Euskal enpresaren blog-a Zure enpresarentzat garrantzitsua den eguneroko informazioa

5 uztaila, 2018
Digipen zentroko ikasleek sari bat irabazi dute Gamelab 2018 sariketan

 

Jera bideojokoak Unibertsitateko Joko Onenaren garaikurra irabazi du

Jera neska gazte bat da, fantasiazko antzinako mundu batean girotutako herri lasai batean bizi dena. Baina badaude bertako biztanleen etorkizuna mehatxatzen duten indar batzuk, eta protagonistak basoan sartu beharko du herria salbatzen lagunduko dioten elementu ezkutuak aurkitzeko. Bidean aurre egin beharko die basoko piztiei, baina ez daki bere ekintzek ezusteko ondorioak izango dituztela bere munduan.

 

Horixe da Jera bideojokoak kontatzen duen istorioa. Simulazio Interaktiboko Ingeniaritza gradua eta Arte Digital eta Animazioko Arte Ederren gradua egiten ari diren Digipen Institute of Technology Bilbao zentroko 11 ikaslek sortu dute. Proiektu horrek Unibertsitateko Joko Onenaren saria irabazi du Gamelab jaialdiaren azken edizioan, hau da, Bideojokoaren Industriako Sariketa Nazionalean.

 

“Jera bideojokoak neska baten istorioa kontatzen du. Neska horrek profezia bat entzuten du, esanez bere herria suntsitua izango dela, eta erabakitzen du ezkutuko elementuen bila joatea herria salbatzeko. 2Dn eginiko plataforma-joko bat da, non jokalaria pixkanaka trebatzen baita, elementuak aurkitu ahala” azaldu du Alex Corciak, taldeko kideetako batek. Baina protagonistaren erabakiek eragina dute bere inguruan, beste taldekide batek, Leire Gonzálezek azaldu duen bezala: “aditzera eman nahi dugu gure ekintzek ondorioak dituztela inguratzen gaituen munduan. Hala, konturatu ere egin gabe, jokalariak gauza askotarako bide ematen du, istorioak aurrera egin ahala”.

 

Ikasle-taldea lanean aritu da 7 hilabetez Jera jokoa garatzeko ikasturte osoan zeharreko proiektu gisa. Saria egindako ahaleginaren aitortza izan da: “duela 2 urte gutako gehienok ez genekien ezertxo ere programazioaz, horregatik oso pozik gaude halako proiektu bat egiteko gai izateagatik eta ahaleginaren aitortza jasotzeagatik” azaldu du Alex Corciak. Bideojokoa dohainik deskargatu daiteke Digipen Institute of Technology webguneko galerian.

Enpresa digitala 27 maiatza, 2020
Euskadi EBko liderra da eraldaketa digitalean

  Telefónica Fundazioak Espainiako Gizarte Digitalari buruz eginiko txostenak erakusten du...Leer más

Enpresa digitala 13 maiatza, 2020
Enpresa Digitala ekitaldien agenda. Ekitaldien formatu berria

Onlineko formatua zuzeneko streaming interaktiboarekin.  Nola ez dakigun noiz antolatu ahal...Leer más

Enpresa digitala 19 martxoa, 2020
Eusko Jaurlaritzak telelana autonomoetan eta ETEetan berehala ezartzeko eta aholkularitza emateko zerbitzua jarri du abian

COVID-19 sortzen ari den egoera eta agintari eskudunek hartutako neurriak ikusita, Eusko...Leer más

Enpresa digitala 9 urtarrila, 2020
Emakumeen presentzia handiagoa SPRIren Barnetegi Teknologikoa programan

  Programa horren bidez SPRI Taldeak ezagutzera ematen ditu zein joera zabaltzen ari diren...Leer más

Linkedin-a

Eguneroko informazioa, jarduera-sektoreka eta intereseko
hartzeko.

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?