak diseinatu, fabrikatu eta saltzen ditugu; komunikazio-teknologiak inplementatzen ditugu; informazioaren segurtasuna eta produktuaren saldu ondoko zerbitzua bermatzen ditugu”, nabarmendu du Juan Cruz Iriondok.

Nazioarteko presentzia nabarmena

Energia, itxiera elektronikoa, espazioak eta sentsorika adimenduna kudeatzeko sistemek harrera ona dute merkatuan, eta, une honetan, esportazio-tasa %50 ingurukoa da. Europa, Asia, Ozeania eta Amerikako herrialde estrategiko askotan dago Enkoa, kolaboratzaile eta banatzaileen bidez.

“Gela bateko aire girotua, argiak edo gainerako gailuak piztuta egotea, adibidez, energia kudeatzeko sistemek saihesten dute. Sistema horien bidez, gelaren presentzia, tenperatura, hezetasuna, gelaren egoera edo egonaldiaren beharrak aztertzen ditugu, bezero-esperientzia hobetua eskainiz”, argitu du Juan Cruz Iriondok.

Gainera, itxiera elektronikoko sistemei esker altzariak ireki eta itxi daitezke (armairuak adibidez) hurbileko teknologiarekin, kontakturik gabeko blokeoa erabiliz. Bestalde, espazioak kudeatzeko sistemei esker, aparkalekuaren okupazioa kontrolatu daiteke sentsoreen bidez, eta erabiltzaileak gidatuko dira plaza libreetara panelen, argi adierazgarrien eta abarren bidez. “Enkoan garatzen ditugun sistemak elkarrekin komunika daitezke eta denbora errealean duten funtzionamenduari buruzko informazioa eta xehetasunak eskaintzen dizkigute”, aitortu du.

Enkoak 20 langile ditu gaur egun, eta sentsore adimendunak ere egiten ditu, hainbat teknologia erabiliz, haririk gabeko eta kontsumo txikiko komunikazioetan duen esperientzian eta know how-ean oinarrituta. “Sentsoreen bidez eta Big Dataren bidez, gure bezeroei buruzko datu osoagoak eta xeheagoak lor ditzakegu, haien beharrak eta portaerak aztertuz. Datu horiek beharrezkoak dira aldaketak barneratu ahal izateko, adibidez, turismo-eredu espezializatuago bat ezartzeko. Big Dataren aldeko apustua egiten dugu erabiltzailea hobeto ezagutzeko eta sektoreko bezeroentzako zerbitzu eskaintzan zehatzagoak izateko “, adierazi du zuzendari nagusiak.

SPRI Taldearen helburuetako bat euskal enpresak digitalizatzea da, big data, machine learning, adimen artifiziala eta marketing digitala bezalako tresnak, zerbitzuekin, laguntzekin eta hemen zehazten diren aktiboekin sustatuz.

Berrikuntza 20 apirila, 2021
Innobasque kasu arrakastatsuak bilatzen ari da Global Innovation Day 2021erako

Hautagaitzak aurkezteko epea uztailaren 16ra arte egongo da irekita, eta Euskadiko erakunde...Leer más

Berrikuntza 19 apirila, 2021
Ingenet ETEak bere fakturazioaren % 20 bideratzen du I+G-ra

  Ingenet Orozkon (Bizkaia) kokatutako ingeniaritza-enpresa bat da eta berrikuntzan...Leer más

NBI taldea: “100 milioi euroko fakturazioa duen enpresa izan nahi dugu”

20 urte baino gutxiagotan, NBI Taldea Sondikako (Bizkaia) lau langileko negozio txiki bat izatetik...Leer más

Berrikuntza 15 apirila, 2021
Udalek eremu sozioekonomikoan eragiteko gakoak emango ditu Udaltopek

Udaltop Udaletako Euskara Zerbitzuen Topaketa online egingo dugu, aurreko edizioan bezala....Leer más

Linkedin-a

Eguneroko informazioa, jarduera-sektoreka eta intereseko
hartzeko.

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?